曹星如、盧海鵬、歐鎧淳設計快樂金句潮Tee @Miss Sunny

Jul 28 2017

（Presented by Telford Plaza）

我Miss Sunny除咗鍾意周圍玩周圍食外，也同其他雌性動物一樣，born to be a shopping queen！所以shopping亦都係我一大興趣，而今次德福廣場「齊撐慈善CHARITEE」一定要去，除咗大推正面訊息「開心．任你揀」外，每件快樂金句潮Tee 嘅收益亦只會用作慈善用途。今次慈善活動除咗有明星名人加持外，仲有好多學生一齊參與，想知有乜賣？而家去睇下～

金句王上身

大人細路都一定有一兩句金句傍身！德福亦搵咗10個來自演藝界、運動員、KOL嘅本地紅人，設計出多款充滿本土特色同正能量嘅 T-shirt，各界紅人包括：曹星如、盧海鵬、河國榮、方健儀、歐鎧淳、江忞懿、小克、Plastic Thing、青山不墨同埋Cuson Lo，一人一句金句名畫，每件都極有意思！

我個人推介曹星如嘅design，一個拳套配上金句，簡單而有力，完全感受到神奇小子嘅躍動。另外美少女書法家嘅design亦叫我愛不釋手，用合字寫出「知足」，每筆帶勁，用力地提醒港人提醒我，知足對快樂嘅重要性！

正能量系列

今次德福除了搵咗10位明星名人外，仲邀請咗香港理工大學廣告設計系學生設計了唔同系列嘅CHARITEE，而當中正能量系列對日常生活係非常重要，日常生活中難免有「撻皮」嘅時候，唔開心最重要搵返啲正能量。

當中「我們本都不完美」，單單呢幾隻字，已經令到我起晒雞皮；而「開心星期一」我都好喜歡，因為Miss Sunny都好怕星期一，每個星期日晚都好想喊，希望有呢件衫令到我無咁驚星期一啦～

電影/歌詞系列

另外亦有電影或歌詞系列，每個design都用咗電影或歌詞作主旨，充滿快樂回憶，特別喜歡「我就是自己的神」呢件，除咗我本身係五迷外，呢首歌曾經救回我一小部分人生；「遇怪魔我即刻變大個」呢件唔使講，細個喺屋企嘅快樂回憶即刻返晒嚟！

窩心系列

最後就係窩心系列，每個design見到都暖入心頭而又不覺俗氣，當中包括有「非麻甩」，呢3隻字帶畀我異常有親切感，仿如形容我一樣。另外「快樂，是一刻相遇」都係精選，見到呢幾隻字都會心微笑。

備6種顏色及不同尺碼供揀選

除了50款別出心裁的設計外，德福廣場還備有黑、白、灰、粉紅、海藍、軍綠等6色T-shirt，以及成人及小童尺碼可供各位選擇，只要由即日起至9月3日期間逢星期五至星期日，蒞臨德福廣場2期的慈善攤位，捐款港幣100元予國際培幼會，便可獲專人即場印製充滿特色的「快樂CHARITEE」一件，在炎炎夏日中穿着，遊走大街小巷，到處傳揚快樂！