【煮食神器開箱文】零失敗 煮蛋蒸飯器
廣告
要將一隻雞蛋煮成溏心蛋或者流心蛋，絕非易事，時間和火力要拿捏得準，稍有差池都會失敗，正如早幾日食完拉麵的杜汶澤也感慨：「好麵易得，好蛋難求。」。 這部煮蛋器由本地設計，聲稱一機可以搞掂溏心蛋、流心蛋、全熟蛋三種煮法，只要加水後放入雞蛋，就可以輕鬆等食，完全毋須計時，究竟係咪真係咁厲害？
測試後發現，過程容易操作，根據雞蛋數目加上相應刻度的水，開機便自動烹調，加熱速度快，十秒內已有蒸氣飄出，溫度亦頗高。溏心蛋切開時有蛋汁爆破而出，蛋黃處於半熟狀態，十足十拉麵店常見的溏心蛋；點心加熱和蒸水蛋功能的效果也很滿意。機身輕巧，Size 和手動碎紙機接近， 收納方便，適合辦公室OL 加熱飯餸，或是老人家煮食用，健康過用微波爐，價錢又幾抵玩。
滿意度 5/5
以Medium刻度6的水量煮六隻雞蛋，過程約十分鐘，雖然時間比用明火長，但勝在毋須睇火計時。蛋白凝固熟透，蛋黃外圍呈軟綿膏狀，中間仍有液態蛋汁，形成口感濃稠的效果，加鹽食或配杯麵都Perfect！
滿意度 5/5
將放在冰箱的點心不經解凍，放入蒸盒直接加熱，需時十五分鐘，揭蓋時有如蒸籠點心一樣，熱力滲透荷葉，珍珠雞內部熱到燙口，同時保留了點心內的水份，不像微波爐般叮完變得乾身。
滿意度 4/5
兩隻雞蛋加200mL水拌勻後倒入蒸盒，以Hard刻度1的水量蒸煮15分鐘，蒸水蛋剛好熟透， 取出時微微搖晃顫動，口感滑溜像豆腐花， 表面尚算光滑，惟有小量倒汗水，建議加保鮮紙蓋面會較好。
銷售點： I Love Kitchen、一田百貨、City’super、指點FingerShopping.com
查詢：3568 0572
延伸閱讀：
香港18區美食有甚麼推介？
新假期編輯已經為你整合了香港18區美食指，其中包括尖沙咀、旺角、銅鑼灣等……即睇更多詳情。
