經典港式平民本土味 全港11間 好食車仔麵 灣仔咖喱魷 石峽尾肥哥最掂!
經典港式平民本土味 全港11間 好食車仔麵 灣仔咖喱魷 石峽尾肥哥最掂!

經典港式平民本土味 全港11間 好食車仔麵 灣仔咖喱魷 石峽尾肥哥最掂!

車仔麵是經典港式平民美食。藏身街頭巷尾,靈活多變,一撮油麵、十幾廿款餸任意挑選,再加兩舀熱湯、淋匙辣汁,就是1碗庶民comfort food。工夫多,利潤低,要做得好食並不容易。究竟邊度有 好食車仔麵 ?今次就挑選以下10間各有名氣、歷史的必食車仔麵店,向這道本土美食致敬!

撰文:Ruby 攝影:Hong、Mark、KwanYiu、Meck、新傳媒資料室

即睇10間必試 好食車仔麵

1. 車仔麵之家 上癮生炒咖喱魷

60多年前街邊檔起家,除了捧着麵立食吃的特色,咖喱魷魚最馳名。每朝在廚房把阿根廷乾魷、自家製咖喱醬生炒爆香,濃濃咖喱香味湧出店外,魷魚炒得夠辣又入味。

19款餸料全部都是傳統經典選擇,酸齋外脆內軟;牛腩口感軟滑,五香味濃。湯底每日以雞骨、豬骨熬煮,又定時加新骨來熬,越熬越濃。麵條食落軟硬度剛好,加1、2匙招牌咖喱辣醬,錦上添花。

好食車仔麵
餸料每款$6-$10,粉麵$8-$16。
Y4
魷魚口感彈牙,有鮮味,咖喱微辣,餘韻有香料清香。
C1
招牌咖喱魷魚每日炒兩次,通常3:00pm前沽清。

 

add_no1_dragon
午飯時間,人龍排到入後巷,更有人企後巷食麵。

車仔麵之家
地址:灣仔晏頓街1號A舖(顯示地圖
電話:2529 6313
營業時間:星期一至六7:00am-6:00pm(星期日休息)

2. 肥哥車仔麵 刺激爆炒辣汁

店子鄰近文青熱點JCCAC,老闆肥哥賣麵30多年,由推車仔做到入舖。湯底以豬骨熬湯,還加入大量冬菇椗,使湯味更見鮮甜。

辣汁更有4種辣度,以大量新鮮指天椒、乾椒、指天椒粉煮成,更會手切新鮮青紅小辣椒加料,平日吃慣譚仔中辣的小編,試1匙小辣,已經標汗!車仔餸有坊間少見鮮牛肉,口感嫩滑;更有原個雪耳,索晒湯汁好特別,亦堅持要做到嗱喳麵不嗱喳,豬皮用火輕燒,再人手箝出細毛,好講究。

o2
餸料每款$7-$12,粉麵$7-$10。
add_F8
腐乳通菜 $15 腐乳自家以辣油、蒜粒、辣椒粒腐乳調配,特別惹味。

 

Add_new_p3
Graffiti招牌,讓人老遠都見到,很搶眼。

 

F2
一近黃昏開始多人,好多熟客到來聚腳,人多時會在店外放4、5張摺枱。

肥哥車仔麵
地址:石硤尾白田偉智街38號福田大廈地下55號(顯示地圖
電話:2529 6313
營業時間:星期一至六7:00am-6:00pm(星期日休息)

 

3. 華記小食店 王子創意車仔餸

隱藏在青衣涌美老屋邨,店主自稱「車仔麵王子」。其實上世紀60年代,王子的爸爸已在青衣大街賣麵,後來父親病逝,王子二話不說回家接手,傳統餸料跟足舊時做法,同時藉着外遊的見識,將新元素滲入車仔餸中。

30多款餸,有傳統豬紅、蘿蔔、豬皮;創意也有炸雲吞、鯪魚肉加入粟米、麥皮,口感豐富;煙燻雞翼以綠茶燻香,用黑糖調味,煙燻味清香,肉質嫩滑。還有昆布汁鮮吊桶、自家磨豆花等隱藏菜式,不過只供應給熟客,能否吃到就要講緣分。

add_W9
餸料每款$3-$15,粉麵$6-$9。
W8
雞肉充滿茶香和燻香,再加黑糖汁,帶微甜。
W7
炸雲吞口感爽彈,味道有魚香之餘,還有粟米香甜。
add_w3b
寸勁豬頸肉 $48-$68(視乎大小) 堅持不用鬆肉粉,用拳頭打鬆肉質。灑上原粒孜然,用火槍燒香,香味滿溢。
W5
坐在戶外食車仔麵,分外有風味。

華記小食店
地址:青衣涌美老屋邨90號地下(顯示地圖
電話:2436 0710
營業時間:星期二至日 7:00am-3:00pm

4.永年士多 回甘藥材湯

元朗地標,50多年歷史,由士多雜貨到賣腸粉魚蛋車仔麵。食物由屯門中央工場製作,成品運來店中再翻熱、調味。

湯底用了廿斤豬骨、老雞熬製,還有果皮、當歸、甘草等材料,令湯底多了一股藥材的甘甜,頗獨特。傳統餸料水準中上,大腸半肥瘦,豬皮乾淨冇沙,豬紅軟熟入味帶蒜香;更有流心蛋,蛋汁濃稠有蛋香,值得一讚。

o1
餸料每款$8,粉麵$8。
A6
紅豆奶茶、柚子檸水 $22 紅豆香甜,配厚滑奶茶,是紅豆冰變奏。微酸柚子蜜加上檸汁,味道清新。
A4
新裝修後換上長木枱、鐵櫈的工業風,感覺時尚。
A5
安排至少8個員工負責車仔餸櫃,好有效率。
YL2
一到假日,人龍長到圍住整間店,起碼排廿分鐘。

