永利皇宮
永利皇宮

永利皇宮 靚景自助餐+豪華纜車 | 澳門行程 2日1夜 勁食懶人包 @GOtrip

澳門

廣告

長假唔多,惟有近近哋去澳門嚟個快閃 2日1夜行程!去澳門當然要食番餐勁,除了有靚景永利皇宮自助餐,仲有法式下午茶、平民掃街官也街選擇。即刻買番張船飛,去澳門食足2日1夜,由朝食到晚!

Text: Kassidy | photo: Fion、新傳媒資料室

今次主題:酒店自助餐+官也街地道小食 + 拍盡影相位 + 免費坐纜車 + 靚景自助早餐 + 酒店設施玩到盡!
今次主題:酒店自助餐+官也街地道小食 + 拍盡影相位 + 免費坐纜車 + 靚景自助早餐 + 酒店設施玩到盡!

Day 1 中午 – 新碼頭抵達澳門!坐永利皇宮纜車住超豪華酒店

氹仔新碼頭落船,就有前往各間酒店的專車,可以先到入住酒店放低行李,再慢慢逛氹仔各家豪華酒店!第一次聽到連酒店都會有私家纜車,何況近在咫尺,澳門就有! 永利皇宮的纜車是進入酒店的其中一個方法,乘客可於28米(91 呎)的高空俯瞰表演湖及路氹景觀。

酒店纜車入口位於表演湖旁邊,乘客可免費坐纜車進入酒店。
酒店纜車入口位於表演湖旁邊,乘客可免費坐纜車進入酒店。
必經龍頭,是纜車影相位!
必經龍頭,是纜車影相位!
纜車在酒店外面,超豪華。
纜車在酒店外面,超豪華。

貼士:如何掌握坐纜車最佳時機?

不想因為纜車而出出入入 永利皇宮 ?因為纜車是圍繞表演湖而行駛,因此坐在纜車上能夠欣賞到音樂噴泉表演!可以挑選噴泉時機(日間:每隔30分鐘;晚間:每隔20分鐘),噴泉開始前 2-3 分鐘排隊搭纜車,在纜車上就能看到噴泉表演!

記者未有選好乘搭時間,但都能看到燈光噴泉。纜車內亦會播放音樂。
記者未有選好乘搭時間,但都能看到燈光噴泉。纜車內亦會播放音樂。

永利皇宮 纜車
運行時間:每日10am-12nn(最後一班11:45pm)
運行長度:來回程為10分鐘
價錢:澳門幣100元(不時有免費試搭)

Day 1 午餐 – 官也街 勁食之旅

酒店Check-in 之後,可以直出澳門官也街,作為小食勝地,除了有各式各樣地道美食之外,也有精品及生活百貨店,最為出名的,一定是開滿街道兩旁的餅店,不少人也會專程前往購買各類食品,當作手信送禮或自用!

官也街推介01|傳統瓦煲炮製 – 世記咖啡

蜜糖芥末豬扒厚多士每日售完即止,有心食建議下午2點前到舖頭。豬扒size手掌大,咬落是一絲絲肉質纖維,彈牙又滿足,蜜糖芥末有助減輕膩滯感,清碟話咁易。

蜜糖芥末豬扒厚多士 MOP32
蜜糖芥末豬扒厚多士 MOP32
炭燒咖啡MOP20 ,奶茶MOP18
炭燒咖啡MOP20 ,奶茶MOP18

世記咖啡(氹仔店)
地址:氹仔舊城區消防局前地1號地舖(顯示地圖)
電話:+853-6569-1214
營業時間:11am-7pm
備註:逢星期二休息

官也街推介 02|老字號榴槤雪糕

八十多年老字號的莫義記,其榴槤雪糕早已家喻戶曉,一開蓋隨即飄來榴槤香。如果不吃榴槤,可以一試木糠布丁,上面鋪滿餅屑,底下的口感則似雪糕,又似奶凍,冰冰涼涼。

夏天最好食榴槤+雪糕!
夏天最好食榴槤+雪糕!

莫義記
地址:氹仔舊城區官也街 9 號 A 舖
電話:+853-6669-5194
營業時間:9am-11pm(新年無休)

官也街推介03|小鮮肉!正宗過江新葡菜

若果食厭了傳統幾間老店,不如試下去年新開張的Toca小窩!食材大部分由葡萄牙輸入,保證是正宗葡式味道。

葡萄牙老闆在澳門生活了20年,特地從家鄉聘請僅僅24歲的主廚過江掌廚!
葡萄牙老闆在澳門生活了20年,特地從家鄉聘請僅僅24歲的主廚過江掌廚!
葡式焗海鮮飯 MOP235
葡式焗海鮮飯 MOP235

Toca小窩
地址:澳門氹仔客商街31號
電話:+853-2857-6896
營業時間:星期一、三至日 12nn-2:30pm,5:30pm-11pm
交通:從氹仔碼頭乘26號巴士,車程15分鐘

Day 1 下午 - 遊走氹仔豪華酒店!

