真心推! 氹仔 人都讚的非葡菜餐廳 @Dining娜
真心推! 氹仔 人都讚的非葡菜餐廳 @Dining娜

真心推! 氹仔 人都讚的非葡菜餐廳 @Dining娜

發覺依家好多人過大海都鍾意去 氹仔 嗰頭食嘢,但食肆選擇實在太多,令人花多眼亂,唔少朋友出發前都會問我有冇心水推介,見詢問度咁高,我決定直接出post公開幾間私心推介嘅餐廳俾大家。放心,絕對唔會係大家已經聽過、食過無數次嘅推介,呢啲唔使我講上網search就搵到大把食評,今次反而想推薦幾間高質得嚟又有新意嘅餐廳,去澳門前必須熟讀!

(Presented by Unionpay)

相信大家都知澳門唔只建築帶有濃厚西方色彩,連飲食都深受歐洲影響,除咗為人熟悉嘅葡國菜,西班牙、意大利等歐陸風味菜同樣值得一試!

塔巴斯西班牙小館

西班牙係葡萄牙鄰居,菜式方面既有相似之處,亦有雙牙各自嘅特色,今次想介紹2間我呢期去親澳門都必食嘅西班牙餐廳。先嚟3層高嘅塔巴斯西班牙小館,塔巴斯明顯係Tapas諧音,餐廳希望提供一個舒適自在嘅環境俾食客一邊傾偈飲酒、一邊享用小食,所以裝潢上都比較活潑跳脫,偏橙紅tone天花牆身加上色彩艷麗嘅掛畫瓷磚,令人一下子就投入咗西班牙式熱鬧氣氛。除室內位置,餐廳3樓仲有個露台,喺度可以飽覽 氹仔 區景色,日夜一樣咁好feel。至於菜式方面,主打嘅一口Tapas當然冇得輸,但餐廳另外都有供應熱盤,全部都好足料,建議幾個朋友一齊share就可以一次試多幾款。

烤朝鮮薊配Idiazabal芝士多士 MOP75 朝鮮薊係種地中海植物,味道清清哋幾爽口,配埋Idiazabal芝士一鹹一淡,剛好互相平衡番。
烤朝鮮薊配Idiazabal芝士多士 MOP75
朝鮮薊係種地中海植物,味道清清哋幾爽口,配埋Idiazabal芝士一鹹一淡,剛好互相平衡番。
香煎智利鱈魚MOP288 鱈魚扒煎到表層金黃,裡面仲係嫩滑多汁,而且仲好厚肉,做法簡單但味道一流。
香煎智利鱈魚MOP288
鱈魚扒煎到表層金黃,裡面仲係嫩滑多汁,而且仲好厚肉,做法簡單但味道一流。
酒吧位置貼滿七彩瓷磚裝飾,eye-catch得嚟好有西班牙色彩。
酒吧位置貼滿七彩瓷磚裝飾,eye-catching得嚟好有西班牙色彩。

地址: 氹仔 舊城區木鐸街9號地舖
電話:853- 2857 6626
慳錢小貼士:以銀聯卡惠顧食品及飲品可享85折

唐吉柯德

如果話塔巴斯西班牙小館代表熱情奔放,咁唐吉柯德一定係沈實內斂。唐吉柯德設計特色係採用一室深啡色木,牆上都掛有好多同西班牙有關嘅畫,但色彩以monotone為主,整體感覺有種簡約古典美,好有西班牙小鎮啲家庭式菜館嘅風味。既然係賣溫馨,菜式當然係跟足地道手法烹調,各款傳統冷盤小菜、熱食小菜同經典西班牙海鮮飯(Paellas)都一應俱全,特別想讚一讚佢哋嘅貼心服務,有食過西班牙海鮮飯都知份量大到食得飽3-4個人,但呢度佢分咗2、3、4、6人份量,方便大家按人數或食量自行選擇,唔使做大嘥鬼,又唔怕食完個飯就食唔落其他嘢。

西班牙海鮮炒飯2人份 MOP180 食西班牙菜點少得大鑊飯,先唔講海鮮多到鋪滿飯面,淨係啲肉汁滲晒入飯底已經滋味無窮。
西班牙海鮮炒飯2人份 MOP180
食西班牙菜點少得大鑊飯,先唔講海鮮多到鋪滿飯面,淨係啲肉汁滲晒入飯底已經滋味無窮。
白酒煮蜆 MOP140 白酒煮過後味道更濃,而且可以提升蜆嘅鮮味,食完一又一隻,連汁都想用埋嚟撈飯。
白酒煮蜆 MOP140
白酒煮過後味道更濃,而且可以提升蜆嘅鮮味,食完一隻又一隻,連汁都想用埋嚟撈飯。
唐吉柯德走簡約路線,喺度開餐俾到人一種食住家飯嘅感覺。
唐吉柯德走簡約路線,喺度開餐俾到人一種食住家飯嘅感覺。

地址: 氹仔 舊城區巴波沙總督街30A-50號錦程閣地下D, E舖
電話:853-2882 5028
慳錢小貼士:以銀聯卡惠顧可獲贈Sangria或甜點(人頭計)

