【尖沙咀】泰式Buffet試過未?Crossover京都宇治抹茶噴泉甜品

feature

今時今日食自助餐,食生蠔,食龍蝦,食剌身係基本要求,最好就要有創意嘅全新設計,有gimmark又有驚喜!最近有人發現有間酒店餐廳Yamm設計了泰式自助晚餐,本身已經有大量即開生蠔同龍蝦食,另外更有曾任職於五星酒店泰籍靚女主廚坐鎮,佢會親手現場煮各種泰式美食。最最最大驚喜就係佢有30款以上甜品,其中還Fusion了日本京都宇治抹茶白朱古力噴泉,去片!

1. 甜品區 – 日本京都宇治抹茶白朱古力噴泉

食完海鮮同泰式美食之後要做乜呀?當然係食抹茶白朱古力噴泉啦!作為香港最具人氣的甜品,抹茶控見到大大個噴泉,必定會雙眼發光!原來噴泉係由京都宇治抹茶粉,再加西班牙白朱古力混合而成,味道帶抹茶的苦澀味之餘,又帶朱古力的厚滑質感!見到抹茶汁不斷由上向下游走,真係立即想用冬甩,棉花糖,士多啤梨瘋狂點汁食!

i1i2

DSC_1874
餐廳選用韓國士多啤梨配合噴泉,真係急不及待去點汁呀!

i3


2. 海鮮區 – 即開生蠔 / 冰鎮波士頓龍蝦

食得自助餐,價錢就唔會太平,所以真係要食番D海鮮去回本!版主親眼見到師傅無停手地狂生蠔,數量足夠唔怕唔夠分,各位生蠔迷留意啦!另外各位食客記得另一大必食目標就係大大隻冰鎮波士頓龍蝦,排成一個堅巨的龍蝦山,數量目測都有一百隻!

f4

10

f5

12

3. 即製泰式美食區 – 泰式炒河粉、冬蔭海鮮湯及青木瓜沙律

叫得泰式自助晚餐,當然要介紹番幾款當地美饌啦!先前講咗餐廳現場會有泰籍主廚(Danita)坐鎮,Danita會即時製作多種美食,其中有泰式炒河粉、冬蔭海鮮湯及青木瓜沙律!雖然佢哋只係傳統的泰式美食,但就加上當地獨特的香草及香料,令味道更突出。加上每份食物都係獨立即時製作,質素絕非大量一次製作可比。

DSC_1865
三大美食: 泰式炒河粉、冬蔭海鮮湯及青木瓜沙律
f1
泰式炒河粉夠哂鑊氣,出哂煙!

f2

f3
冬蔭海鮮湯入面有大蝦做配料,而且湯料是每份製作。

DSC_1853

DSC_1860
最後有由多種香料製作的青木瓜沙律

 

Yamm泰式自助晚餐

日期: 4月13日至5月17日,每晚6時30分至10時供應

價錢:

星期一至四 每位 HK$668 (成人) / HK$398 (小童)

星期五、六、日、公眾假期及前夕 每位 HK$698 (成人) / HK$428 (小童)

地址: 尖沙咀彌敦道118號The Mira Hong Kong地下大堂Yamm (開啟地圖)

 
更多掃街資訊:
再撐本地小店!橫掃15大元朗美食
【西灣河】港島有個小士林!8大好味又抵食宵夜推介!
$50掃街食到飽!10款長洲「大件夾抵食小吃」試食報告!

最新吃喝玩樂資訊