【旺角】雞煲店變身手工燒烤 烈焰火燒豬肋骨
【旺角】雞煲店變身手工燒烤 烈焰火燒豬肋骨

【旺角】雞煲店變身手工燒烤 烈焰火燒豬肋骨

香港人「好串」,飲嘢、宵夜乜乜乜,都愛食串燒,加杯酒啤啤佢,爽呀!剛開業的8Bo 前身是雞煲店,眼見熱潮回落,便轉型成手工燒烤店。所謂手工燒烤,並不是單純用手串和燒咁簡單,在用料和醬汁也加上很多自家製元素。每日限量的火焰醬燒豬肋骨,以鼠尾草、蒜粉等香料醃過夜,塗上混合茄汁、A1汁、菠蘿蓉的自家製BBQ 醬,烤完再焗,上枱時淋上酒再點火,視覺效果好刺激。串燒必食的燒茄子也來個變奏,加入人手拆肉的馬友鹹魚、肉碎,變成蒜蓉魚香燒茄子,擺脫沉悶普通的醬燒、蒜蓉燒。還有超過70款串燒可供選擇,鮮磨孜然粉、椒鹽、芝士黑松露口味都有;酒類夠多,啤酒燒酎梅酒Sake 乜都有,總有一款啱心水。

b1
招牌火焰醬燒豬肋骨 $128
豬肋骨比手指還要長,肉質好嫩,輕輕一咬就離骨,醬汁酸甜中帶有黑椒辣,不像西式BBQ醬般蓋過肉味,仲放埋火呃Like,正!
b2
秘製惹味蒜蓉魚香燒茄子 $42
蒜蓉加上炒香的肉碎和馬友的鹹鮮,令整條茄子惹味到極,真想整多碗白飯!
b4
燒原條大眼雞 $128
原條劏開放上爐燒,輕輕加鹽調味,擠上小量檸檬汁,保留整條魚的原汁原味。
b5
什錦串燒 $10-$88/串
有齊各種肉類、蔬菜、海鮮,連甜品類都有,以鐵板上枱再加蠟燭保溫,唔怕掛住傾偈攤到凍晒,好貼心!

 

b7

8Bo手工燒烤
地址:旺角廣華街15-33號明威閣地下L舖(顯示地圖)
營業時間:11am-1am(午市賣碟頭飯,串燒於晚市7pm-1am供應)

更多飲食資訊:煙燻爐慢煮 融化BBQ Ribs

最新吃喝玩樂資訊