西澳
西澳

西澳 靚景篇│人氣粉紅湖+即捕即食龍蝦 @Travel佳

旅遊

廣告

(Presented by Tourism Western Australia)

去 西澳 ,好多人主要玩珀斯,但係其實只要搭一個鐘內陸機、駕車,又或者想懶嘅跟local tour,即刻可以去珊瑚海岸(Coral Coast),沿岸玩盡幾個熱點!我Travel佳今次就想同大家親親大自然,淨係睇超夢幻粉紅湖、近距離接觸尖峰石陣沙漠、跟漁夫出海即捕即食新鮮爆燈嘅龍蝦,上山下海落湖玩盡5大推介,已經可以玩足幾日!鍾意睇靚景、影靚相、食海鮮嘅朋友啱晒!

1 西澳 勁夢幻粉紅湖

有「粉紅湖」之稱嘅赫特潟湖Hutt Lagoon(Pink Lake),係位於珀斯以北Geraldton嘅Port Gregory,面積2,500公頃,就算坐飛機喺高空都睇到呢個一片嫩粉紅色嘅湖泊,夢幻到暈!

粉紅湖 X 天空之鏡!靚到癲咗!
粉紅湖 x天空之鏡!靚到癲咗!
粉紅湖旁設有一條路可以慢慢行、踩下單車、影下相。
粉紅湖旁設有一條路可以慢慢行,踩下單車、影下相。

究竟點解赫特潟湖會呈粉紅色?原因係呢個湖嘅鹽分濃度高達60%,鹹度比一般湖、甚至海水仲要高。而且水中有「杜氏鹽藻」,呢種海藻好鍾意鹽(而只有呢種藻類先可以喺咁鹹嘅湖生存到),亦因為佢含豐富胡蘿蔔素,所以就會將湖水染成粉紅色或紅色;再加上高溫同充足陽光,湖水睇起上嚟更加似胭脂咁靚嘅粉紅色。

想一睹粉紅湖嘅驚艷,可以喺湖邊行住睇;想豪啲,跟local tour坐飛機睇亦得!

Geraldton Air Charter 粉紅湖空中觀光導覽

地址:Gordon Garratt Drive, Geraldton Airport, Moonyoonooka, Western Australia 6532

網址:www.augac.com/t_index.htm

有人形容粉紅湖為「海灘夕陽」,因為天係藍、水係粉紅,就好似上下顛倒嘅效果。
有人形容粉紅湖為「海灘夕陽」,因為天係藍、水係粉紅,就好似上下顛倒嘅效果。
跟團坐小型飛機,可以由另一角度欣賞粉紅湖,高空望落去一格格的「田」,就係正在提煉胡蘿蔔素做天然化妝品。
乘坐小型飛機,可以由另一角度欣賞粉紅湖,高空望落去一格格嘅「田」,就係正在提煉胡蘿蔔素做天然紅色素。

https://www.youtube.com/watch?v=LYgIGCDUJ1g

&feature=youtu.be

2 做半日漁夫即捕即食龍蝦

粉紅湖一般玩半日就夠,咁其餘時間做乜好?我Travel佳幫你plan埋喇!就係去傑拉爾頓(Geraldton)碼頭,跟local tour出海做漁夫、捉龍蝦!有經驗豐富嘅漁夫帶住實有收穫,喺船上馬上就歎即捕即燒嘅龍蝦,夠晒生猛新鮮喇啩!依家呢個季節啱晒喇,因為到澳洲夏天可能會遇着漁夫維修船隻,就無得出海!

Batavia Sea Safaris

地址:Geraldton, Western Australia
Facebook:Batavia Sea Safaris

西澳Coral Coast盛產野生龍蝦,跟漁夫一齊出海捉龍蝦,就可以食到最新鮮生猛嘅龍蝦。
西澳Coral Coast盛產野生龍蝦,跟漁夫一齊出海捉龍蝦,就可以食到最新鮮生猛嘅龍蝦。
淨係個龍蝦身都大過塊面呀!
淨係個龍蝦身都大過塊面呀!
捉完龍蝦,就喺船上即燒即食,超正!
捉完龍蝦,就喺船上即燒即食,超正!

3 天然大窗睇Kalbarri國家公園

如果鍾意睇奇岩怪石,卡爾巴里國家公園(Kalbarri National Park)肯定滿足到大家,由Geraldton開車都只係一個鐘。呢度唔單止睇到環迴360°大峽谷全景,仲可以欣賞有400萬年歷史嘅岩層!而最高人氣打卡影相熱點,一定非自然之窗(Nature’s Window)莫屬。顧名思義,佢就係一個由天然風化而成嘅「大窗」,由一層層岩層形成,從中間「窗口」望出去就係雄偉嘅峽谷山河,構圖壯麗!

由自然之窗望出去嘅壯麗景致,好有畫中畫嘅效果。
由自然之窗望出去嘅壯麗景致,好有畫中畫嘅效果。
由自然之窗睇到環迴壯闊嘅大峽谷全景。
由自然之窗睇到環迴壯闊嘅大峽谷全景。
腳下嘅山河一樣咁有氣勢!
腳下嘅山河一樣咁有氣勢!

