Minion 兵團 6月尾M記 – 小食、兵杯套裝、minion小公仔登場！

撰文：Mandy | 圖片：官方相片

5款 Minion 麥當勞新美食

1. 全新「脆薯嘜」

近日網上最紅的大熱食品之一，點少得造型可愛的全新「脆薯嘜」，相信大家都有可能見過早排的脆薯嘜的士司機相！金黃外形加上酥脆口感，小小的Minion令人不捨得食。如果食厭了薯餅的話，6月29日開始可以轉食這個勁可愛look的脆薯嘜。

2.傻蛋孖牛漢堡

麵包面上印有Minion的圖案，可愛爆棚！但實情這是一個雙層的芝士和牛肉，加上洋葱條及蒸蛋，非常熟口熟面的配搭，所不同只是加上Minion的印，就好像多幾分吸引力。

Minion甜品

女仔經常說要減肥，但一看到甜品就雙眼發光，用第二個胃來把它們裝下。所以，麥當勞除了漢堡包外，又點少得甜品呢！

3.Minion「菠蘿特飲」

今次為Minion而推出的菠蘿特飲，心水清的朋友都知道以前曾經推出過，所以這款期間限定的飲品不算得是新品。但如果想配襯到一枱都是黃色Minion，這個配搭都可以考慮下。

4.Minion「香蕉批」及「新地香蕉脆」

講到迷你兵團 ，不能不提起香蕉，於電影《壞蛋獎門人》當中，Minion 總會拿着香蕉，因為它們主要食物就是香蕉！今次麥記推出香蕉批，同時變相可以推出新地香蕉脆，即是香蕉批加新地雪糕，售價暫時未知，這個是關鍵！

5.全新「芝士蛋糕味新地」系列

芝士迷要注意啦！今次全個Minion新Menu之中，最矚目的應該就是這個芝士蛋糕味新地，究竟芝士蛋糕變成雪糕，味道是怪還是好味，同樣都是6月29日就有答案。

Minion 套裝—可愛爆燈！

麥當勞除了推出Minion食物之外，也有不少可愛又實用的玩具套裝讓影迷來換購。

1.特別版 Minions 夏日齊齊玩兵杯套裝

粉絲們凡購買任何食品，加 HK$168就可以換購「特別版 Minions 夏日齊齊玩兵杯套裝」 一套。內有Minions 冰格，粉絲們可以自己動手來製作冰粒，睇得又玩得！

如果只是想換購「Minions 夏日齊齊玩兵杯」其中一款，只需買任何食品加 $38就可以換購到。

2.McCafé 「Minions 掛住嘆套裝」

另外，麥當勞都有推出一套名為「Minions 掛住嘆套裝」，內裡包括「逃」瓷杯一隻、「隨你掛」公仔一款，以及$25 McCafé飲品券4張。掛公仔不一定要像下圖般掛在杯邊，綁在書包、袋都可以。

麥當勞Minion套裝 6月29日推出

除了上述的介紹，其實今次麥當勞Minion活動還有幾款新美食，例如採用Minion設計透明膠杯的Bello凍香蕉朱古力、全新亮相的芒果蛋糕層層疊及冰雪Double芒果等。所有Minion食品都會在 6 月 29 日起開始推出，但要注意，供應地點不包括沙田馬場、跑馬地馬場及海洋公園之香港麥當勞餐廳。

延伸閱讀