自製 木盤樹脂畫 ！ 90後創自家品牌 教你畫出靚藝術品 | 周末好去處 |

90後創自家品牌： 藝術唔離地 唔係高消費群先可接觸

從小到大學畫畫，現時修讀設計的90後Rolland於去年打造自家家品品牌「agape」，主要賣由樹脂膠製作的掛牆裝飾、時鐘、木托盤和杯墊等，每個作品的線條和圖案都不一樣，極具特色。Rolland希望，品牌可以將藝術帶入香港人的生活中，「藝術其實係對人嘅調劑品，佢會令到你喺呢個咁緊張嘅社會中得到平衡。我想令大家慢慢認識，原來藝術唔離地， 唔係高消費群先support到。」

在手作市場中，家品屬冷門手作品，Rolland指堅持和營運是極度困難，「我係幾唔鍾意放棄嘅人，一係市場唔得；一係我唔得，多數我都覺得係自己唔得，自己唔得咪再做好啲，總有一日你會得。」Rolland指，他的作品在市場中有優勢，「其他人做嘅（作品）可能有靚同唔靚之分，但做藝術好主觀，每個人睇法都唔同」，他認為有些屬失敗的作品也有人賞識，「藝術的可能性好大，價值在於你幫唔幫到呢幅畫搵一個識得欣賞佢嘅人，所以要學習唔好話唔靚就收埋佢。」

圓木托盤亦是受歡迎的產品之一，更有不同的大小和圖案選擇。24cm圓木托盤 $450

除了時鐘、木盤和掛牆藝術品，亦有杯墊這些小型家品。 杯墊 $50

2.5小時用膠畫靚畫 放鬆治癒零難度

Rolland會有不定期舉行工作坊，他曾有學生指定要做出與Rolland一模一樣的作品，學生一開始創作時未看到預期效果感到失望，後來Rolland建議下，學生作出小修補，最後好開心滿意地將作品帶走，「享受不預期給你的滿足感，是一個學習過程。」Rolland認為藝術可以分享生命和價值觀，「唔係純粹一幅靚嘅藝術品掛喺牆上就完。」

工作坊每班約有7-9人左右，製作過程絕不繁複，只需調配自己喜愛的顏料，在樹脂膠凝固前自由創作便可，大約2.5小時便完成，不過作品需要在室內風乾一天，不能即日帶走。

Step 1：樹脂膠加固化劑

Step 2：加顏料

Step 3：倒入木盤

Step 4：自由創作

Step 5：用火槍噴走氣泡

Step 6：風乾

記者試玩後感：創作過程好玩好治癒

一開始畫的時候會有些無從入手的感覺，在Rolland的建議下，便開始放膽去畫，在創作過程中，看著樹脂膠在木盤上流動感覺好治癒放鬆，整個過程好簡單，美感零分的朋友都玩到，而且完成作品後非常有成功感！

agape 木盤樹脂畫工作坊

地址：荃灣沙咀道45-53號荃運工業中心一期13樓L2室（顯示地圖）
日期及時間：9月15日 5:30pm-8pm
收費：21cm圓木盤 $750；圓木盤可加裝成為時鐘，優惠價$50/個 （原價$80）；19cm x 13cm 長方形木盤 $790
Facebook：agape

延伸閱讀