首爾酒店
首爾酒店

韓國 首爾酒店 | 住明洞好伏? 記者推介住邊區更好

旅遊

廣告

去旅行揀酒店,當然要揀最就腳的。好似不少人去首爾,都會選擇入住明洞的酒店,但以為是首爾心臟地區就一定好?早前有Blogger力數住明洞5宗罪,大呻交通不算方便,落街更逼爆強國客,行街又淨係得大牌無咩選擇。呻完之後,不少網民都表示好認同,仲話住過明洞實無下次。作為韓國線的港女記者,在明洞以外,其實仲有好多 首爾酒店 心水推介!

text:yuki@港女講旅行 photo:新傳媒資料室、網上圖片

網民齊齊呻!住明洞5宗罪!

去首爾=行明洞,不少人都認同吧!不過作為住宿地點,明洞其實並唔稱得上是最好的,人多車多大陸人多,落街一定聽到國語;明洞站的交通不算最方便,去多個門旅遊點都要轉乘。繁忙時間想行去乙支路3街乘2、3號線,繁忙時間最少行15-20分鐘;行街淨係得大牌,小店選擇不多。港女記者一樣中過伏,試過夜晚11、12點落街,大部分舖頭閂晒門,餐廳選擇更是少之有少,夜鬼一族千祈唔好入住這區!所以記者次次出差,都唔住明洞,而是入住其他地區的酒店。

123
網民齊齊呻住明洞缺點!(Gotrip網民留言Cap圖)

閱讀:真係去邊都唔方便! 超中伏 住 明洞酒店 5大罪狀

明洞逼滿中國客,一落街就聽到通街國語,唔講以為身在內地旅行啊。
明洞逼滿中國客,一落街就聽到通街國語,唔講以為身在內地旅行啊。

#交通最方便-往十里

往十里是大站,總共有4條地鐵線途經此站,無論是往南向江南出發,或者坐2號線直達弘大、梨大市廳都好方便。唔想齋行街,仲有春川線直去九里、加平、春川等,四通八達! 03

v交通四通八達
v大多是3星經濟型酒店,價錢較便宜
x酒店集中在往十里站2號出口,酒店數目唔算多

酒店推介:Hotel Forestar (房價約$700/晚)
2016年新開酒店,夠新淨。記者住過1次,服務唔錯,房間設計好型,跟一向住開的商務房不同。落街距離車站5分鐘路程,方便!

一入酒店大堂已經好型啦!
一入酒店大堂已經好型啦!
房內空間不小,開喼後仲行到。
房內空間不小,開喼後仲行到。

#夜鬼最愛-弘大

同樣是旅遊旺區的弘大有不少街頭小食,而且不少餐廳都會營業至凌晨時分,建議夜鬼必住這區!而且在弘大掃貨多選擇,無論大牌、小店都有,星期六日仲有市集。

{"IPTC-DATA":"NMG","data":{"photoID":1947109}}

v餐廳選擇多,而且不少都開到凌晨2、3點,夜鬼宵夜精最愛
v酒店選擇多,貴價、商務抑或民宿都有,豐儉由人
x慎選酒店位置,避開臥山牛路一帶,夜晚唔使畀蒲吧人士嘈親

酒店推介: AMANTI Hotel Seoul(房價約$800/晚)
2016新開酒店,與購物區只有10分鐘路程,不會太過嘈吵。記者最欣賞它的房型夠多,有3人單床房,3人行都可以住埋一間齊齊玩。

呢口價有埋酒店泳池玩水,住弘大區,CP值高。
呢口價有埋酒店泳池玩水,住弘大區,CP值高。
房型夠多,抵讚。
房型夠多,抵讚。

#蒲精必住-新論峴

大部分去弘大區酒吧的,多數是大學生,直頭是韓版「旺角」蒲場。唔想齋同小鮮肉一齊玩,記者推介入住新論峴站一帶的酒店,夜晚蒲完只需10分鐘車程的狎鷗亭,去埋江南飲多round再行返酒店都仲得!

04

v酒店選擇多,唔怕full book捱貴房
v與酒吧區有幾街之隔,夜晚不會太吵鬧,蒲完坐10分鐘的士即返到酒店大覺瞓
x交通不算方便,去明洞、弘大等旺區需轉車

酒店推介: Hotel the Designers LYJ Gangnam Premier (房價約$600/晚)
住厭商務酒店,一定會鍾意呢間!房間設計夠型格,且位置極佳,正正在地鐵站出口附近,只需2分鐘路程!最重要的是房價唔算貴,每人$300蚊晚,CP值高。

酒店開業不過2年,記者去年入住時仲好新淨。
酒店開業不過2年,記者去年入住時仲好新淨。
房內空間略嫌較細小,不過一分錢一分貨啦!
房內空間略嫌較細小,不過一分錢一分貨啦!