火鍋 控注意!成本價$98 歎高質靚海鮮 @Dining娜
火鍋 控注意!成本價$98 歎高質靚海鮮 @Dining娜

火鍋 控注意!成本價$98 歎高質靚海鮮 @Dining娜

(Presented by 正斗海鮮火鍋館)
Photo:二彤

身為火鍋控,我Dining娜成日都想搵啲性價比高嘅 火鍋 。最近朋友話我知有間火鍋店踏入7周年,竟然大膽到以成本價$98推出龍蝦鮑魚海鮮拼盤,宵夜時段點鮑魚海鮮盤,都只係$48,極度吸引!講嘅就係正斗海鮮火鍋館,店主透露,呢個優惠推出只係兩個星期,反應已經好熱烈,幾乎每枱必叫!佢仲話,成本價食海鮮拼盤未知做到幾時,我同班姊妹梗係即刻約飯局啦!

成本價食5、6款靚海鮮

正斗係旺角區嘅活魚專門店,一直以合理價錢提供高質靚海鮮作為 火鍋 配料,多年來深受熟客長期熱捧。依家推出嘅$98龍蝦鮑魚海鮮拼盤,有6款時令生猛海鮮,當中龍蝦、鮑魚係必有嘅,今期大廚揀選蟶子、海蝦、青口同蜆。而9:30後宵夜時段,只係$48嘅鮑魚海鮮盤就食到5款海鮮,呢個絕對係成本價,店主話幾乎唔賺錢,真係超值!

龍蝦鮑魚海鮮盤 $98/位(2位起)
由大廚嚴選6款時令生猛海鮮,如蟶子、海蝦、青口和蜆,當中必備龍蝦和鮑魚,實在抵食!
龍蝦鮑魚海鮮盤 $98/位(2位起)
由大廚嚴選6款時令生猛海鮮,如蟶子、海蝦、青口和蜆,當中必備龍蝦和鮑魚,實在抵食!(圖為2位份量)

全部海鮮由師傅親自挑選

正斗嘅海鮮全部新鮮生猛,因為係由師傅每日去街市親自挑選,例如加拿大象拔蚌,都係由師傅逐隻篩選,以確保質量。鮮魚亦只賣海魚,因為海魚味道比養魚鮮甜得多,無論火鍋或小菜,客人一食就知!佢哋亦有活魚刺身供應,同樣每日去街市揀選活魚,即叫即劏,保證鮮味。想歎靚海鮮,旺角都食到,唔使專登入西貢、鯉魚門食!

正斗好多火鍋配料,例如肥牛、活海鮮、刺身等,都同唔少高級海鮮店來自同一供應商,味道同質素都有保證。

鮑魚海鮮盤 $48/位(2位起,晚上9:30後入座供應)
宵夜時段可以半價食到5款時令靚海鮮(必備鮑魚),試問邊度可以呢個價錢食到?(圖為2位份量)
特選刺身拼盤 $368(宵夜價$328)
店主會喺唔同產地選取時令刺身,例如挪威三文魚、美國帶子,仲有吞拿魚、希靈魚、甜蝦等,保證新鮮。

夜貓族留意!夜宵 火鍋 湯底最平$20

好多上班族都要OT,如果夜晚9:30宵夜時段幫襯正斗,火鍋湯底如鴛鴦鍋、香荽皮蛋鍋、上湯鍋都只係$20!3支青島啤亦一樣係$20!好多配料都只係$30或$45!呢度開到凌晨5點,夜貓族可以喺度打邊爐兼傾偈,慢慢歎!

羅宋鮮茄薯仔豬骨鍋 $108
自家製羅宋湯底,以豬骨、鮮番茄、薯仔、粟米等健康食材熬足兩個鐘,鮮甜味美,女仔最鍾意點!
特級牛頸脊 $198/中、$268/大
牛頸脊係店主推介嘅肥牛之選,因為呢個部位嘅肉質軟腍彈牙,而且雪花均勻甘香,灼後依然牛味十足。
芝士墨魚丸 $88
正斗大部分丸類都係手打,尤其彈牙,呢款喺墨魚丸裡面包住卡夫芝士粒,一次過食到兩種口感同滋味,夠晒爽!
手捲炸響鈴 $45、釀三色油炸鬼 $58
自家製響鈴用枝竹即叫即炸,唔放湯,都可以直接即食!三色油炸鬼分別釀咗墨魚滑、鯪魚滑、蝦滑,啱晒多心嘅火鍋控。
鮮蝦水餃 $98/8隻、$58/4隻
由師傅自己包嘅鮮蝦水餃特別大隻,每隻都有份量十足嘅鮮蝦、豬肉,每人1-2隻已經好滿足!

正斗海鮮火鍋館*

地址:旺角上海街450號慶華商業大廈地下(顯示地圖
電話:2771 5711
備註:設加一,收現金及信用卡。
* 暫此一間,別無分店

最新吃喝玩樂資訊