月餅 來了! 冰皮是王道 果皇味濃 阿華田最盞鬼@Dining娜
月餅 來了! 冰皮是王道 果皇味濃 阿華田最盞鬼@Dining娜

月餅 來了! 冰皮是王道 果皇味濃 阿華田最盞鬼@Dining娜

9月,又係時候要張羅 月餅去送禮。市面 月餅五花八門,間間公司都推出獨家新味吸客,不過我Dining娜始終相信大品牌,無論送畀親戚定自用,品質一定係首選。前日路過聖安娜餅店,見到出咗好多新口味嘅冰皮 月餅,個個上面都印咗得意祝福字句:「叻叻豬」、「chok」、「你最靚」。見咁打耳,一於買番去親自試下,睇下邊款好味再用嚟送禮!

罕有D24 mix 貓山皇 月餅

榴槤 月餅就食得多,但係D24再混搭貓山皇就真係少之又少。係榴槤友都知,馬拉榴槤香味最濃:當中貓山皇是極品,入口即溶,慢慢散發回甘果香;而D24出名creamy,肉質香甜細滑。今次破天荒用貓山皇做軟心、D24做豆蓉,完全滿足晒一眾榴槤迷的願望。唔係講笑,一拆開就聞到濃郁榴槤香,入口後,軟心部分的貓山皇果味突出,而D24豆蓉就質地幼滑,味道天然,真係幾好味喎!

 

 

榴槤果皇冰皮月餅 (超值優惠$118)

豆蓉同軟心分別用上D24及貓山皇做成,果香出眾,質地亦軟滑。

阿華田變成 月餅?!

我知,我知⋯⋯唔係個個喜歡榴槤的味道,放心,仲有好多「人見人愛」的選擇,好似阿華田 月餅,應該大人細路都咁鍾意喇!我記得聖安娜早前都出過阿華田蛋糕,當時食已經覺得好驚喜,難得今次出 月餅,當然要捧場。一盒有三粒,一口Size,連小朋友都可以輕易就KO。原粒放入口,阿華田味好香濃,仲有佢獨有嘅麥芽,食一啖,童年回憶返晒嚟!

阿華田一口冰皮月餅(超值優惠$28)

阿華田月餅非常少見,麥芽味濃而不膩,一啖一粒,大人小朋友都啱。

芒果滋味 港人至愛

香港人最鍾意食芒果,好似我家姐,一人可以獨吞兩大個。估唔到聖安娜嘅芒果誘惑冰皮 月餅同真芒果一樣咁香甜,最正係一盒竟然有兩款口味:「芒果粒粒」同「楊枝金露軟心」;前者有啖啖芒果肉,後者係經典地道甜品。我試過,兩款嘅芒果味都好香。粒粒芒果,顧名思義,切開就見到橙黃色芒果粒,香甜有咬口,夠特別;而楊枝金露有個白色軟心,真係食到椰子香,配搭好有心思,一於預一盒畀家姐同姐夫先。

芒果誘惑冰皮月餅(超值優惠$65)

一盒集齊兩款口味:粒粒芒果真材實料有咬口;楊枝金露軟心味道香甜,芒果怪見到,一定失控。

和風口味一盒3款 啱晒心多多的你

數下⋯⋯數下,仲差未來奶奶嗰份。老人家唔好食太甜、太油膩口味,特別推薦呢款「和風一口冰皮月餅」,包裝簡約,全部細細件,而且每盒都有3款味道:京都抹茶紅豆、紫薯椰子軟心、檸檬芝士,全部都係熱捧選擇,來個大包圍,保證無撞板。3款中,我就最鍾意抹茶紅豆,真係用京都抹茶粉製作,茶味香;而紫薯同椰子軟心就超級夾;至於檸檬芝士入口軟滑,少少酸,感覺好清新!精緻一口Size,一啖一個,少食多滋味,送畀未來奶奶Fit晒!唔係,唔係,買多兩盒放喺公司雪櫃,平時當下午茶tea一tea,都好正!

和風一口冰皮月餅(超值優惠$28)

每個小月餅上都有得意字句,自用定收禮,都甜絲絲,開心笑。

全線聖安娜餅屋有售

超值優惠期至9月18日

查詢電話:2991 6699

最新吃喝玩樂資訊