鋒味曲奇試食報告!明星曲奇大激鬥!

飲食

廣告

視煮食為修行的謝霆鋒,拍攝《十二道鋒味》時大展大廚功架,型爆嘅廚男形象俘虜一眾同行女星同女粉絲,今次殺入中環開餅店賣曲奇,引來全港女士瘋狂搶購日日清,主打嘅甜、酸、苦、辣4大口味曲奇,霆鋒笑說大家透過食餅可以感受到佢一生鋒味!我哋喺街頭找來20位女士試味,睇下佢哋又鍾意霆鋒嘅邊一種味道?去片!

港女鋒味曲奇試食情況:

女士們試食,甜、酸、苦、辣4種鋒味當然各有所愛,一齊睇睇佢哋點講?

港女鋒味曲奇試食結果:謝檸檬最好食!

經過20位女士試味投票,結果酸味大幅度拋離其他口味,以十票獲勝,粉絲大讚用鮮檸檬打造出的曲奇,「酸味提升曲奇的甜味之餘,食落更清新同無咁油膩」,四大鋒味首選謝檸檬!而緊隨其後的第2位即苦味,「朱古力味濃,唔太苦又唔甜,幾啱女仔食!」、認為辣椒味「較少見,真係食到辣椒乾好特別!」,而甜味就「牛油味好勁,唔太甜,不覺無特別!」

曲奇4大鋒味拆解

鋒味曲奇的4大鋒味皆由霆鋒一手包辦,有傳霆鋒為了創出獨門祕方,在家裡閉關多日研究,並說今次精心特製的曲奇,需要依以上的次序來進食,才是一個完整的循環。至於實際是用了什麼材料,等我哋逐一拆解!

鋒味曲奇是如何煉成的?

到底霆鋒為何想打造鋒味曲奇,又為何想出甜酸苦辣4種鋒味,他在某媒體專訪中便有一一透露:

鋒味曲奇
價錢:$200/盒
地址:中環結志街39-49號地下(顯示地圖

謝霆鋒的鋒味曲奇一出,同時又揭起明星界曲奇的龍爭虎鬥,我哋搵來其餘三大明星,包括古巨基、陳敏之、蘇施黃大受歡迎的其中一種曲奇,再落街頭試味比拼,今次謝檸檬又能否獲勝?

與謝霆鋒的峰味曲奇一較高下的,分別是古巨基的原味牛油曲奇、陳敏之的黑松露曲奇和蘇施黃的煙肉曲奇。

4大明星曲奇試食情況:

港女鋒味曲奇試食結果:都係謝檸檬啦!

雖然一眾明星奇味盡出,但都係謝霆鋒的檸檬味以8票稍稍獲勝,大多認為「檸檬味曲奇雖然無煙肉同松露咁特別,但個味較得最好!」,緊隨其後,蘇施黃的煙肉味,就以「真係有粒粒煙肉,好得意!」,僅以一票之差屈居亞軍,而陳敏之的黑松露曲奇,就覺得「鹹咗少少,但絕對係送禮佳品」,而古巨基的原味牛油就「好香牛油味,但食完好似會肥成磅咁」,睇嚟新奇口味喺明星曲奇界先係王道!

1. Bliss/祝幸福 ─ 陳敏之
祝幸福為鹹味曲奇系列,有黑鑽松露、番茄及鯷魚各有8塊。

Blessscuit Bakery
價錢:祝幸福 $148
地址:天后電氣道35號凱旋大廈B座地舖 /尖沙咀河內道18號K11購物藝術館地庫1層Kiosk K14號舖
2. Savoury COLOUR Cookies ─ 蘇施黃
共16塊的七彩色的曲奇共有七種口味:煙肉、辣椒、咖喱、開心果、羅勒、黑欖和紫菜芝麻。

Zozi Cookies
價錢:Savoury COLOUR Cookies $130
地址:Zozi cookies 各大分店有售
3. 原味牛油/朱古力曲奇 ─ 古巨基
最熱賣的兩款曲奇,每罐11塊。

Alice Wild Luscious
價錢:原味牛油/朱古力曲奇 $78
地址:中環鴨巴甸街35號元創坊H102-103店 /尖沙咀河內道18號K11 B1樓層 B112店
更多美食資訊:
【掃街王】鰂魚涌橫掃聯合國美食
【旺角】雞煲店變身手工燒烤 烈焰火燒豬肋骨
【尖沙咀】中村藤吉開業 入場須知及博客食評

香港18區美食有甚麼推介?

新假期編輯已經為你整合了香港18區美食指,其中包括尖沙咀、旺角、銅鑼灣等……即睇更多詳情。

香港有甚麼週末好去處推介?

香港18區都非常值得花時間好好探索,一家大細去暢玩的親子好去處、拍拖推介32大情侶好去處、落雨必去的室內好去處、慶生推薦20大生日好去處、新手必備19大靚景行山好去處、秋天戶外露營好去處…..