永年士多
地址:元朗教育路88號寶城洋樓2-4號(顯示地圖
電話:2477 3816
營業時間:星期一至日 12:00nn-10:00pm

5.新記車仔麵 靈魂辣汁吸擁躉

其實擁躉一向多,其靈魂之辣汁是招牌,據說是老闆每晚凌晨兩點,邊炒邊撈的成果。辣汁質地濃稠,帶點微微嗆喉,啱辣迷。

豬骨湯底熬至少兩小時,出奇地有回甘。車仔餸平均水準中上,滷水雞翼尖、豬腸入味軟腍,炸魚皮入口脆卜卜。定價相比其他店高,坊間每款餸最低$7,這裏就$10,分量卻比正常少4分1。

o8
餸料每款$10,粉麵$10。
three3
雞翼尖色澤褐紅,賣相得!
three2
擁躉眾多,由朝到晚迫滿人。

新記車仔麵
地址:銅鑼灣登龍街49號地下B舖(顯示地圖
電話:2573 5438
營業時間:星期一至日12:00nn-11:30pm

 

6.榮安小食 米芝蓮街頭美食推介

2015年入選米芝蓮10大香港街頭美食。店內員工至少半百,發黃的牆身、銀色筷子筒,有人覺得懷舊、有人覺得邋遢。30多年前由舊式士多起家,自家製滷水雞翼最熱賣,後轉型車仔麵,成荃灣地膽至愛。滷水汁香味出眾,餸料如大腸、雞翼尖、豆腐都香得有層次。不過環境較細,來吃要排隊,落單、取麵、飲品都要自己攞。

o5
餸料每款$5-$8,粉麵$5。

 

榮安小食
地址:荃灣大河道24號B地下(顯示地圖
電話:2492 6300
營業時間:星期一至日11:00am-12:00mn

7.榮記粉麵 遊客人龍店

銅鑼灣無人不識的名店,門前人龍不絕,連遊客都識搵上門。蘿蔔、豬紅、魚蛋水準正常,主打雞翼尖算滑;辣油鮮紅、微香,湯底帶甜,至讚是大部分時間會免費送幾棵時菜配麵。不過車仔麵最多只可點5餸,樓面阿姨解釋,是因麵碗太細……不太flexible。

o10
單拼/雙拼 $33,3拼$39,4拼$45,5拼$51。

榮記粉麵
地址:銅鑼灣糖街27號A地下(顯示地圖
電話:2808 2877
營業時間:星期一至日 11:30am-10:00pm

 

8.文記車仔麵 每日不同餸料

相比起其餘9間店,文記年資算短,開業5年。身處麵食名店雲集的深水埗,卻經常滿座。車仔餸選擇超多,每日近50款,必點香脆豬油渣,一咬甘香豬油滲出;更有上湯柚皮、辣味螺肉、陳皮魚蛋等經典餸。不過水準飄忽,同一個阿姐剪餸,柚皮時厚時薄,影響口感,豬腸亦切得時大時細,較為隨意。

o3
餸料每款$8-$12,粉麵$7-$8。

 

文記車仔麵
地址:深水埗福榮街121號地下(顯示地圖
電話:9059 5104
營業時間:24小時

9.九記牛什粉麵 牛雜選擇最多

開在鵝頸橋街巿熟食中心,白領至愛,午巿必現人龍。牛雜款式選擇最多,牛腸、牛膀、草肚、金錢肚、牛沙瓜,說得出都有。老闆九仔每朝6、7點入手新鮮牛雜,花大量工夫處理,招牌牛腸,重複清洗裏裏外外,唧走肥膏。同場也有手打鯪魚餅,彈牙,魚味鮮濃。

o7
餸料每款$7,粉麵$6。

 

九記牛什粉麵
地址:灣仔鵝頸橋街市熟食中心8號檔(顯示地圖
電話:2988 8960
營業時間:星期一至日7:00am-5:00pm

10.太安樓林記 自家咖喱汁

太安樓內的熱門車仔麵店,最正是門口設開放式車仔檔,連Viu TV電視劇《瑪嘉烈與大衛》都去取景。40年歷史,家庭式作業,媽媽執餸、阿仔輔助,1碗4餸麵大約35蚊,分量好足。餸料中規中矩,自家調製咖喱汁、辣汁味道層次反而豐富惹味。堂食都以發泡膠碗上,不夠環保。

o9
兩餸$24,3餸$30,4餸$36 (另加每餸$6-$10)。

太安樓林記
地址:西灣河筲箕灣道57-87號太安樓地下A34A舖(顯示地圖
電話:從缺
營業時間:星期一至日12:00nn-3:00am

 

11.車品品 個性老闆台式風味

性格小店,只做晚市,星期一及紅日又休息,開門不準時,通通講老闆心情,小編去食都試過摸門釘。不過粉絲眾多,不時有食客排隊等開門,上菜速度極慢,柯打後等半小時才有得吃。餸菜限量製作,走台風,魯肉餃、滷水蛋(鐵蛋),連滷豬腸都是帶甜的台式風味。

O12
另魯肉餃4隻$29,餸料每款$9-$17,粉麵$12-$25。

車品品
地址:大角咀埃華街92號(顯示地圖
電話:2180 9655
營業時間:星期二至五 6:30pm-11:30pm、

星期六及日 7:00pm-11:30pm

(星期一及公眾假期休息)

 

 

 

 

 

 

 

 

 

 

 

 

最新吃喝玩樂資訊