情人節冧爆心形套餐 抵食頂級 1++韓牛 @Dining娜

下星期就到情人節，又係一年一度愛情大考驗嘅日子，唔知大家係咪仲苦惱緊點同情人慶祝呢？其實想氹另一半開心可以好簡單，好多女仔最想收到嘅唔係咩貴重禮物，而係男士們願意花心思為自己製造小驚喜嗰份誠意，不過我都明有啲人就係天生不懂浪漫，所以決定分享一間充滿小驚喜嘅餐廳，食到 1++韓牛 之餘又有花收，等大家可以喺今個情人節擁有韓式甜蜜回憶。

（Presented by 炑八韓烤）

情人節限定 心形 1++韓牛 套餐

所謂「橋唔怕舊，最緊要受」，心形牛扒呢招真係無分年齡國界都會被冧倒，以下要推介嘅「心形」二人套餐就啱晒喇！先講排場，餐廳所供應嘅韓牛一律直接從韓國入口，韓牛矜貴之處在於每隻牛都有專人打理，出生、飼養、屠宰、加工過程都有嚴格監管，而套餐包含嘅韓牛全部都達到1+及1++級別，即係韓牛中最頂級嗰種，肉味特別濃郁，油脂分布亦好均勻，食起嚟有入口即溶嘅感覺，歎住咁美味嘅韓牛個心已經溶咗一半。餐廳仲要刻意將生牛肉同芝士溶岩飯砌成心形，女仔見到點會唔冧爆？

套餐除咗有1++生韓牛肉伴雪梨、甕醃1++韓牛五花肉、1++韓牛西冷，仲有芝士溶岩飯、梨汁雞肉、秘製護心肉、大蝦、薄切五花肉同草莓塔，相當豐富！凡點選情人節套餐，餐廳都會為客人送上韓國大熱嘅小花束，細細紮夠晒方便，拎住行街都唔怕，仲可以氹到情人歡喜，成功加分！

其他精選美食

講起風靡香港嘅韓國美食，傳統界代表有醬油蟹，現代派就一定係炸雞。醬油蟹係餐廳招牌菜之一，味道偏鹹香，蟹膏份量都幾多，將飯直接放上蟹蓋撈埋啲汁同蟹膏一齊食，啖啖都係咁鮮甜，實在令人回味。至於女士們大愛嘅炸雞亦有幾款口味可以揀，炑八炸雞有分原味同甜味，大家仲可以選擇半隻或全隻；芝士控則可以揀炑八芝士炸雞，用熱辣辣嘅芝士粟米包住脆卜卜炸雞，夠晒惹味！

醬油蟹及醬油蝦均需要提早預訂，味道同樣咁鹹香鮮美。

炑八韓烤

網址：www.meokbang.com.hk
Facebook：meokbangbbq