365日任飛 只需$1,000 真．兌現 環遊世界夢 @Travel佳
Photo：Woody
好多人都羨慕我 Travel佳 可以成日周圍飛，旅遊足跡遍佈世界各地。其實今時今日想實現 環遊世界夢 並非想像中咁難，航空公司減價、里數換機票、旅遊大抽獎……越來越多途徑俾大家以最低成本起飛。趁住5‧1長假期多人過大海，我啱啱就發現咗澳門有度假村推緊個超筍活動，終極大獎竟然係「365日全球任你飛」體驗，準備過澳門玩嘅朋友一定要留意，冇打算澳門遊嘅都係時候考慮下！
全年任飛去邊好？
介紹活動玩法之前，問大家1個問題，假如你真係中咗獎可以任飛365日，你想飛去邊啲地方？我 Travel佳 縱橫旅遊界多年，以下係少少經驗之談，同大家分享下一年四季非去不可的旅遊地點，如果大家冇頭緖，不妨參考下。
5、6月：荷蘭賞花海
任飛梗係飛遠啲，春夏係賞花最佳時機，荷蘭又以花海聞名，世界上最大的鬱金香花園庫肯霍夫公園（Keukenhof）種咗幾百萬朵鬱金香，品種過千，開花時期公園變得七彩繽紛，非常壯觀。
荷蘭鬱金香田。
6、7、8月：希臘小島最浪漫日落
希臘小島Santorini出名水清沙幼，景色一絕，既可以享受陽光與海灘，又可以欣賞最美日落。小島上面亦有唔少特色酒店resorts同埋餐廳，最適合夏天去過個寫意悠閒假期。
希臘跳島遊。
9月：最時尚最超乎想像的巴黎與肯亞
另外，9月巴黎有年度國際盛事Paris Fashion Week，世界各地的時尚達人都會聚集巴黎睇騷，冇份入場一樣感受到時裝之都的熾熱氣氛。非洲動物大遷徙又係不容錯過，眼見一群群羚羊、斑馬喺肯亞馬賽馬拉大草原奔走北遷，簡直震撼到難以用筆墨形容，有機會一定要去親眼見識！
法國巴黎時裝周。
10、11月：美國鹽湖城山野秋色
個人認為美國鹽湖城幾適合秋天旅行，尤其上山遠足時，可以望到山頭變成層層交疊的紅、橙、黃色，景色相當之靚，加上秋天有萬聖節、感恩節、Utah State Fair等大型慶典，夠晒熱鬧。
肯亞動物大遷徙。
11、12、1、2月：勇闖北極圈
近年好興飛北歐睇極光，幾個國家之中，比較推介芬蘭，因為睇到極光之餘，可以去埋聖誕老人村，又可以體驗冬季限定活動，例如滑雪、狗拉雪橇同雪地健行等等，以及大大小小的聖誕市集。
鹽湖城自然風光。
芬蘭極光之旅。
好快就到365日，到咗3月，日本櫻花當然冇得輸，無論係神社、公園抑或鬧市，只要配上粉紅色的櫻花大道，畫面即時變得浪漫又有詩意。
日本賞櫻。
濠使Mop1,000 兌換365日環遊世界夢
入番正題，點樣可以用Mop1,000兌現遙不可及的365日 環遊世界夢 ？點可以歎到最盡？點先最着數？
1 . 唔理三七廿一，先去度假村場內登記做會員，先攞價值Mop100的禮物。
2 . 嚟之前book好新濠天地嘅星級酒店，check-in時記住袋穩酒店派出的住客遊戲券，立即兌換1次抽獎機會。
3 . 然後大家可以考慮到以下景點豪歎，每1,000元可再獲取多次抽獎機會。
到港澳最大鞋履專區買名鞋
買鞋唔係女士專利，新濠大道的鞋履專區係港澳最大的鞋履沙龍，共有超過50個國際品牌，夠晒集中，唔止有女士最愛的高跟鞋，仲有大量波鞋任君選擇，買多幾對自然多啲抽獎機會。
「羅浮咖啡」歎下午茶
行得攰去「羅浮咖啡」歎番個2人分量尊尚魚子醬香檳下午茶就啱晒，tea set包括殿堂級魚子醬品牌Kaviari的鱘魚魚子醬、精緻糕餅、沙律三文治、法式可麗餅等等，配埋香檳都只係Mop988，加埋一啱啱好夠抽多1次獎。
「譽瓏軒」/「御膳房」食晚飯
「譽瓏軒」同「御膳房」都係米芝蓮2星餐廳，同時都係澳門唯一2間榮獲「亞洲50最佳餐廳」殊榮嘅食府，前者主打中菜，其招牌蜜汁西班牙黑豚梅頭叉燒都只係$228。後者係當代法式料理餐廳，5月重開仲有新主廚坐鎮，喺呢2間餐廳食飯，絕對係視覺加味覺享受。
值得提一提，如果順道睇水舞間的朋友，A、B、C區任何1張門票都可獲1次抽獎機會。