我的意大利廚房

跟住將焦點移過少少去到意大利,大家可能心諗咪又係意粉Pizza燴飯,咁就錯晒喇!邊個話意大利人只愛吸取大量澱粉質?如果你問當地人有咩係必食,其實牛肉、牛扒先係Top 1,尤其是Toscana地區,烤牛扒先係最具代表性嘅名菜。嚟到 氹仔 呢間我的意大利廚房就可以品嘗到風味正宗嘅烤牛扒喇,呢道菜最講究牛肉本身嘅鮮味同質感,因為燒烤過程唔會加太多調味,所以餐廳對各款肉類嘅品質要求都相當嚴謹,食咗咁多次從未失望,不過都知未必人人食牛,餐廳另有提供烤豬扒、烤豬肉,咁戒牛人士就一樣試到呢款地道佳餚喇。

豬扒拼意大利紅酒汁 MOP168 餐廳招牌菜之一,勁大件,驟眼睇仲以為牛扒,肉味相當濃郁,配紅酒汁亦會令到食落冇咁膩。
豬扒拼意大利紅酒汁 MOP168
餐廳招牌菜之一,勁大件,驟眼睇仲以為牛扒,肉味相當濃郁,配紅酒汁亦會令到食落冇咁膩。
特色芝士菠菜餡角配香草牛油汁 MOP112
呢款可以話係改良版意大利雲吞,事關層皮比傳統嘅薄,中間又爆多菠菜同芝士餡,食起嚟唔會覺得成口粉。
特色芝士菠菜餡角配香草牛油汁 MOP112
呢款可以話係改良版意大利雲吞,事關層皮比傳統嘅薄,中間又爆多菠菜同芝士餡,食起嚟唔會覺得成口粉。

地址: 氹仔 舊城區排角路6-12號泉福新村偉興閣地下AD-AF舖
電話:853-2882 7818
慳錢小貼士:以銀聯卡惠顧晚膳可享瓶裝酒85折

扒皇燒

無肉不歡者,接住要介紹嘅扒皇燒應該係你哋杯茶。一聽個名就知有啖啖肉食,的確,各款扒類菜式就係扒皇燒招牌菜,有豬扒、牛扒、三文魚扒、羊架任君選擇,仲要有唔同部位同味道可以揀,超大一份都只係平均百幾蚊有交易,好抵食!除咗扒餐,扒皇燒都有做沙律、漢堡包呢啲西餐食品,據聞佢哋漢堡扒全部係用新鮮肉製作,食落寧舍juicy,下次我都要試下先。

餐廳裝潢都係一般西餐格局,座位之間夠晒寬敞,坐得舒服自在自然胃口都好啲。
餐廳裝潢都係一般西餐格局,座位之間夠晒寬敞,坐得舒服自在自然胃口都好啲。

地址: 氹仔 舊城區地堡街47號泉福新村第2期第4座偉展閣W-X舖地下

電話:853-2882 7043
慳錢小貼士:以銀聯卡惠顧可享9折

金坂極上壽司 @新濠天地

人總有懶嘅時候,唔想行太遠多數選擇留喺酒店搵食,除咗自助餐,酒店入面其實都有好多優質食府可以揀。例如新濠天地嘅金坂極上壽司,雖然香港冇分店未必人人都識,但其實大有來頭,金坂係日本過江龍高級壽司餐廳,同東京總店一樣奪得米芝蓮星級榮譽,可想而知品質有幾Ichiban。澳門店同樣秉承總店嚴謹認真、一絲不苟嘅精神,食材經過精挑細選仲要產地直送,夠晒原汁原味,賣相亦係精緻到無可挑剔。晚餐有三個Set可以揀,我就每次必點$1,688嘅江戶前壽司Set,有齊握壽司、卷壽司、湯同生果,食材新鮮,一試難忘!

雜錦刺身,「和」、「真」呢兩個set仲會有刺身,夠晒新鮮,鮮味十足。
雜錦刺身,「和」、「真」呢兩個set仲會有刺身,夠晒新鮮,鮮味十足。
日本水果,每個set都會有一客日本水果,賣相一樣咁靚,滿足!
日本水果,每個set都會有一客日本水果,賣相一樣咁靚,滿足!
款款刺身都好肥美鮮甜,剛好覆蓋整件壽司,米飯又夠粒粒分明,Oishii~

地址:路氹城連貫公路新濠天地皇冠度假酒店1樓
電話:853- 8868 7300
慳錢小貼士:以銀聯卡惠顧晚市套餐可享9折

 

碌卡抵過俾現金!

大家願意睇到尾,相信都對以上餐廳感興趣,好啦,我就share埋終極慳錢秘技俾大家!喺澳門俾現金,往往都收你1兌1,即係MOP1 = HK$1或RMB 1,但用銀聯卡找數就係跟滙率,大概MOP1兌HKD0.97,滙率好,平過俾現金,加上本身嘅銀聯折扣優惠,完全係雙重著數,下次遊澳門你識點揀啦。

更多銀聯澳門餐飯優惠詳情,請瀏覽相關網頁

最新吃喝玩樂資訊