廢青男女
廢青男女

50句女朋友金句!「 廢青男女 」拍住拖整惡搞短片

生活

廣告

拍拖過了保鮮期後,感情冷卻是人之常情,臨近情人節,除了行街、食飯、看電影,有想過搞搞新意思嗎?香港就有1對熱愛影片製作的年輕情侶,於上年11月開了facebook專頁「廢青男女 」,除了拍片惡搞男女拍拖之間的問題外,還不時針對城中熱話出片「抽水」,以搞笑貼圖配上精警的對白諷刺時弊,短短3個月就累積了8萬多個讚!

撰文:Michelle 圖片來源:「廢青男女

50句女朋友金句!「 廢青男女 」拍住拖整惡搞短片

適逢情人節,我們就重點地分享「廢青男女 」有關情侶的影片吧!男友們,你夠膽tag自己的女友看嗎?

1.【50句女朋友金句】

2人自稱為廢青,但廢青的創意一點也不廢!其中1段講述【50句女朋友金句】的影片有多達86萬人次觀看,吸引了不少有共鳴的觀眾留言和分享。

影片其中1個亮點,莫過於其連珠發炮嘅語速,節奏快又有趣,情人節準備好聽金句未?

 

 

2. 【5樣女朋友會嬲嘅事】

男朋友要留意啦,一不小心就要跪玻璃了……

 

 

為了更了解這個充滿香港特色的創作團體,我們特地聯絡了「廢青男女」,訪問一下他們的創作靈感及對於港式男女愛情的看法。

記者:首先想問創作意念,「廢青男女」的影片創作有不少內容都與男朋友女朋友情感有關,而看來有不少過來人感同身受而大大讚好。想問你們的創作靈感是怎樣來的?都是親身經歷嗎?

廢青男女:同男女朋友有關嘅片,創作靈感其實全部源自於我哋兩個日常生活發生嘅事。好似「50句女朋友金句」條片咁,都係平時經常會講嘅說話。我哋只因為鍾意拍片,所以先將平時相處會發生/遇到嘅事拍成短片分享一下,其實都冇expect過會有人睇。只不過原來咁啱有唔少女仔都會同佢另一半講嗰啲「金句」,所以先引起到佢哋共鳴。

記者:影片都是你們共同創作嗎?有沒有什麼特別的分工?

廢青男女:係啊,所有影片都係我哋兩個一齊創作。我哋嘅分工好清晰:一齊諗、一齊拍、一齊剪片、一齊睇超多次條片再作出修改,再一齊諗出post時打咩喺description,最後出完片再一齊覆下啲 comments同inbox messages。基本上所有嘢都係兩個百分百同意嘅先會出。

記者:男和女溝通一向都是世紀難題,不少爭論也因為溝通問題而來,你們覺得在香港而言算嚴重嗎?

廢青男女:我哋就覺得唔算嚴重嘅。其實唔少爭論都係大家有唔同想法啫,咁莫講話男同女吖,一啲好close好friend嘅同性朋友都一樣會有唔同想法啦。好老土講句,試一試喺人哋角度諗諗,互相尊重番各人都有自己對唔同事物嘅睇法,好多所謂嘅「爭論」都可以避免。所以,其實男同女溝通又唔算係個難題,只要唔好咁自私,好易溝通啫。至少我哋兩個都完全冇溝通問題。

記者:有想過因為這個系列改變什麼現況嗎?

廢青男女:其實幾條咁業餘嘅短片仔點會改變到啲咩現況啊。不過我哋有時見到大家會tag番自己另一半/朋友都會開心,因為可能條片帶到個話題或者一啲開心嘢俾佢哋一齊share下。至少有時可以俾大家喺咁緊張嘅生活入面輕鬆下。