【泰滋味】星級泰廚創意 泰菜 ＠Dining娜

Photo：Issac（部分）

香港嘅 泰菜 店多的是，但要找煮法和味道正宗嘅，我Dining娜就會以有泰廚坐鎮為大前提。水晶晶泰國餐廳嘅星級泰國總廚阿朗，曾經喺九龍城1間著名泰菜店擔任廚師，經驗豐富；同時水晶晶全店嘅師傅都係來自泰國，風味一定夠地道。呢度嘅菜式以曼谷菜同泰北菜為主，前者走清新城市風，後者就充滿農村氣息，而且味道偏辣，各有特色，約埋一班朋友飯敘就可以試均唔同風味。

泰滋味海鮮 泰菜

泰國菜 着重食材新鮮，又鍾意用海鮮，加上泰廚愛用各式香料，帶出提鮮作用，所以海鮮係 泰菜 必點項目。例如新菜式燒鰻鰽配青芒沙律，阿朗就諗到將鰻鰽同青芒果呢個夢幻組合結合，鰻鰽魚味濃而爽滑，加入魚露燒完再炸已相當入味；青芒果拌入泰式沙律，酸辣醒胃。總廚話可單吃魚或沙律，又可以兩樣一齊食，清新酸味同魚香好夾，一味兩食，過癮！

而香茅沙律燒大蝦，大大隻虎蝦同秘製嘅香茅沙律醬汁同是主角，酸辣醒胃，係食主菜前嘅開胃菜。

總廚善於將各式海鮮混入不同香料烹調，帶出每種海鮮的鮮香味道，例如秘製咖喱大肉蟹，就可以食到最傳統嘅泰式風味；清邁椒鹽脆炸鱔竟然用炸嘅方法，香口、惹味程度出乎意料之外，讚！

泰式自創菜式

要在芸芸 泰菜 店中吸引到我Dining娜，心思創意一定唔少得，水晶晶多款自創家鄉菜式都好吸睛，阿朗話香港 泰菜 店少見嘅食材組合，佢都會試試結合嘅效果，燒鰻鰽配青芒沙律就係個好例子。仲有馬莎拉羊膝，係用唔常見嘅馬莎拉咖喱，用來燜羊膝，辣味少，但勝在夠香，我班少辣朋友都話啱食！

3大識食hashtag

泰國總廚不但鍾意在菜式中加入不同泰式香料，更對各香料嘅健康功效有深入了解，例如甲猜有驅風暖胃作用，可紓緩肚痛、腹脹；黃薑可驅寒化痰等，大家就可以食得滋味又健康。

#泰國總廚 #泰式香料 #健康

水晶晶泰國餐廳

地址：荃灣眾安街55號大鴻輝(荃灣)中心1樓103號舖（港鐵荃灣站A1出口）（顯示地圖）

電話：2952 3232

備註：設加一，收現金及信用卡

facebook：水晶晶泰國餐廳