粉嶺MCL
粉嶺MCL

北區人喜訊! 聯和墟新戲院| 粉嶺MCL 長者早場$25+免費送戲飛

生活

廣告

北區人終於等到!由明天起, 粉嶺MCL 正式在當區插旗,是繼粉嶺嘉禾後,近幾年來北區第2間戲院。北區人捱了數年遊車河跨區睇戲,終於可在自己地頭消閒。 粉嶺MCL 新戲院位於粉嶺聯和墟附近的逸峰廣場,地點都算「就腳」,老友記更有早場優惠,$25就可入場,好過日日睇大媽舞啦!

撰文:Keith|拍攝:Scott

粉嶺MCL 北區近年第2間戲院

假日看套電影輕鬆下,相當普通。但對三十萬北區居民來說,卻難過登天。皆因北區近六,七年都沒有戲院,雖然嘉禾上年登陸,但只有兩個院,難以應付需求。很多居民要睇戲,仍要翻山越嶺般跨區,到最近的沙田市中心。有北區的居民表示「要睇戲會搭火車落沙田或旺東」,亦有人會搭巴士出觀塘、九龍灣,一來一回費時又昂貴。幸好由明天開始,北區居民就可在粉嶺聯和墟的MCL睇戲了。

影院細細 但夠高質

新戲院設在聯和墟的逸峰廣場,與港鐵站有一段距離,但地鐵站有車可到,約六分鐘車程。。但因在聯和墟,交通尚算方便。影院分三個院,合計285個座位。以較新的無機房影院及Stadium seating座位設計,很有空間感。現場有兩部自助售票機,趕買飛的話不用排餐死,十分方便。大家更可先用手機App買飛,入場前再「嘟一嘟」QR Code即可。而戲院亦用了杜比7.1音響,因影院不算大,聲效不俗。

長者早場優惠$25! 下星期一(23/1)免費送飛

院線更有新開張優惠,長者1:30pm前的早場只需$25,成人及學生則是$45。而23/1(星期一)更會免費派飛益街坊,排隊就可得到《NASA無名英雌》戲飛,每人2張。明天(21/1)起買任何可樂套餐,可免費獲得汽水儲物盒,即刻去睇場好戲吧。

MCL粉嶺戲院

地點:粉嶺馬適路1號逸峯廣場G12號舖 (顯示地圖)

查詢:www.mclcinema.com