觀塘任食4.5小時！ $168花螺辣酒 雞煲 ＋火鍋放題 啤酒、汽水任飲

記者：Joan 攝影：Manson

雞煲 ＋火鍋放題：花螺辣酒 $168/位

酒樓雖只開了幾個月，但晚市推出的 雞煲 、火鍋任食套餐，都有好多街坊捧場。記者平日前往，六時多入座，店員已指全部枱被訂座，walk in一定要等，所以想食的緊記要Book枱Book枱Book枱！

雞煲 有甜、酸、苦、辣和奇味5款選擇，另外最新推出的花螺辣酒 雞煲 、魚翅 雞煲 和奇味卜卜蜆 雞煲 ，記者點了花螺辣酒 雞煲 ，等待雞煲上枱時會先送上點心，點心款式隨機發放，每枱不同，有水晶果、黑糖糕等，水晶果熱辣足料，作為前菜都不錯。

堂弄干邑爆炒！即變火焰雞煲

吃完點心再等一會，店員會一併把 雞煲 、送的海鮮、火鍋和蔬菜拼盤送上，而這時大家可以預備好相機，因為店員會把一小杯的酒倒進 雞煲 內，再以火槍點火， 雞煲 會冒出熊熊火焰，店員亦會即席爆炒 雞煲 ，未食都聞到好香！

送！海鮮＋火鍋＋蔬菜拼盤

隨雞煲附上的海鮮、火鍋和蔬菜拼盤，冰鎮海鮮有5款，包括海蝦、元貝、生蝦、青口和沙白；而火鍋料有手打丸類和自家製餃子；蔬菜盤有粟米、冬菇、娃娃菜和白菜仔等。海鮮的青口、沙白，火鍋和蔬菜拼盤可再在任食的配料紙上再encore。

汽水、啤酒任飲！

雪櫃內有各款汽水、韓式飲品、樽裝涼茶和啤酒任拿任飲，款式夠多；另店內醬料亦是自助配搭。

總結：食物方面，最重要的雞煲味道不錯，大件嫩滑，同鍋的辣酒花螺亦辣得惹味，附送的拼盤和任點的火鍋料都有不同款式供選擇。店員人手雖較疏落但都有禮快手，坐得闊落，街坊酒樓Feel但較乾淨企理，可以任食4.5小時，$168/位另收加一，價錢合理，好適合一班朋友吹水，都不錯。

&feature=youtu.be

東煲西炒

地址：觀塘興業街1號駱駝漆中心1樓（顯示地圖）
電話：3571 9230
營業時間：11am- 3pm/6pm – 11pm

火焰雞煲及任食火鍋配料套餐：$168/位
供應時間：6pm-10:30pm
備註：另收加一及$10/位茶芥，敬請預約

延伸閱讀：