【北角】潮食得獎丁蟹麵!大奇蹟蟹肉黃油一丁!

飲食

廣告

今個星期大台重播《大時代》,股市未見一路跌但就成功引發討論熱潮,像筆者這些90後一代終有機會睇睇這個傳說中的神劇!一向大俠形象嘅秋官原來可以咁大奸大惡,睇到個個咬牙切齒好肉緊!

以下介紹嘅丁蟹麵,就同丁蟹一樣咁邪惡!講緊嘅係位於北角這家日韓料理店,店主吳師傅在08年曾經以此蟹肉黃油一丁麵,參加日清舉辦的出前一丁菜式創作大賽,奪得金獎!這碗丁蟹麵製作過程非常繁複,吳師傅要將膏蟹拆肉拆膏,再配以豬肉烹調成醬汁,蟹殼快炒後再放入焗爐焗出蟹油備用。待客人落單時再與一丁麵烹調,整碗麵掛滿蟹肉和蟹黃油醬汁,食時再淋上自家秘製的黑醋,絕對是上品!

師傅改良特色日韓菜式

食完丁蟹麵唔夠喉?食店更有多款由吳師傳改良的日韓菜式,像烏冬與拉麵都由吳師傳自行研究湯汁,同樣足料非常!像番茄蓉湯拉麵,一煲湯有半煲是澳洲大牛番茄肉。小食同樣出色,韓國炸雞,配上濃蝦湯煮的素菜湯汁,平凡炸雞迅間成為高級菜式。另一菜式蟹肉蔥煎蛋餅,同樣用上膏蟹的蟹肉,啖啖肉的鮮味一樣無得彈。

DONKA 自家湯汁麵食專門店
地址:北角電氣道233號北角城市花園第3座地下
營業時間:11:30am-3:30pm;6pm – 10pm(星期二至五及日);1130 – 3:30pm(逢星期六);星期一休息

更多必試海鮮店:
瘋狂海鮮九層塔 香港3大韓食店比拼
【銅鑼灣】$300狂擦 即開生蠔Buffet
【中環】美式Cajun海鮮 直送海鮮自己撈

香港18區美食有甚麼推介?

新假期編輯已經為你整合了香港18區美食指,其中包括尖沙咀、旺角、銅鑼灣等……即睇更多詳情。

香港有甚麼週末好去處推介?

香港18區都非常值得花時間好好探索,一家大細去暢玩的親子好去處、拍拖推介32大情侶好去處、落雨必去的室內好去處、慶生推薦20大生日好去處、新手必備19大靚景行山好去處、秋天戶外露營好去處…..