香港客
香港客

矛盾對決: 香港客 vs 香港服務業 ,邊樣難頂啲? @ 藍橘子

飲食

廣告

以服務業嚟講,到底係 香港客 難頂?定係服務員態度難頂啲呢?就以餐廳為例,有時遇到啲侍應無禮貌,真係未食嘢,道氣就頂到上喉嚨。

唔知大家記唔記得,星爺有套電影《食神》,佢為咗貪圖暴利,張檯有咁窄得咁窄,張凳有咁迫得咁迫,咪等啲友坐得咁舒服,食完嗱嗱聲走…

十幾年前誇張嘅笑話,十年後嘅今日已變成事實。因為土地問題,香港人愈住愈逼,餐廳老闆為應付貴到離譜嘅租金,座位亦都係一樣。

好多外國朋友嚟到香港,都話香港餐廳係佢見過啲座位最密嘅一個國家。

侍應喺咁狹窄地方工作,又要求動作快,壓力自然大,想擠出個友善笑容都好難。完全體現呢種「快催」精神,非「澳洲牛奶公司」莫屬。

 

不過咁,香港客嘅「有錢就是爺」個性亦唔好得去邊。有次去一間西餐廳食晚飯,就遇到咁嘅情況…

一個年輕侍應唔小心抹枱時飛咗幾粒飯落某客人條褲度,客人發現後破口大罵,儘管侍應不斷點頭認錯,客人都繼續鬧,務求將佢成世人所有壓力都一次過宣洩晒出嚟。

唔止餐廳,有好多行業都表示,其實香港客一樣咁難頂,總覺得自己係客就大晒,仗著自己畀錢佢賺就將「客戶」嘅權利放到最大。

個人認為,香港人最鍾意係「互相威脅」,將自己權力放到最大去威脅其他人。

 

我遇過好幾次,有乘客對巴士司機唔禮貌,話佢未等乘客坐低就開車,差啲令佢阿媽(老人家)仆親,司機一副淡定表情,將巴士泊埋一邊,講:「你鬧我?我而家好驚,開唔到車喇,全部人落車,我會叫下一班車嚟。」

當時係放工時間,成車逼滿乘客,就算等下一班車,都一定上唔到車。結果,呢位乘客就瞬間變成罪人。

另外,相信大家搭飛機都遇到呢種情況,前排乘客將張凳拉到最低,佢就訓得好舒服,你就全程機望住佢頭頂,想睇戲又睇唔到,食飯又辛苦。

可能你會話「喂!張凳有得拉咁後,我梗係拉㗎啦!你都可以咁做㗎!」

無錯,你係有權利去咁做,我亦吹你唔漲。但當呢個行為會影響到其他人,係咪真係要咁做呢?

有句說話講得好啱,不論一個幾有錢,對自己屋企人有幾好。
只要佢對侍應態度差,或佢鄙視喺街掃垃圾嘅人,呢個人都唔會係好人。

香港18區美食有甚麼推介?

新假期編輯已經為你整合了香港18區美食指,其中包括尖沙咀、旺角、銅鑼灣等……即睇更多詳情。

香港有甚麼週末好去處推介?

香港18區都非常值得花時間好好探索,一家大細去暢玩的親子好去處、拍拖推介32大情侶好去處、落雨必去的室內好去處、慶生推薦20大生日好去處、新手必備19大靚景行山好去處、秋天戶外露營好去處…..