官也街醫飽肚後,到參觀酒店時間!踏進 永利皇宮 的第一個感覺就是「到處都是金色的」,永利皇宮的確有一座皇宮的氣派,酒店以長形設計,南北兩邊大堂都有大型花卉裝飾,據記者所知,永利皇宮預備了6款裝飾,定期更換!

摩天輪花卉裝飾非常豪華,看得人目瞪口呆。
摩天輪花卉裝飾非常豪華,看得人目瞪口呆。
亦有旋轉木馬的花卉裝飾。(圖片來源:永利皇宮)
亦有旋轉木馬的花卉裝飾。(圖片來源:永利皇宮)

Day 1 黃昏 - 路氹影相位!巴黎鐵塔在澳門!

同樣上年新開,巴黎人酒店外有座巴黎鐵塔,但不想花錢上鐵塔?由酒店5樓鐵塔禮品軒經過艾菲爾真鐵塔歷史長廊,上一層就到售票處,一推門出外就係平台喇,仲有少少位先到閘位,呢個角度影塔唔錯呀!

6樓平台( 票務處外)空間不算大,但夠影靚角度,盛惠<img class=
6樓平台( 票務處外)空間不算大,但夠影靚角度,盛惠$0 呵呵。

Day 1 晚上 - 永利皇宮自助餐!大師坐鎮33款法國甜品食到飽

酒店內的咖啡苑自助餐(每日5:30pm – 11pm)以法籍大廚Christophe Devoille親自監督的甜品作為主打。大廚曾經主理米芝蓮星級餐廳Alain Ducasse Enterprises 15個城市的業務,現時為永利皇宮旗下甜品總廚,咖啡苑門口的馬卡龍店亦是他的大作。甜品枱共兩大張,左右兩邊雖然款式相同,但顏色、數量都十分豐富, 最多有33款選擇。

甜品數量花多眼亂,造型十分精緻,全部出自法國甜品師傅手筆。
甜品數量花多眼亂,造型十分精緻,全部出自法國甜品師傅手筆。

甜品以一口甜品佔大多數,味道不算太甜,多吃數款亦不覺太膩。三層架則放滿杯裝甜點,當中以荔枝雜莓玫瑰杯最特別,玫瑰花香跟荔枝果香配搭一流, 吃下去還有大大顆雜莓。甜品架旁邊的8款雪糕亦必須一試,當日所見,海鹽焦糖雪糕非常受食客歡迎。要注意,這裡的甜品類型亦經常轉換,特別日子更會有專屬甜品。

令人愛不釋手的甜品架!
令人愛不釋手的甜品架!
自助餐甜品來說,開心果甜品少之又少,永利皇宮的自助餐卻有大量開心果綠色甜 品,抹茶手製雪糕也要一試。
自助餐甜品來說,開心果甜品少之又少,永利皇宮的自助餐卻有大量開心果綠色甜 品,抹茶手製雪糕也要一試。
只數黃色甜品系列,已經有7款選擇。記者私心推介木糠布丁,忌廉濃滑之餘,木糠亦不會黏口。
只數黃色甜品系列,已經有7款選擇。記者私心推介木糠布丁,忌廉濃滑之餘,木糠亦不會黏口。

天光吃到日落 坐近噴泉歎靚景

除了有必食的甜品之外,四百多元的自助餐當然有生蠔,更有波士頓龍蝦;廚師即切肉類亦算不錯。記得提早到餐廳食回本海鮮,由日頭吃到晚上,事關餐廳對正超大噴水池,晚上每隔20分鐘可觀賞華麗音樂噴泉表演,就到訪當日所見,大部分靠近窗邊的位置早已經被食客霸佔,要擁有靚景就要預早4-5日留位,邊食邊歎足五個半小時!

要數餐廳最靚環境,一定是入門口大堂正中,面對着噴泉。
要數餐廳最靚環境,一定是入門口大堂正中,面對着噴泉。
永利皇宮自助餐夜景一流!
永利皇宮自助餐夜景一流!

