火鍋 控 3大必食:靚牛脊、黑毛豬、活海鮮 @Dining娜
火鍋 控 3大必食:靚牛脊、黑毛豬、活海鮮 @Dining娜

火鍋 控 3大必食:靚牛脊、黑毛豬、活海鮮 @Dining娜

(Presented by不倒翁)

我Dining娜係個不折不扣嘅 火鍋控 ,全港嘅 火鍋 店真係食過唔少,與其食任食又低質嘅 火鍋 放題,我比較鍾意食單點的,寧願揀每碟食材都係靚料同精緻嘅。作為 火鍋控,對3大必食:肥牛、海鮮同豬我有高要求。不倒翁係靚牛專家,一定滿足到我班嗜牛朋友;又自設魚缸,每日都有新鮮生猛海鮮運到;想食豬,估唔到佢哋都有西班牙黑毛豬,完全滿足我等嘴刁精。趁依家仲係凍凍哋,嗱嗱聲約齊班friends打番幾轉邊爐先!

火鍋 必食極品:手切靚牛、西班牙黑毛豬

做得愈專,自然就出到愈優質嘅出品,不倒翁亦唔例外,佢哋雖然有多款靚牛選擇,但最主力同店主推介嘅都係手切肥牛脊,脊位係頸位以下,雪花多而均勻,有牛味,肉質非常軟腍,焯到剛熟好鬆化;就算唔小心焯過龍,都唔會韌。另外都有手切肥牛邊位,即係頸側肌,質感較彈牙有口感。不過相比之下,我都係鍾意食脊位多啲!其他靚牛選擇包括牛脷托、金錢牛、頂級雪花肥牛,都各有捧場客;至尊牛肉船就最啱有選擇困難症嘅人。

不倒翁金牌手切肥牛(脊位)<br />
牛脊位油花分布均勻、香口,焯後牛味依然濃郁,軟腍而不失咬口。
不倒翁金牌手切肥牛(脊位)
牛脊位油花分佈均勻、香口,焯後牛味依然濃郁,軟腍而不失咬口。

食豬,識食梗係食西班牙黑毛豬。一般火鍋店好少見,呢度嚴選嘅係36個月Iberico黑毛豬,仲要只係揀肉嫩彈牙嘅肩胛肉眼位,咁刁鑽,我欣賞!焯熟之後,咬落食到好香嘅肉香同油花甘香。

西班牙黑毛豬(肩胛肉眼位)
Iberico黑毛豬雪花紋理媲美和牛,嚴選肩胛肉眼位置,質感超細嫩。

打邊爐最緊要除咗個爐,仲有湯底!不倒翁叫得做中日火鍋,真係有唔少中式同日式火鍋選擇,中式嘅有川芎白芷魚頭鍋、成都麻辣田雞鍋、花雕醉雞鍋等等;日式就有吟嚷花蟹鍋、日式咖喱海鮮鍋等,同大班friends食,我哋都鍾意叫1款傳統地道湯底,1款日式湯底。配料方面,超大隻嘅水餃王係推介首選,仲有手打魚滑、粉腸、金菇肥牛串都係 火鍋控 嘅必點熱選。

川芎白芷魚頭鍋
呢個滋補養生湯,建議先喝湯再打邊爐,幫助行氣活血、祛風散寒,冬天飲最啱。
成都麻辣田雞鍋
貫徹四川成都做法,加入辣椒、黑椒、大蔥等,麻與辣各不相讓,配牛、羊、豬食都夾。

 

鎮店水餃王
每隻包住2隻半鮮蝦,勁足料,而且爽口彈牙。

每日直送罕有生猛海鮮

好多女仔都鍾意食海鮮,我Dining娜當然都唔例外。不倒翁自設魚缸,每日都有新鮮海鮮到店,柯打時即叫即劏,無論係活劏刺身定火鍋配料,上枱時都係最生猛鮮味。除咗有加拿大頂級象拔蚌、南非孔雀鮑魚、法國生蠔、龍蝦等等,佢哋仲有多款罕有貴價海鮮,包括海花金鼓、大海蘇鼠斑、黃皮大海虎斑等等。女生就最鍾意食刺身,海膽、油甘魚、劍魚腩、帶子、牡丹蝦都係每日空運直送,新鮮度高。

加拿大頂級象拔蚌
即叫即劏,咁新鮮梗係推介刺身食法,不過亦可以打邊爐或椒鹽食。
南非特大鮑魚
每隻約3斤重,大隻到要兩隻手先攞到,鮑魚味濃郁,厚切食最爽!
自設魚缸,澳洲龍蝦、象拔蚌、南非鮑魚等即叫即劏,全部生猛肥美。

3大識食Hashtag

店主喺業界人脈廣,同多間活海鮮供應商好熟,所以能夠預留多款時令稀有嘅上乘海產。同時佢對火鍋靚牛有高要求,經過多番研究,發現脊位最滋味;近年更引入西班牙黑毛豬,令火鍋都可以食潮啲!

#靚牛 #活海鮮 #黑毛豬

 

不倒翁中日火鍋料理

尖沙咀店:彌敦道63號iSQUARE國際廣場23樓(2152 1166)(顯示地圖

佐敦店:佐敦道23-29號新寶廣場2樓(3526 0918)(顯示地圖

銅鑼灣店:勿地臣街1號時代廣場11樓1101號舖(3102 9363)(顯示地圖

備註:設加一,收現金及信用卡。

最新吃喝玩樂資訊