黏韌紫薯軟糕多士韓食High Tea飲茶6大提案

Q: 香港18區美食有甚麼推介？

新假期編輯已經為你整合了香港18區美食指，其中包括尖沙咀、旺角、銅鑼灣等 ......即睇更多詳情。

May 7 2015

今個星期日就是母親節，相信孝順的各位已經有好豐富的準備吧！唔記得咗？不要緊，為普天下各位母親著想，我哋特別精選6大美食之選，韓國特別甜品、歐陸玩味High Tea、中式飲茶樣樣都有！快啲睇睇媽媽鍾意邊樣先啦！

1. 韓式甜品秘密花園 High Tea食紫薯軟糕多士

紫心番薯，一種相當健康的天然美食，好多女性都非常喜愛，西營盤就有一間Seoulmate Cafe以紫薯特製兩大產品，紫薯多士遇上阿珠媽年糕和雪糕，紫薯拿鐵，夠晒濃味，過癮十足！再配合多種精美甜點，包括韓式野山酸莓朱古力心太軟，以韓國野山酸莓的酸味調和朱古力的甜濃味。濟州柑橘焦糖燉蛋的即焗的脆脆表層，令它配上軟硬兩層口感。還有焗雜穀忌廉綠茶蛋糕，蛋糕具足夠綠茶香味，再有雜穀忌廉加上多重層次！

Seoulmate Cafe 甜品師 HoHo，指出製作招牌紫薯多士，會用新鮮麵包，韓國紫薯及韓國阿珠媽造的年糕焗製，之後就會加上雪糕，紫薯粉與烤雜穀便成！外層脆卜卜，中間又有紫薯與年糕的軟口感！

Seoulmate Cafe

電話:2104 6788
地址: 西環西營盤第三街83號 (顯示地圖)
時間: 12nn-9pm (星期一休息)

2. 韓國特別訂製雪糕機韓式意粉雪糕

如果媽媽係雪糕愛好者，就一定要試試韓式意粉雪糕！雖然雪糕同意粉本身就係撈唔埋，但旺角就有間甜品舖，諗到新搞作將兩樣完美結合，「韓式粉天使草莓意大利粉雪糕」！咁究竟會變成熱嘅雪糕定係凍嘅意粉呢？等小編帶大家去一探真偽啦！

入到舖頭，同侍應姐姐傾咗陣，佢哋話原來間舖部「唧雪糕機」係由韓國訂製，幾日前先空運到香港o架！新機落地，梗喺即刻就試下佢啦！小編見個廚房哥哥一按落去，一條條嘅意粉雪糕即時出現喺眼前！嘩，又白又滑咁，真係想快啲有得食吖！

等咗大約五分鐘，已經有得食啦！呢個「韓式粉天使草莓意大利粉雪糕」都唔只個名長咁簡單，上面嘅藍莓、士多啤梨全部由韓國直送，怪唔之得清甜過人，而個雪糕本身牛奶味好夠，加埋上面嘅白朱古力，食到小編停唔到口呀！

Nun

電話︰2390 43118
地址︰旺角通菜街119號地舖 (顯示地圖)
時間︰2pm-2am

3. 手袋高跟鞋華麗High Tea 時尚瑰麗下午茶

如果大家想與媽媽過一個時尚華麗的下午，High Tea絕對係好選擇！尖沙咀The Mira 嘅COCO 推出了手袋造型的時尚瑰麗下午茶，每件點心都精美到極，其中有甜點及鹹點。佢哋又有第二個選擇高跟鞋造型朱古力與香梨蜜糖杏仁杯子蛋糕，愛買鞋的女士就可以食個高跟鞋造型朱古力先，但之前記得同媽媽合照呀！

The Mira Hong Kong COCO

電話︰2315 5566
地址︰尖沙咀彌敦道 118 號 The Mira Hong Kong 地下大堂, COCO (顯示地圖)
時間︰3pm-6pm

4. 媽媽也是Candy Crush粉絲！甜蜜大冒險High Tea

相信大家都見到唔少媽媽都愛玩Candy Crush，帝京酒店獅子樓就得意地設計咗一個Candy Crush甜蜜大冒險High Tea！其中就有一系列鮮艷可愛造型的下午茶點心，以不同色彩去扮Candy Crush公仔，如果大家想在母親節有一個可愛的體驗，又可以諗諗！

HK$488 兩位用 (包兩杯特飲) HK$250 一位用 (包一杯特飲) 另加一服務費

帝京酒店獅子樓

電話：2622 6167
地址：九龍太子道西193號帝京酒店3樓, 獅子樓 (顯示地圖)
時間︰3pm-6pm

5. 佐敦全球首家中菜 Hello Kitty約你飲茶

飲茶絕對係母親節必須的家庭活動，一家大細叫十多個點心齊齊分享，夠晒sweet！但如果想加少少創意，不如考慮一下Hello Kitty中菜軒啦！作為全球首間主題中菜館，中菜軒由Sanrio 團隊操刀設計場地，再以木製餐桌、中式Kitty 燈籠以及傳統紅色、金色屏風圖案，營造傳統客棧模樣。點心以Hello Kitty 造型的流沙包和馬拉糕最為精緻，圓碌碌外形配上蝴蝶結和眼睛，實在佩服師傅的巧手。