震驚七百萬人的垃圾灣! @GoGreen

生活

廣告

我對鶴咀的印象,係遠離市區繁囂的海角,有奇石、燈塔、炮台、機槍堡,仲有無敵靚海景,係周末避世好地方——直至我穿過山路,見到佈滿垃圾的「垃圾灣」為止……

呢個海灣真係叫垃圾灣。
呢個海灣真係名副其實嘅垃圾灣。

高空望落嚟係咁的(片段由世界自然基金會香港分會提供):

天晴去鶴咀本來好興奮,但此行目的其實係跟WWF去(應該係)香港最多垃圾嘅海灣。咪以為記者工作時有得睇海景好爽皮,在烈日下俾垃圾酸臭味薰足三個鐘,放工後只想成個人跳入洗衣機!至於垃圾量真係冇呃人——在海灣近岸地方行走,隻腳根本到唔倒地,唯有在垃圾堆上小心翼翼地走動,稍為差錯腳的話,唔單只會踩玻璃、踩死魚,垃圾堆最深超過60cm,仲會成隻腳踩埋落去!據WWF當日調查,120m×30m的小海灣,竟然有超過185公噸垃圾,需要46架垃圾車先可以全部運走!

最近政府公佈的海上垃圾研究報告,垃圾灣在需優先處理的27個地點中,被列為第一類(高度關注)。
最近政府公佈的海上垃圾報告,垃圾灣在需優先處理的27個地點中,被列為第一類(高度關注)。
雙足深陷於垃圾之中。
雙足深陷於垃圾之中。
亂揼喜羊羊書包,大陸最唔高興(好似係)。
亂揼喜羊羊書包,大陸最唔高興(好似係)。
有啲氣球仲有氣㗎!
有啲氣球仲有氣㗎!
西貢全記飯盒都漂到嚟呢度!
西貢全記飯盒都漂到嚟呢度!
畫框已生滿貝殼類生物。
畫框已生滿貝殼類生物。
竟然見到錢!!!老師教我哋路不拾遺,但又應該執走塑膠垃圾。媽呀,好亂呀!
竟然見到錢!!!老師教我哋路不拾遺,但又應該執走塑膠垃圾。媽呀,好亂呀!
garbagebay05
令漁網浮起的浮球——現為塑膠或發泡膠製,環團無塑海洋創辦人Tracey發現的玻璃浮球(左)為罕見古董!

個海灣咁多垃圾,你可能會問點解嘅?(吳若希tone)原来海灣向東,而香港¾時間吹東風,所以海上垃圾隨風同水流漂到,加上位置偏遠,又唔係旅遊景點,所以食環署極少嚟清理,日積月累就成為一座垃圾山!

oldlapsapwan
1995年前垃圾灣係咁嘅樣。©B.Morton
去垃圾灣條路真係唔易行㗎!(尤其係攞住啲垃圾)
去垃圾灣條路真係唔易行㗎!(尤其係攞住啲垃圾)

可能你覺得垃圾灣咁遠唔關你事啦,但唔清走垃圾,不但污染海岸生態環境(事實上鶴咀係香港唯一一個海岸保護區),而且會被海浪捲返落海,啲魚咬咗食咗落肚,垃圾中的有害成分會隨魚類進入食物鏈,最後咪又係我哋受害!

Tracey手上的膠手套穿咗一個個窿,其實係由海洋動物咬爛而成的!
Tracey手上的膠手套穿咗一個個窿,其實係由海洋動物咬爛而成的!
有研究海洋垃圾的隊伍,將太平洋北部捉到的魚劏開後,發現肚內有唔少膠碎。© Marcus Eriksen
有研究海洋垃圾的隊伍,將太平洋北部捉到的魚劏開後,發現肚內有唔少膠碎。©Marcus Eriksen
震驚七百萬人的垃圾灣! @GoGreen
攝影師Chris Jordan的《Midway》系列,記錄信天翁鳥屍體肚內的塑膠垃圾。原來鳥媽媽誤當塑膠做食物餵俾小鳥,好多BB因為咁而死亡。©Prix Pictet/ Chris Jordan

至於垃圾堆中以塑膠最多,佔89.0%。當日9個義工在30分鐘內執咗2,064個膠樽,都只佔極少部份。除咗政府要努力外,大家幫下手減用膠嘢,由源頭減廢啦!

半個鐘執到的膠樽量可以堆砌到一座小山!
半個鐘執到的膠樽量可以堆砌到一座小山!