【旺角】香港首創?韓式春川雞變春川雞煲

飲食

廣告

多得近年勁吹韓風,我們認識的韓菜不再只是燒肉和鍋物了,春川雞便是很多人去過韓國回來最喜歡的菜式之一。在港吃到春川雞的地方少之又少,最近竟有火鍋店做春川雞煲!食組的兩位韓粉立刻走去親自點評一下!

什麼是春川雞?

在韓國江原道的春川市,當地有最出名又正宗的春川炒辣雞,那裡更有一條辣雞街。春川雞會用鐵板熱滋滋上枱,阿珠媽把用韓式辣醬醃入味的雞肉,跟大量椰菜、大葱、薯仔、年糕等配料一齊在你面前喪炒,炒到收汁了,再用生菜包住辣雞吃。最後加碗白飯撈汁,燶燶哋又乾身,好惹味。

春川雞煲跟春川雞有什麼分別?

Karman:「他們的重慶式麻辣雞煲似乎做得很耍家,我們閒日來都爆場兼做兩轉食客。這個新推的韓式春川雞煲最近大肆宣傳,最大分別是鐵板炒的春川辣雞變成湯鍋浸的雞煲,雞肉以韓式辣醬汁煮過,配料如薯仔、年糕等都做得幾足,還加入了芝士和番薯增加口感。」

食落有何感覺?

Lisa:「此煲汁醬好多,多到浸滿了雞面,但雞肉滾幾耐也不夠入味,小辣的辣度似BB辣,建議由中辣起跳,薯仔份量不少,但滾十幾分鐘已經黐底。」

Karman:「上枱時望落顏色和香味都幾對辦,不過吃落卻嫌韓式那種好搶的辛辣和酸香不太夠,加湯 (一般雞湯或麻辣湯)變火鍋後更加無味了。但睇埋$148/位的價錢,即覺得可以一試,算是止到少少口癮。十幾款自取飲品更吸引,出面韓國餐廳每罐賣十幾蚊的韓式汽水果汁,呢度有五六款通通任飲,抵!」

至尊重慶雞煲
地址:旺角彌敦道593至601號創興廣場16樓
電話:2148 2628
營業時間:5pm – 3am
收費:閒日$148/位(任食兩小時)
備註:1. 設加一,收現金及信用卡 2. 不同分店及時段之收費有異
更多韓式飲食資訊:
韓食大時代!全港5大拉芝士食店!
韓食瘋!8個好味韓國外賣小食

香港18區美食有甚麼推介?

新假期編輯已經為你整合了香港18區美食指,其中包括尖沙咀、旺角、銅鑼灣等……即睇更多詳情。

香港有甚麼週末好去處推介?

香港18區都非常值得花時間好好探索,一家大細去暢玩的親子好去處、拍拖推介32大情侶好去處、落雨必去的室內好去處、慶生推薦20大生日好去處、新手必備19大靚景行山好去處、秋天戶外露營好去處…..