生蠔龍蝦長腳蟹 海鮮選擇多籮籮

食自助餐最回本定必是生蠔、龍蝦、長腳蟹,永利皇宮可以完全滿足所有食肉獸心願,除了有牛羊豬等選擇外,放在自助餐中間的海鮮已經有4款:生蠔、龍蝦、長腳蟹、蝦。一旁還有不少海鮮杯!哇,愛海鮮的人定必要到 永利皇宮 自助餐 搜掠一番。

海鮮井井有條排好在自助餐中央位置,旁邊還有小海鮮杯,數起來都有7-8款海鮮!
海鮮井井有條排好在自助餐中央位置,旁邊還有小海鮮杯,數起來都有7-8款海鮮!
酒店的海鮮尚算多元化。
酒店的海鮮尚算多元化。
美國牛扒、澳門雞扒、美國羊扒:雞肉最為入味,肉質鮮嫩,必食!
美國牛扒、澳門雞扒、美國羊扒:雞肉最為入味,肉質鮮嫩,必食!

永利皇宮 咖啡苑 自助餐 小攻略
1. 想坐到窗邊位睇噴泉食自助餐,記得要提早 4-5 日訂枱預留位置
2. 自助餐菜式每季都會變更,要問定餐廳當日會有甚麼類別的海鮮

咖啡苑 Cafe Fontana
地址:澳門路氹體育館大馬路永利皇宮
電話:+853-8889-3663
供應時間:5:30pm – 11pm
價錢:成人MOP488、小童MOP244(另收10%服務費及稅項)
座位數量:約220位

澳門住宿:豪華客房 最細嗰間都有700呎!

今次入住的 永利皇宮 ,客房最細 700 呎,每層均有接近一百間客房,從走廊的南邊走到北邊都要花上不少時間。記者早前入住過最普通的皇宮套房,以及表演湖景套房。兩間套房都有個大浴室,後者更有客廳兼晚晚睇音樂噴泉。

永利皇宮的 Palace 客房,一入門口玄關位置,右手邊就是廁所及浴室。
永利皇宮的 Palace 客房,一入門口玄關位置,右手邊就是廁所及浴室。
酒店客房均配備智能控制面板,可以調校燈光/窗簾等。
酒店客房均配備智能控制面板,可以調校燈光/窗簾等。

客房服務:8款枕頭 搬多個雪櫃都得?

永利皇宮剛推出時,有向記者們提到酒店可以提供8 款不同枕頭(香薰/蕎麥/太空枕/硬防敏枕/軟防敏枕/半圓枕/記憶枕/安睡枕),相信大部分住客都未知這項服務!下次去住永利皇宮,可以打去問問要其他款式枕頭。記者亦親身試過要求多一個雪櫃,因為酒店雪櫃已放滿飲品,自己額外買來的雪糕飲品又放不下,可以致電服務台要求多一個雪櫃!

酒店的雙人床足足有6呎闊,兩個人瞓都不覺逼!
酒店的雙人床足足有6呎闊,兩個人瞓都不覺逼!
如果將雪櫃的飲品拿起超過六十秒,system即會自動收費!
如果將雪櫃的飲品拿起超過六十秒,system即會自動收費!

表演湖景套房 晚晚睇噴泉

記者曾經入住表演湖景套房,房間直望音樂噴泉,日間還能看到窗外景色,但唯獨晚間房間太光,定必要閂晒燈才能看!

日間玻璃都非常反光,睇靚景不容易!
日間玻璃都非常反光,睇靚景不容易!

更詳細澳門酒店試住報告!

.永利皇宮:新酒店率先睇 | 澳門 永利皇宮 豪華客房試住報告
.2017年新開羅斯福酒店:澳門全新 羅斯福酒店 登場!超靚景觀 望實氹仔馬場
.開業一周年!巴黎人:【鐵塔陪瞓】澳門巴黎人 「鐵塔景」酒店套房直擊

Day 2 早上 – 必食!酒店自助早餐

早餐推介 01| 永利皇宮自助早餐

住澳門酒店另一樣最期待的要數酒店自助早餐,出名多款揀之外,食物質素都有一定保證!食飽先再出發去遊覽澳門其他地方。 永利皇宮 自助早餐 跟晚餐 setting 一樣豐富,有超多選擇!

永利皇宮 早餐同樣有個大甜品架,全部放滿蛋糕、甜點,跟晚餐相似。
永利皇宮 早餐同樣有個大甜品架,全部放滿蛋糕、甜點,跟晚餐相似。
早餐甚至有葡撻食,想過口癮都不錯!
早餐甚至有葡撻食,想過口癮都不錯!
早餐有簡單熱香餅、薯餅、班尼迪蛋等等;服務員會在你入座時提供飲品。
早餐有簡單熱香餅、薯餅、班尼迪蛋等等;服務員會在你入座時提供飲品。

永利皇宮 咖啡苑自助餐
地址:澳門路氹體育館大馬路永利皇宮
電話:+853-8889-3663
供應時間:6:30am-11am
價錢:MOP220(如酒店房間未有包含早餐)

早餐推介 02|Grand Hyatt Macau 一覽無遺路氹全景

如果你入住的是Grand Hyatt Macau ,要留意自助早餐只有下榻「嘉賓軒」大樓的住客才能夠享用,記者大概 10 時去享用自助早餐,甫進門口已經見到落地大玻璃,俯瞰路氹全景。早餐大部分都即叫即整,與晚餐Mezza9 自助餐相似,中、西式任君選擇!

