平安夜限定│ 城巴88R 變開蓬巴士睇夜景│拍拖好去處

Q: 2023香港聖誕節有什麼好去處？

今年聖誕節，不少地方都推出了精彩絕倫的活動。例如，友邦嘉年華、迪士尼聖誕節...... 詳情請看 ；今年各區亦有 聖誕市集 、 、 聖誕樹 、 冬日美食節 等等。

Dec 22 2016

早前介紹過香港最浪漫的巴士路線─九巴53號線，情侶可以坐足兩個鐘睇靚景。最近記者發現到另一條聖誕節限定的巴士線城巴88R ，將於明天23及24 日平安夜，變身開蓬巴士！巴士由沙田開至中環，沿途會經過大老山隧道及東隧，更會走上觀塘繞道及東區走廊，一邊坐巴士一邊飽覽維港夜景，去到中環更可看到聖誕燈飾。今個聖誕限定兩日咋，快點帶女友去坐啦！

撰文：Keith │ 拍攝：Wyman

一年一次聖誕3日限定

聖誕拍拖去街睇燈飾又迫又冇新意？不如去坐巴士！有位坐又有景睇，更自成一角浪漫一下。但現行的開蓬巴士路線只限於市區行走及為遊客而設的H1及H2；以及只限早上一班、來往柴灣站及小西灣的82M。只在市區行走可以感受到風景不多，不過明晚及平安夜，城巴將安排來往沙田開至中環的城巴88R 變身開蓬巴士。但每晚只有2班，要坐真係要早點去排隊，因為座位相當有限，露天的只有44個。記者昨日(21號)率先試坐，當日已有大班巴士迷一早到場排隊，全車滿座，相信平安夜會更加爆滿。

吹吹風看維港靚景睇燈飾

城巴88R 於21、23及24號晚分別在沙田第一城及中環開出，價錢$19.5，當晚班次會經大老山隧道出觀塘繞道，再落東隧過海，再經東區走廊回灣仔及中環。88R站少，而且全程走天橋及隧道，高速行駛，坐在露天座上北風迎面而來，感受到極強速度感。最刺激是進入隧道一刻，風聲更強，加上跟隧道頂只有咫尺之間，好像一站起就會被撞到似的（當然是很安全的）。而最開心是在觀塘繞道及東區走廊上無阻隔看到維港夜景，去到中環更可睇到聖誕燈飾，相當應節浪漫。
巴士全程約50分鐘，但沿途靚景不斷，時間很快就過，是個不錯的體驗。