天台霓虹燈
天台霓虹燈

天台霓虹燈 !夏日室內玩 一個場涼冷氣又食又玩 │荔枝角好去處

生活

廣告

踏入7月,時晴時雨,無論30度的高溫或傾盆大雨也令人吃不消,不好戶外活動的惟有走進商場消消暑。最近荔枝角有個商場一次過滿足你三個願望,讓你有得免費玩攤位遊戲、怒掟「同事」發洩,亦有10檔小食攤,玩完就有得食,仲特別係有 天台霓虹燈 影相位,個個潮語好過癮!

撰文:Keith | 拍攝:Scott

黃昏Magic Hour必影「係愛呀!」 天台霓虹燈

荔枝角D2 Place商場近來的天台搞作多多,繼之前的飄雪及櫻花布置後,現在變成文青最愛的霓虹燈。天台上有6個霓虹燈招牌,個個都係潮語,每逢黃昏6點就會開燈,但記得不要等到天全黑才上去影,因為只會拍到霓虹燈光,但人面就會被紅藍綠燈光照住影得奇奇怪怪。所以最好在剛要日落時的Magic Hour拍,天色開始轉暗,同時拍到霓虹燈又拍到相中人樣。

樓下3大免費遊戲 掟爆縮骨「同事」

由於拍攝 天台霓虹燈 的最佳時間是黃昏的Magic Hour,所以還有一個中午可以遊玩,記者就去到 2樓的遊樂坊玩免費攤位遊戲,大人小朋友都啱玩。場內3個遊戲都是免費,只要排隊就可以玩。放模型船及遙控車最適合小朋友,現場搭建了一個維港城市場景,模仿在城中穿梭。

大朋友日日返工也許對着交通工具已經對到厭,可以到旁邊的「辦公室擂台」,用「手榴彈」掟爆縮骨同事。攤位有10個人物,每位都有綽號,例如「論盡嘉」、「符碌玲」及「騰雞安」,投入感大增,可以盡情發洩。最後更有貨櫃射擊場,雖然是玩具槍,但射擊力十足,很有真實感。

九巴限定店 睇巴士文物 着衫扮車長

掟完同事、射完槍玩到「㷫烚烚」,可以到九巴Pop-Up Store。九巴在場內開設了限定店「九巴辦館」,出售巴士模型。不過最特別還是懷舊巴士文物,讓大家知道七、八十年代時搭巴士的情況。今次九巴展出數件有數十年歷史的珍貴文物,例如點算硬幣收入的木盆、古老棍波箱及70年代的錢箱。最特別的是店內亦展出了像機師帽的車長制服帽,原來當年的巴士司機都好有型。大家更可以穿上舊時車長制服,企喺站牌旁邊拍照留念。

10檔小食攤 食懷舊三角朱古力西餅

行到又攰又餓,現場有10檔小食攤。當中有懷舊亦有創新食物,價錢有平有貴,任君選擇。記者推介燒鵪鶉蛋,一串有5隻,用鐵板燒熟,配上甜甜的鰻魚汁及蟹子,有咬口。如果大家想平的可以一試懷舊西餅,例如三角形朱古力蛋糕,是舊式餅店才有出售,價錢不貴,一件都已飽肚。不過要說到最抵食,還是$5熱狗,實在是窮人恩物!

自由定價冷門電影 開眼界

D2 Place另一個令人振奮的消息是快將開設荔枝角及長沙灣一帶的新戲院,不過就要2018年初才可開業。玩完想睇場戲都有方法,因為商場現正舉辦自由定價的冷門電影放映會,戲種多元化,更加是憑你感覺這套電影值多少票價而自由定價,不妨看看小眾電影開眼界,上映日期可參考http://www.d2place.com/movie。


「香港掂檔」夏日遊樂坊 MADE IN HONG KONG Summer Fun

時間:即日起至31/8 (12nn-9pm)
地點:D2 place 一期 荔枝角長順街15號 (港鐵荔枝角站 D2 出口)
查詢:http://www.d2place.com/

延伸閱讀:
七月限定 家品雜貨pop-up store!10個 台灣設計 品牌一次過到港|西環好去處|