東京
東京

【 東京 】成田Outlet擴充直擊 6大新品牌攻略

旅遊

廣告

日圓Keep 住抵,今個假期去 東京 喪買,人人都想要懶人包攻略,用最短時間盡掃心水貨。除咗必到原宿、代官山、新宿搜索期間限定展覽新品,記得將最後彈藥留喺上機前的最後一站 —成田機場旁邊的Shisui Premium Outlet。距離成田才15 分鐘車程,最近趕及5月黃金周前完成第二期「Power Up 」擴充, 佔地面積倍增,躍升成為關東最大outlet,新增62個品牌,包括港人熟悉的Beams、Nike、Nano Universe,另有多個首次登陸日本Outlet 的品牌,如近期大Hit 的山系Chums、意大利休閒服Franklin & Marshall、來自蘇格蘭的TraditionalWeatherwear,以及日本廚具家品店212 Kitchen Store 等等。Outlet 部長更透露,酒々井開業以來銷情理想,目前超過90%訪客仍以日本本土居民為主,即係唔使同大媽迫餐飽, 實在perfect!

必掃1!山系Chums絕版入手

近年不少山系品牌於日本彈起,源自美國的Chums 就是其中之一,以色彩繽紛、款式多而大受歡迎。作為全日本第一間 Outlet Store,貨品極之齊全,袋款由背囊、Messager Bag、腰包、相機袋,甚至結他袋都有,設計相當實用貼心,好似相機袋多顏色揀之外,拉鏈位仲有防水,相當好用!Tee 及 Polo Shirt 亦有許多經典圖案,顏色選擇極多。雖然店內不設退稅,但多數貨品由7折起,多數款式都只限此店發售。

必掃2!母親節限定紅色靚鍋212 Kitchen Store

日本的家品連鎖品牌 212 Kitchen Store亦是首次登陸 Outlet,貨品一律9折起,當中最矚目的要數品牌與Myer 聯乘的火紅色廚具,有玉子燒方形平底鑊、雙柄鍋及平底鑊等等,另外亦有品牌出品日本製造的鑄鐵平底鍋,由即日起至母親節(5月20日)8折發售,只限此店!

必掃3!意大利製造 學院風Franklin & Marshall

日本開設的第5間店, 同時是第1間Outlet Store,店內的女裝比原宿 Laforet 店更多, 而且款式緊貼其他門市及 OnlineShop,但價錢就平近三成!其中熱帶花花外套、長袖Tee 都係今季至Hot Item,而且全部意大利製造,仲可以退稅,抵買之選!

更多日本資訊:崩壞!騎呢出局日本吉祥物 Top10

必掃4!Beams 超大店!主攻趣致童裝

鍾意日本牌子的,對 Beams一定不會陌生。在Shisui Outlet 的新店面積相當寬廣,並劃分為男裝、女裝及童裝3大區域。女裝由斯文返工衫至 Casual 沙灘裝都有,價錢平均港幣4、5百元就有交易,比其他門市平三、四成。Beams mini 專區更添置大量趣致童裝,驚喜捕獲大熱卡通人物「梳乎蛋」BB Tee,做手信就最Like!

必掃5!31 Sons de Mode返工 One Piece

時尚、款式多的 One-piece 裙深得日本OL 心,簡約設計輕易可配搭出一星期7日不同的造型。Outlet Store 商品亦緊貼其他門市,大賣今季大熱的花花圖案及典雅 Lace 裙。部分商品有7折兼退稅,每條連身裙約 500 元左右。無論價錢、質量及款式,香港都好難搵得到!

必掃6!玩味旅行雜貨Flight 001

售賣旅行、航空主題的雜貨的 Flight 001,首次開設Outlet Store,店內設計以客機為主題,正中有一道登機的樓梯,店員亦打扮成空姐一樣!產品方面亦有很多種類,不同尺寸的旅行喼、款式elegant 的證件套、充氣枕頭等等。另外更有設計鬼馬的眼罩,亦有各種不同Size 的收納包包,將行李執得井井有條就可以拎更多戰利品返香港啦!

新品牌進駐 日本人都 Buy

Shisui Premium Outlet

Shisui Premium Outlet
•地址:千葉縣印旛郡酒酒井町飯積2-4-1 (顯示地圖)
•時間:10am 至 8pm(每年2月第三個星期四休息)
•交通: 於成田機場Terminal 2入境大堂外3號車站, 乘高速巴士約15分鐘
•官網: www.premiumoutlets.co.jp/shisui/2015_powerup

更多日本資訊:Tripadvisor公佈 2015日本酒店自助早餐Top 10!

$168京都民宿 型住過夜