【紅磡】橫掃紅磡小食!瘋狂掃街地圖!

bun

紅磡區絕對是飲食小店的集中地,特別是必嘉街與黃埔街一帶,筆者在區內隨意走走,每條街十間有八間都是食店,中日韓台咩都有,反而經常充斥香港的藥房和金鋪倒少見!而食店當中,更有不少多年老字號的小吃店,事不宜遲,即刻同大家瘋狂掃街!


1.紅磡鎮區之寶!時新雙層漢堡蛋包!

如果你未食過時新嘅漢堡包,你可能要再重新思考自己是否香港人,時新老闆鍾氏兄弟,由70年代接爸爸手經營時新快餐店,經歷麥當勞來港,紅磡填海等低潮,依靠的是對漢堡包的執著,漢堡扒堅持以新鮮牛肉用人手壓制,用番茄、青瓜等十多種材料混合成秘制沙律醬,即叫即製,成就了這個港式快餐店傳奇。

雙層漢堡芝士蛋包 $22 識得識一定係食呢個,打孖上的漢堡扒,遇上厚厚煎蛋,配上祕製沙律醬,無敵!
雙層漢堡芝士蛋包 $22
識得識一定係食呢個,打孖上的漢堡扒,遇上厚厚煎蛋,配上祕製沙律醬,無敵!

時新快餐店
地址:紅磡黃埔街1A地下(顯示地圖
營業時間:星期一至日 11am – 9pm

 

2.韓國Cooking MaMa!即叫即製紫菜卷!

這家開店不久的韓國店,由兩位不同年紀的韓籍媽媽主理,年長的主力負責泡茶及醃製食物,另一位則主打即製韓食,而筆者推介的韓式紫菜卷,即叫即製,材料正宗,而且位置於幾家「長龍」小食店之間,是個不錯的等食中途加油站!

韓式紫菜卷 $25
韓式紫菜卷 $25 家常小食紫菜卷,由韓國媽媽足料即製,有種簡單的美味感。

韓國泡菜 慶州
地址:紅磡黃埔街10號B(顯示地圖

 

3. 極邪惡!熱溶芝士熱狗!

經新假期FB介紹後一炮而紅,這上年尾新開的熱狗店,香腸款式很多,都是德國正宗口味,如紐倫堡腸、墨西哥辣腸、蘋果雞肉腸等等。Order時先選香腸款式,然後選醬汁,醬汁有兩種,特式醬汁需要加錢,例如黑松露醬和咖喱茄汁都需要加錢,而最最最重要當然是加熱熔芝士($10)啊!

圖片及資料來源:迷你黑洞
辣味羊肉腸配黑松露醬加熱熔芝士$41 辣味羊肉腸是店家推介,坊間比較少見。 圖片及資料來源:迷你黑洞
芝士肉醬撈丁 $22 熱熔芝士肉醬撈丁,可改通心粉,一樣都係咁大大片的熱溶芝士,真的太邪惡了!
芝士肉醬撈丁 $22
熱熔芝士肉醬撈丁,可改通心粉,一樣都係咁大大片的熱溶芝士,真的太邪惡了!

Iconic H
地址:九龍紅磡必嘉街97號(顯示地圖
營業時間:星期一至日 11am – 10pm

最新吃喝玩樂資訊