3大 斐濟必玩 歎荷里活星級享受 @Travel佳
講咗咁耐，其實我係想帶出今次要介紹嘅地方——Fiji（斐濟）。斐濟向來被公認為人間的度蜜月終極天堂，好多荷里活電影都喺呢度拍攝，更有唔少荷里活明星如Nicole Kidman、Tom Cruise、Britney Spears都愛到斐濟relax。到底 斐濟必玩 有乜咁吸引呢？即刻去片！
天與海共融 必住靚景水上屋
如果冇嚟過 Malolo Island上嘅水上屋Likuliku Lagoon Resort，唔好話俾人知你去過斐濟。水上屋一向係斐濟嘅最大特色：融合咗傳統建築、自然造材以及斐濟嘅民俗風情，並大量用木材做裝飾，以特殊嘅「Magi Magi 」建築設計同精緻織品裝潢整個房間內部。而另外最重要係呢度真係同大海連接，朝早瞓醒唔使兩步就可以跳落個海度游兩轉先同honey食個甜蜜早餐，又或者同佢攬住好sweet咁睇日落，真係諗起都開心。呢啲水上屋所有房間都有冷氣、音響系統、電話、電視、DVD機、免費Wi-Fi、獨立後院、戶外淋浴間同私人小泳池，天堂都可以好先進㗎！
必去！世界10大最美沙灘
如果覺得水上屋太偏遠太靜局，咁大家可以考慮到斐濟洲際高爾夫溫泉度假村（InterContinental Fiji Golf Resort & Spa）入住。呢間酒店有乜咁巴閉值得我阿佳介紹？事關酒店前面嘅Natadola Beach，就係被媒體評為世界10大最美沙灘之一！有圖有真相，就算斐濟居民都一致公認，呢度有陽光時，絕對係主島最靚嘅沙灘，啲沙夠晒幼滑，赤腳行好舒服，海水更加係零雜質完全透明，有幾多條魚一眼望晒！最重要係呢度離楠迪（Nadi）機場大概坐車40分鐘就到，外島交通出名貴，咁就可以慳唔少！
浸超relax溫泉
個個去斐濟都係去曬太陽、游水、浮潛、玩水上電單車…… 但就好少人知呢度仲有好多正嘅溫泉㗎！原來斐濟位於太平洋火山帶， 島上有好多地熱溫泉， 例如Sabeto就係出晒名嘅溫泉區， 當地隨時可以見到冒出蒸汽嘅溫泉同泥漿地。仲有個當地土著居民沿用至今嘅洗澡坑， 當地人認為用呢種溫泉水可以解除身上肌肉疼痛， 對於關節炎、風濕症患者， 有極佳療效。大家玩完各種水上活動後， 到呢度嘅泉水浸一浸， 即時全身鬆晒， 皮膚仲會好似蛋白咁滑添（好似係）。
斐濟必玩 旅運小tips
斐濟總共有16個機場，最大係楠迪國際機場， 第2大係Nausori機場，規模比楠迪小得多，從楠迪機場國內航線區搭Fiji Link嘅小型飛機到蘇瓦約200公里，需時30分鐘，或者搭公共汽車到蘇瓦，需5個半鐘。我會建議大家坐Fiji Airways由香港直飛楠迪機場，一來而家有$400額外折扣優惠，二來轉機到斐濟其他機場，安排需要更加周詳，我諗大家都唔想完美假期太複雜或者有變數啩？另外，斐濟公共汽車相對比較落後，當地居民都係搭1種私人營運嘅小型巴士， 坐滿咗就會開車，路上亦冇固定嘅站牌，遊客可以隨召隨停，但我阿佳就建議大家都係搭的士會比較方便。而島與島之間最好搭渡輪，主島上幾乎所以渡輪都由Port Denarau開出，較大型有「South Sea Cruises」、「Awesome Adventures」，每條航線都有自己固定嘅班次，由每日1班至每日4班不等，建議大家出發之前做定research咁就實冇有怕啦。
斐濟 3/4/7晚自由行套票＄6,250起
詳細資料： https://goo.gl/ahIKqx
專業旅運自由行
查詢：3700 2620
網址：www.texpert.com
