拒食黑心肉！ 3大重點教你揀健康 進口肉 類@ Dining娜

自從黑心肉事件爆出後，吃貨們可謂人心惶惶！

講到食肉，除咗驚好似黑心肉咁係過期肉同腐爛肉之外，仲驚唔小心食到病牛、病豬、病雞，或者加入咗唔同化學物嘅肉，食咗都唔知對身體會有咩損害！不過，我Dining娜驚都未驚過呀！因為我知道，其實識揀，食肉都可以好健康！想揀到健康 進口肉 類，記住以下3大重點喇！

1) 來源

你以為來自大企業或者知名品牌嘅肉，就一定係信心保證？Dining娜話你知唔係囉！喺超級市場見到嘅鮮肉，其實都係來自世界各地㗎。例如，好多我哋買到嘅雞翼同豬扒都係來自巴西，而牛肉就主要係來自美國、澳洲，或者本地等……某啲肉類出口國對出口肉品要求特別嚴謹，農場亦都有較高嘅衛生同飼養標準，好似英國雞肉咁，因為歐盟嘅規定，激發雞隻生長嘅荷爾蒙係禁止使用㗎，自然可以放心食用啦~

2) 飼養方法

選擇肉嘅時候，飼養方法亦都係其中一大重點！例如我就非常支持cruelty-free嘅飼養方法喇！除咗唔使小動物因為我哋受苦之外，生活喺壓力下嘅動物亦會產生變化，食咗對身體唔好㗎！比起困喺籠入面，可以自由活動嘅「走地」動物健康得嚟，仲會有muscles添！除咗大家最鍾意嘅走地雞，走地豬都係後起之秀嚟㗎~另外，動物餵飼方面，用自然、高品質飼料，例如草同粟米，餵養嘅動物亦都健康好多㗎~

3) 肉類比例

除咗鮮肉，有時都鍾意食下香腸呀、漢堡扒呢類加工肉類製品嘅你，就更加要識揀喇！揀加工肉類製品嘅時候，鮮肉含量當然愈高愈好，真材實料，肉味更濃郁。仲有呀，近年外國仲引入gluten-free（不含麩質）嘅香腸同漢堡扒添，真係估唔到食加工肉類製品都可以咁健康！

後記： 識揀要揀 進口肉

最近睇咗玻璃朱Bonnie呢條片，我先知原來Marks & Spencer有進口肉賣！

Proud to be a吃貨嘅我，梗係即刻去咗附近嘅Marks & Spencer睇睇啦！

英國熟成安格斯西冷牛扒

原來，Marks & Spencer係市面上少有英國安格斯牛扒嘅供應商嚟㗎~

佢嘅牛扒係全草飼，非常健康；仲經21日熟成，夠晒肉味同嫩滑！

英國Oakham 雞胸肉

Marks & Spencer嘅雞肉全部係英國政府鑑定class A嘅走地雞，絕對冇打生長激素㗎！雞隻飼料同飼養環境亦都經過嚴格監管，保證每隻雞都係健康快樂咁成長嘅~

英國安格斯漢堡扒

呢塊漢堡扒一啲都唔嘢小，勁juicy呀！含肉量有成95%，肉味香濃，仲要係gluten-free添~

英國放養豬豬肉腸（豬肉含量97%）

呢款香腸有成97%豬肉含量，其他配料仲要係gluten-free！值得一提係，所有豬肉腸嘅豬肉係英國「走地豬」嚟㗎，仲係源自英國傳統食譜添~

最重要係，Marks & Spencer所有肉類都係由M&S assured farms度嚟㗎，佢哋只會同飼養環境、方式及生產過程符合嚴格標準嘅農場合作，加上設立良好嘅監察機制，每塊肉都可以追溯番係嚟自邊個農場同牲畜㗎~ 咁安全同健康，自然唔怕食到黑心肉啦！等我即刻入貨，跟Bonnie學番兩招先！