海底撈
海底撈

海底撈 內地人氣火鍋店襲港!! 率先看 8大頂癮服務|油麻地食乜好|

飲食

廣告

即將登陸香港,內地現在最火紅的四川火鍋店—海底撈 ,就是以燙貼服務來起家!究竟有咩服務咁貼心?即刻就帶大家北上見識見識!

海底撈 8大頂癮服務 200人仔做皇帝?

「今時今日咁嘅服務態度,唔夠㗎!」劉華這句至理名言由細聽到大。不過一分錢一分貨,酒店服務固然好,不過消費三級跳。想俾一百幾十做皇帝,也不是沒可能。
這火鍋店的服務,早已被內地傳媒及客人稱為「肉麻服務」、「變態侍候」,晚晚2、300人等位是閒事。如此誇張,全因這裏提供一系列頂癮服務及娛樂,客人不論等位時或用膳後都可享用,加上侍應們打從心底的殷勤服務,對比香港有些皮笑肉不笑的面口,港人無不受寵若驚,甚至到達O嘴的境界!不知道屆時香港的分店,又有否這樣服務周全?

第1招 免費擦鞋

(圖片來源:海底撈官網)
你冇睇錯,等位等得耐,客人可享有免費擦鞋服務,1分錢都唔使俾。

第2招 免費美甲

美甲塗單色之餘,還有彩繪,多人輪候等唔切,可擇日再回來。傳聞曾經有人彩繪數次都不滿意,其他的客人睇到眼火爆,服務員還是耐心服侍,絕!

第3 招 小食任食唔嬲

等位等到飢腸轆轆,有餐前小食任夾唔嬲,青豆、水果、糖果、餅乾,分文不收,不怕你吃飽後少點菜,大方。

第4招 玩樂無窮

在等餐區有跳棋、象棋、啤牌等各樣紙牌遊戲玩,等位等咗成個鐘都唔覺悶。

第5招 等價交換

時間就是金錢,等位時摺紙鶴,摺得越多就換到價值越高的火鍋配料,如功夫麵、雙皮奶、羊肉卷等等,不想換吃的,可換現金¥0.5 /隻。

第6招 微型托兒所

設遊樂場讓孩子發洩精力,還有專人照顧,爹哋媽咪可以輕鬆用餐。

第7招 體貼入微

入座之後,侍應會提供膠套讓你套着手機;又分發橡筋、髮夾讓女士梳起頭髮;更設圍裙以免你弄髒衣服。

第8招 無條件退菜

眼闊肚窄唔小心叫多咗?如果20分鐘內沒有碰過,侍應會幫你退回,絕不收費。
海底撈火鍋
地址:羅湖國貿友誼路63號友誼城A座5-6樓 (顯示地圖)
電話:(0755) 8225 0991 / 8225 0992
營業時間:24小時
平均消費:¥200/位
網址:www.haidilao.com
備註:1.不設加一,收現金及信用卡
2.深圳其他分店:友誼路店(0755-8225 0991)、卓越店(0755-2389 0492)、南山店(0755-8656 9622)
3. 服務供應可能因應分店而有不同。

4. 據報海底撈火鍋已於油麻地的九龍行承租,開業時間待定。

香港18區美食有甚麼推介?

新假期編輯已經為你整合了香港18區美食指,其中包括尖沙咀、旺角、銅鑼灣等……即睇更多詳情。

香港有甚麼週末好去處推介?

香港18區都非常值得花時間好好探索,一家大細去暢玩的親子好去處、拍拖推介32大情侶好去處、落雨必去的室內好去處、慶生推薦20大生日好去處、新手必備19大靚景行山好去處、秋天戶外露營好去處…..