勁多名牌揀 CX 頭等食材網!@Charmaine

博客

廣告

話說Charmaine 上星期先啱啱做完同網店有關的Cover Story,今日上網又發現另一間勁嘢!這間叫Deli Delight 的網店驟眼睇與一般Gourmet Shop 沒大差別,但原來開店的正是國泰航空,所賣的產品大部分都是國泰及另外幾家航空公司頭等及商務客位飛機餐選用的食材!從前只有香港機場的員工才買到,因反應奇佳而被發現商機,最近終於對外開放。有咩First Class 嘢賣?如名廚Gordon Ramsay 都選用的Dingley Dell 豬肉,來自英國,無荷爾蒙及化學劑,出售部位又比市面高級超市多;英國名牌LochFyne 巴力煙三文魚,用海鹽煙燻超過24小時,味道濃得化不開;還有Prime Grade 的牛柳竟可整條買!由於店子大量入貨,又不用付上架費,所以大約以坊間高級超市約9折的價錢,便可歎到first class 貨色,性價比認真高!再仔細睇睇,還發現目前只在CIAKinthe Kitchen 及Ritz Carlton 供應的32手工啤酒及獨家賣的意大利La Via Del Te 花茶系列,種類都幾多。亞洲萬里通會員消費滿$4更可賺到1里數!(即日至5月底仲有特別promotion,消費滿$4仲可賺到3里數添!)

deli 6
頂級原條鮮牛柳 $688/條 (1.5kg)
澳洲入口的穀飼牛柳,坊間少有原條發售, 雪花分布平均,軟腍帶脂香!
deli 3
32 Via Dei Birrai手工啤酒 $165 (750ml)
意大利入口,共4款口味。這款Audace帶濃郁 的柑橘香氣,甘苦味突出,適配味道濃郁的食物。
deli 5
網站還有不少大廚小貼士,例如何擺盤才夠專業?如何保持芝士及蔬菜新鮮、烤焗牛肉的秘訣等飲食知識。
deli 7
網站設計清新易讀。