荃灣食乜好│ 雞煲火鍋 放題任食回本花膠 @Dining娜
荃灣食乜好│ 雞煲火鍋 放題任食回本花膠 @Dining娜

荃灣食乜好│ 雞煲火鍋 放題任食回本花膠 @Dining娜

(Presented by 18樓雞煲火鍋專門店)
Photo:Barry

荃灣可以話係雞煲同火鍋嘅集中地,各適其適。18樓雞煲火鍋專門店專做 雞煲火鍋 放題,食完雞煲再打邊爐,而火鍋除咗無限供應雪花肥牛、脆鯇片、白鱔片等配料之外,最誇張係竟然有花膠,仲要無限任食,簡直落重本!難怪開業至今只係短短數個月已經喺區內火紅。

店主親自調配四川雞煲醬

先睇18樓嘅招牌雞煲,採用咗傳統四川麻辣做法,特色係既辣且有麻香,甜度較少;雞隻選用爽嫩彈牙嘅三黃雞,啖啖肉。雞煲嘅秘製醬汁由店主親自調配,四川風味濃郁,大家可以自選大、中、小、微或唔辣。由於雞煲每日新鮮製造,雞鮮肉滑,而且能夠吸盡惹味醬汁嘅精華,令人回味,每日賣出150至200煲,厲害!

招牌雞煲
特別選用三黃雞,嫩滑彈牙,雞煲醬汁由老闆親自研究秘製,夠辣又有麻香,食完加豬骨湯即可打邊爐。
招牌雞煲
特別選用三黃雞,嫩滑彈牙,雞煲醬汁由老闆親自研究秘製,夠辣又有麻香,食完加豬骨湯即可打邊爐。

雞煲火鍋 放題必食配料

食完雞煲,加2吋豬骨湯底就變成火鍋,可以任點任食唔同配料打邊爐。店主透露,呢個豬骨湯底熬足10幾個鐘,味道濃郁鮮香,夠晒味,灼過嘅食物可以唔點豉油就食得!

至於無限任添配料,首推回本度高嘅花膠,開始入秋,多食滋補食物最啱。雪花肥牛、特選黑豚腩片、即日靚海鮮、脆鯇片、白鱔片等配料,都係無限任食。

滋補花膠
店主不惜工本,花膠可以喺火鍋放題任食實在少見,臨近秋季,係時候滋補一下。
雪花肥牛肉
選用美國肩胛位雪花肥牛,雪花均勻甘香,灼後非常軟腍,同味道濃郁嘅雞煲火鍋食最夾。
櫻花蝦片
櫻花蝦片混入蟹柳,炸到香口,灼一灼即刻就食得。
蜂巢炸腐皮
灼2至3秒,質感介乎鬆脆同軟腍之間最過癮。
包心芝士丸
灼完咬開就係爆芝餡,好香口。

一班朋友如果有人唔食雞煲,都可以轉一款特色湯底,包括鮮濃番茄湯、粟米蘿蔔豬骨湯、四川麻辣湯、花雕藥膳湯、鹹菜胡椒豬肚湯。

鮮濃番茄湯 $48(可散叫)
湯底加入鮮番茄、粟米、薯仔熬足3個鐘,味道鮮甜香濃。

玩味舊屋邨裝修

佔地7,000呎嘅18樓環境寬敞,全店參照70、80年代嘅舊式屋邨為設計藍本,懷舊風味濃厚。全店設有2間VIP房(可以打通),分別以18樓A座、18樓C座為名,後者更係源自經典電台廣播嘅名,玩味十足。

全店嘅裝置、配件好有舊屋邨風味。
其中一間VIP房以經典電台廣播劇《18樓C座》命名,門口更以板間房設計,幾有玩味。

18樓雞煲火鍋專門店

地址:荃灣眾安街55號大鴻輝(荃灣)中心18樓(港鐵荃灣站B1出口)(顯示地圖
電話:2390 5390
價錢:星期一至四$138 – $158/成人、$88/小童
星期五至日、公眾假期及前夕$148 – $168/成人、$98/小童
備註:收現金及信用卡,設加一

最新吃喝玩樂資訊