餃子放題
餃子放題

1.5小時 餃子放題 ~$98任食10款餃子 仲有雞槌同咖喱飯

飲食

廣告

繼早前推出雞翼放題後,今次荔枝角這間餐廳,推出第2浪放題——無限餃子任食,有韭菜豬肉餃、辣味雞肉餃,連意大利雲吞Ravioli都有,整整有10款餃子選擇。除了餃子,現場還供應少量熱食如雞槌、咖喱飯、忌廉湯和沙律吧等等,餃子迷,ready好未?

撰文:方中Snake 攝影:Tommy

&feature=youtu.be

 

餃子放題 :10款餃子 1.5小時任食

之前推出的雞翼放題大受歡迎(早前報道),第2浪的餃子放題,同樣只於周六推出,分12:30pm和2:15pm兩場,同樣可以任食1.5小時。餃子選擇頗多,煎、炸、湯餃都有,整整10款任食,煎的有韭菜豬肉、白菜豬肉、辣味雞肉、羊肉和香菇粟米素餃;炸的有韭菜和紅豆餃,另有鮮蝦雲吞湯餃、意大利風味的肉醬Ravioli和白汁煙肉的Tortellini。

IMG_3795

一開始會先上1碟足10款的餃子,讓大家試試味。 IMG_3869

試完味後,可以落紙仔逐隻任點,不過切勿眼闊肚窄,食剩1隻要收$10!

試食報告:紅豆餃子似豆沙鍋餅

煎和炸餃都是小店自家製,師傅用人手包,餡料亦落得重手,隻隻飽滿,亦多用香草、紫蘇和迷迭香調味。記者最喜歡炸韭菜餡,一入口即有韭菜香味,豬肉亦juicy。紅豆餃子也不錯,以為會好像某壽司店的紅豆軍艦般嚇人?不過誤會了,餃子內並不是一粒粒的紅豆,而是滿滿的紅豆蓉,食落口感不錯,香香甜甜似食豆沙鍋餅。

螢幕快照-2017-05-20-下午3.54.05

記者喜歡炸韭菜豬肉餃子,餡料足,調味剛剛好不會太鹹,亦有肉汁。

IMG_3866

辣味豬肉餃子,豬肉有很濃烈的香草味,越食越辣亦很過癮。

IMG_3889

煎紅豆餃子口感不錯,紅豆蓉非常多,香甜又不太膩。

IMG_3905

Ravioli雖不是自家製,但醬汁好有鮮茄香味,酸酸哋幾開胃。

驚你唔夠飽 任食雞槌、咖喱雞肉飯

只吃餃子覺得唔抵食?雖然只是餃子放題,但餐廳還有供應少量熱食,一定可以食得飽!有雞槌、咖喱雞肉飯、粟米忌廉湯、沙律吧和爆谷,前菜、主菜、甜品都照顧到,幾貼心。

IMG_3832

有炸和烤雞槌,香草椒鹽調味下得足,很滋味。 IMG_3833

怕不夠飽的,有咖喱雞肉飯,老闆還搞笑說是世界級好吃的!

IMG_3818

有熱辣辣的粟米忌廉湯。

IMG_3842

還有焦糖和朱古力味爆谷。 IMG_3804

沙律吧有羅馬生菜、九芽菜、番茄仔和醬料可自由配搭。 IMG_3856

另加$20可任飲汽水和檸檬茶。

每節30人:記得book位!

餐廳座位不多,每節只能容納30人,所以記得要打電話訂座,walk in一定冇位!坐得尚算舒適,好天氣的話,更可走出露台用餐。

IMG_3862

The Hub
地址:荔枝角青山道688號嘉名工廠大廈H座7樓(顯示地圖
營業時間:星期一至五 11:00am-5:00pm,星期六至日休息(放題除外)
電話:3755 4931

餃子放題
供應日子:27/5、3/6 (暫定兩場,反應熱烈的話可能加開,詳情請留意餐廳fb專頁。)
收費:$98/位,另加$20任飲汽水及檸茶。
備註:建議先訂位,另收加一,收現金及信用卡。

 

延伸閱讀:

1.5小時 餃子放題 ~任食10款餃子 仲有雞槌同咖喱飯

香港18區美食有甚麼推介?

新假期編輯已經為你整合了香港18區美食指,其中包括尖沙咀、旺角、銅鑼灣等……即睇更多詳情。

香港有甚麼週末好去處推介?

香港18區都非常值得花時間好好探索,一家大細去暢玩的親子好去處、拍拖推介32大情侶好去處、落雨必去的室內好去處、慶生推薦20大生日好去處、新手必備19大靚景行山好去處、秋天戶外露營好去處…..