公司旅行大棚人 最好約埋做船民@杜遊珍
公司旅行大棚人 最好約埋做船民@杜遊珍

公司旅行大棚人 最好約埋做船民@杜遊珍

阿珍份人,比較特立獨行,讀書時代已經好驚參加班會大旅行( 偏偏試過幾份工都係湊客帶隊,你話係咪自作孽?!),若然公司叫我參加旅行、砌字、講座、拉Banner 呢類活動,肯定扮病射波搵定匿,千祈唔好影到我!

個別行業 樂在其中

一樣米養百樣人,對於上周熱傳大陸某集團6,400員工集體遊法國嘅新聞,阿珍簡直不能理解,身穿制服幫老闆賣廣告,何解可以表現如此興奮,好在有朋友公關P幫我解答。其實「員工獎勵旅行團」並唔罕見,尤其傳銷、保險呢類好講求團隊士氣嘅公司,就特別需要定期舉辦旅遊團,「你話洗腦又好、Team Building 又好,總之佢哋特別鍾情透過外遊維繫公司向心力,舉旗、吶喊、嗌口號根本係家常便飯!」公關P仲大讚嗰位老闆十分聰明,招搖至此,不但職員歸屬感倍增,計落仲好過畀錢落廣告,一舉N得!

「包團不如包船」

不過曾經代辦唔少公司團嘅P亦承認,出動六千至一萬個職工外遊,的確非常震撼,若無國家級機構協助,呢啲Job 佢都唔敢接!「成隊兵咁大棚人,仲要個個當自己係大爺,包車、包機、包酒店,淨係對人名都做死人!」為咗省力省時間,阿P近年都傾向說服呢類公司改玩「包郵輪」── 行程唔使安排、活動保證豐富,食飯正餐或者buffet 都係免費,「最正係郵輪不乏Theatre 或者演講廳, 啱晒啲主管搞講座或者頒獎禮, 想睇6小時

PowerPoint 都無難度!」一千幾百人上船,7至8位數字已經可以埋單!難怪唔少郵輪公司都進駐亞洲、上海天津出發日韓遊,每季都接唔少呢類大茶飯啊!

France China Tiens Company
睇見呢個畫面,阿珍忽然諗起玩極唔 厭.「1,600熊貓」:係.,當初班 熊貓咪就係由巴黎站開始遊蕩全球 囉!今次可以話係夢想成真咯!

延伸閱讀:越南簽證密密加 懶理廉航算把啦@杜遊珍

尋人、互助、Safety Check! 社交網絡的災難應變@杜遊珍

最新吃喝玩樂資訊