台灣直送│地道 台式火鍋 配罕見台菜 @Dining娜
台灣直送│地道 台式火鍋 配罕見台菜 @Dining娜

台灣直送│地道 台式火鍋 配罕見台菜 @Dining娜

(Presented by 養心殿台式養生鍋)
Photo:二彤、Barry

有時經常打邊爐難免燥熱,如果好似我Dining娜咁係個火鍋控又怕熱氣,食 台式火鍋 就啱晒喇!因為佢主要用唔同嘅藥材炮製成台式藥膳火鍋,養生得嚟,最重要係補而不燥,喺呢個準備入秋嘅季節食就最啱!

我講嘅就係養心殿台式養生鍋,佢哋專供6款健康養生湯底。除咗旺角,佢哋上個月剛剛喺銅鑼灣開新店,我班港島區工作嘅朋友即刻拉隊去食,個個都話味道夠晒正宗,而且唔少配料都好地道,就連多款新鮮蔬菜都係台灣直送,當中幾款喺香港仲幾少見添!

台式火鍋 地道罕有靚菜

我班閨密個個都話食火鍋要食得健康,先無罪咎感,大家都盛讚養心殿有多款台灣靚菜選擇!而且每日由台灣空運直送,新鮮之餘,又夠特別,喺香港唔容易食到。例如原條珍珠筍、台灣水耕菜,兩者都可以生食或者灼熟食,清爽帶少少甜味。9至10月,店主就推介大家食台灣時令嘅翠絲水蓮菜,佢纖維高、含豐富維他命B12,亦有排油作用,質感係菠菜同韮菜花之間,口感唔錯,係今期食 台式火鍋 嘅必點靚菜。四季都有嘅台灣A菜、青江菜,好有菜味,都係熱賣蔬菜,店主強調,台灣A菜並非油麥菜,係正宗來自台灣嘅。

原條珍珠筍 $78(前)、水耕菜 $58(後)
兩者都有2種食法,可以生食或焯熟食,清爽得來帶清甜味。
原條珍珠筍 $78(前)、水耕菜 $58(後)
兩者都有2種食法,可以生食或灼熟食,清爽得來帶清甜味。
左起:青江菜、台灣A菜、翠絲水蓮 各$78
店主推介今期食翠絲水蓮菜,佢唔單止9至10月時令,而且纖維高,又有排油作用,女生最愛!台灣A菜、青江菜四季都有,同屬熱賣之選。
酸菜白肉鍋 $128
經典 台式火鍋 湯底,選料用上由師傅秘方醃製嘅東方大白菜、極品豬王花腩,當中仲配上QQ寬粉條,酸香醒胃,台式風味突出。
寧神養心鍋 $168
由20斤鮮魚、川芎、白芷、天麻、當歸、鮮雞、豬肉,熬足4個鐘,用料十足,藥材味濃,具有預防頭痛功效,喜歡滋補系列嘅朋友一定大愛!

店主推介必食:牛胸爽、炸豆皮

養心殿有唔少台灣直送嘅火鍋配料,好似鴨血,台灣控必食!另外,店主大力推介牛胸爽,由於部位刁鑽,所以限量供應。牛胸爽口感似軟骨,爽口有嚼頭,放湯灼3秒至剛剛熟就食得。台灣空運嘅炸豆皮一定要試,灼完都唔會散,有咬口兼夾豆味濃;而炸響鈴係深水埗公和出品,柯打後即叫即炸,熱辣辣奉上,兩者都係店主推介!

牛胸爽 $138
口感爽脆似軟骨,放湯灼3秒至剛剛熟就食得。
炸豆皮 $38(前)、鮮炸響鈴 $58(後)
炸豆皮由台灣空運,灼後依然有咬口。炸響鈴係深水埗公和嘅出品,即叫即炸,豆味濃郁,兩者都係店主推介!

白肉苦瓜係台灣特產,養心殿嘅蜂蜜白苦瓜汁可以話係落重本,用上1斤(大約2/3個)台灣大白肉苦瓜榨汁,超足料;再加蜂蜜減少苦澀,平衡甜味,食住火鍋飲最正!

店主透露,位於大鴻輝中心嘅荃灣新店會喺11月開業,屆時又多一個聚腳點喇!

蜂蜜白苦瓜汁 $58
大大杯苦瓜汁用上1斤台灣白肉苦瓜榨汁而成,足料、清熱;再加蜂蜜減少苦澀味,食 台式火鍋 品嘗最啱。
銅鑼灣新店設計以木為主,每個區域以屏風間隔,私密度與空間感並存。

養心殿台式養生鍋

銅鑼灣店:軒尼詩道418-430號友光大廈3樓(2577 4400、2577 4401)(顯示地圖
旺角店:彌敦道607號新興大廈1樓106-112號舖(2323 3123、2323 3698)(顯示地圖
荃灣店:眾安街55號大鴻輝(荃灣)中心17樓(2440 0300、2440 0332)(11月中開業)(顯示地圖
備註:設加一,收現金及信用卡

最新吃喝玩樂資訊