記者坐的位置面向今年年底開幕的美獅美高梅(MGM Cotai),能夠看到小部分 永利皇宮 表演湖,好天時定必看得更多!
記者坐的位置面向今年年底開幕的美獅美高梅(MGM Cotai),能夠看到小部分 永利皇宮 表演湖,好天時定必看得更多!
有多款麵包選擇,光是果醬都有5種款式!
有多款麵包選擇,光是果醬都有5種款式!
Grand Hyatt 的 自助早餐更有一籠籠中式點心。
Grand Hyatt 的 自助早餐更有一籠籠中式點心。

澳門君悅酒店 嘉賓軒
地址:澳門君悅酒店37樓嘉賓軒
電話:+853-8868-1198
供應時間:6:30am-11am(周一至周五)、6:30am-12nn(周末、公眾假期)

Day 2 中午 – 坐 8 字摩天輪 兼睇 《Batman》!

講明豪歎,當然不能夠身水身汗咁玩。要玩!就歎住冷氣去玩!在新濠影匯的「影匯之星」(8字摩天輪 ) 可以觀看氹仔大部分景色;同樣在新濠影匯的蝙蝠俠夜神飛馳也是非常矚目的 4D 遊戲。

遠看摩天輪已經覺得非常宏偉!想去的可以先在網上購買套票。
遠看摩天輪已經覺得非常宏偉!想去的可以先在網上購買套票。
蝙蝠俠夜神飛馳評價非常高!
蝙蝠俠夜神飛馳評價非常高!

「影匯之星」
地址:澳門新濠影匯酒店影匯之星
車程:15-18分鐘
載客量:2至10人
軌道:逆時針花生形
開放時間:星期一至五12nn-8pm,星期六及日11am-9pm
門票:成人 每位HK$100、12歲以下兒童 每位HK$80;8字摩天輪+蝙蝠俠體感遊戲套票,每位HK$220

Day 2 下午 – 再食!法式下午茶自助餐 抵飲朱古力

Ritz-Carlton 只是賣個名已經夠晒高級,下午茶 buffet當然不會影衰「 金漆招牌 」。咖啡廳的裝潢模仿法國懷舊coffee shop,法式精緻甜品作主打,不單有桃子千層酥,更加有一般 buffet少見、入口香軟的瑪德蓮蛋糕,自助餐約有10款蛋糕、水果撻,侍應亦會捧着不同款式的三文治供客人享用。

餐廳環境仿照法國餐廳裝潢,與一般澳門金碧輝煌的餐廳有別。
餐廳環境仿照法國餐廳裝潢,與一般澳門金碧輝煌的餐廳有別。
水果批賣相精緻,有原隻青蘋果鋪放於批上,非常足料。
水果批賣相精緻,有原隻青蘋果鋪放於批上,非常足料。

必飲!三杯朱古力已經回本

不得不提的一定是以法國 Valrhona 朱古力製作的signature hot chocolate,強烈的可可豆味隔着上層的cream也能嗅得到,朱古力濃滑而不苦,而且稠到攪不動的質感一定是嗜甜控的不二之選,每杯原價MOP80,飲三杯已經回本,超抵食!

必飲熱朱古力!超濃厚朱古力溶化而成,每杯原價MOP80!
必飲熱朱古力!超濃厚朱古力溶化而成,每杯原價MOP80!
餐廳有約10款甜點,賣相靚之餘食落亦好出色;餐廳盤子亦有不同款式,女生們打卡一流!
餐廳有約10款甜點,賣相靚之餘食落亦好出色;餐廳盤子亦有不同款式,女生們打卡一流!

The Ritz-Carlton Café
地址:澳門麗思卡爾頓酒店地下(顯示地圖
電話:+853-8886-6712
供應時間:星期一至六 3pm-5:30pm,星期日 3:30pm-6pm
價錢:MOP188(另 收10%服務費及稅項)
座位數量:約90位

下一頁:

永利皇宮 靚景自助餐+豪華纜車 | 澳門行程 2日1夜 勁食懶人包 @GOtrip

延伸閱讀:

永利皇宮 靚景自助餐+豪華纜車 | 澳門行程 2日1夜 勁食懶人包 @GOtrip

延伸閱讀:

永利皇宮 靚景自助餐+豪華纜車 | 澳門行程 2日1夜 勁食懶人包 @GOtrip