睇完自然之窗,不妨行埋布爾達木道(Bigurda Trail),因為呢條步道可以睇到公園西岸嘅Coast Cliffs。沿住呢條海岸線慢行,沿岸集中咗多種奇石,旁邊亦會有峭壁懸崖,步道有多條路段,分1星至5星程度,行咩星就視乎自己能力同體力,校啱時間仲可以睇埋日落!

沿住Bigurda Trail行,睇到嘅奇石,可以話係目不暇給。
沿住Bigurda Trail行,睇到嘅奇石,可以話係目不暇給。
Kalbarri國家公園必睇景點:Island Rock,行呢條步道都可以睇到!
Kalbarri國家公園必睇景點:Island Rock,行呢條步道都可以睇到!
Bigurda Trail有好多路段,當中1星程度相當易行,風景又靚,全程非常舒服。
Bigurda Trail有好多路段,當中1星程度相當易行,風景又靚,全程非常舒服。
成條步道包含咗1星至5星路段,揀路線之前,一定視乎自己能力同體力。
成條步道包含咗1星至5星路段,揀路線之前,一定要視乎自己能力同體力。

Kalbarri National Park

位置:Kalbarri Road, Kalbarri WA 6536
收費:私家車澳元$12,最多可一行12人入場
開放時間:9:30am – 4:30pm
網址:parks.dpaw.wa.gov.au/park/kalbarri

4 Pinnacles怪石陣沙漠之旅

真係估唔到西澳都有沙漠,而且仲係由成千上萬石柱組成嘅怪石陣!講嘅就係尖峰石陣沙漠(Pinnacles Desert),由珀斯開車上Geraldton,中途就會經過。或者可以參加一日local tour,體驗一下又得。

Pinnacles Desert怪石陣嘅石柱,足足有成千上萬座咁多!
Pinnacles Desert怪石陣嘅石柱,足足有成千上萬座咁多!
一片沙漠上高高低低嘅石柱,遠睇有啲似月球表面。
一片沙漠上高高低低嘅石柱,遠睇有啲似月球表面。

石陣最大特色係大部分石柱都有鋒利嘅尖頂,比較高嘅石柱尖塔有3.5米高,其餘一般高度同人差不多,一個個人穿插其中畫面好得意。遠觀黃沙荒漠中嘅尖峰石,氣勢十足。如果細心留意,部分尖塔上仲有個蘑菇形缺口,原來係被鈣質結礫岩封蓋的殘留物。唔講唔知,呢啲石柱會一年比一年矮,想去睇呢個奇景真係要把握時間!

Nambung National Park

位置:Nambung National Park, WA 6521
收費:私家車澳元$12,最多可一行12人入場
開放時間:9:30am – 4:30pm
網址:parks.dpaw.wa.gov.au/park/nambung

日落時分magic hour之下嘅尖峰石陣,又有另一番味道!
日落時分magic hour之下嘅尖峰石陣,又有另一番味道!

5 歎新鮮即燒龍蝦

西澳Coral Coast地區盛產龍蝦,而且仲係全野生,夠晒鮮味彈牙,嚟到點可以唔擦餐勁!尖峰石陣沙漠附近,就有一個好出名嘅Lobster Shack龍蝦工場,參觀工場運作之餘,仲可以食龍蝦餐!如果參加尖峰石陣沙漠一天團,個團仲會包埋去!由珀斯開車去Geraldton,呢度亦係必經之路,去Lobster Shack食個lunch都唔錯。

Lobster Shack嘅燒龍蝦每日新鮮即捕,既鮮味又大大隻啖啖肉!
Lobster Shack嘅燒龍蝦每日新鮮即捕,既鮮味又大大隻啖啖肉!
去到Lobster Shack,除咗食燒龍蝦,仲可以參觀出口集散龍蝦工場,睇下點一隻隻龍蝦點樣磅重、包裝。
去到Lobster Shack,除咗食燒龍蝦,仲可以參觀龍蝦集散出口工場,睇下一隻隻龍蝦點樣磅重、包裝。
Lobster Shack嘅手繪龍蝦好cute,同真身一樣咁肥美。
Lobster Shack嘅手繪龍蝦好cute,同真身一樣咁肥美。

Lobster Shack

地址:11 Madrid Street, Cervantes WA 6511
網址:www.lobstershack.com.au/

前往珊瑚海岸(Australia’s Coral Coast)

‧由珀斯坐內陸機(機程約1小時)
‧由珀斯駕車約5小時

香港飛珀斯

國泰航空(直飛珀斯)
新加坡航空(新加坡轉機飛珀斯)
泰國國際航空(曼谷轉機飛珀斯)

西澳旅行團

Sightseeing Pass 尖峰石陣沙漠一天遊
Adams Pinnacle Tours 亞當尖峰之旅
Western Safari 粉紅湖3天遊
SIA Holidays 粉紅湖、自然之窗3-7日導賞遊

更多西澳洲旅遊資料www.westernaustralia.com