應節！呃Like食 聖誕魚生樹 ＋牛丼的光環|灣仔食乜好|
廣告
聖誕大餐還未有著落？不如潮食日式丼飯。日台大熱的兩層二段丼，今年聖誕推出 聖誕魚生樹 和天使牛丼。包大家見到都會心心眼，即刻攞電話出來影相！究竟兩個丼飯造型有幾特別，又幾搞怪？一於睇睇啦！
撰文：Ruby ｜ 圖片：Woody
勁應節！ 聖誕魚生樹
灣仔的「弘」去年把日台大熱的二段丼帶來港後，最近又有新搞作，應節出 聖誕魚生樹 。上層是近5吋高的刺身山，鋪滿魚生角切和香葱吞拿魚腩蓉，再以葱花、黃菊瓣、蟹子點綴，驟眼看，又幾似聖誕樹！最有趣是頂頂的星星蠟燭，點着後可以許願。
上層鋪滿三文魚、吞拿魚、池魚等海鮮角切和香葱吞拿魚腩蓉，魚生味道鮮甜，當中香葱吞拿魚腩蓉，青葱味中有魚油香。
下層凱撒海鮮丼，角切魚生拌凱撒沙律醬，再鋪上加拿大海膽、三文魚子和蛋碎，口感Creamy。當中有濃柚子香的廣島生蠔，爽口清甜最吸引。
柯打聖誕丼加$90可轉餐，包括味噌湯、日本雪糕和期間限定聖誕特飲，以士多啤梨汁、青檸汁和紫藍蝶豆花加上梳打調成，酸酸甜甜很開胃。
帶着天使光環的牛丼飯
天使丼，必令牛魔王開心。丼飯上鋪滿八至十片嫩紅半熟的牛肉、兩旁插上兩隻脹卜卜明太子釀雞翼，頂頂一顆蛋黃，還有洋葱圈扮光環，都幾貼題！食時拮穿蛋黃，撈飯口感更Creamy，吃牛肉時更可蘸上充滿香濃醬油味的燒汁，提升肉香。
選用日本宮城縣和牛牛小排，煎至五成熟，肉質軟腍。拌勻吃白飯滲滿蛋黃汁和牛肉汁，肉味香濃，適合食肉獸。
脹卜卜明太子釀雞翼，咬開明太子爆seed，微辣惹味。
上枱時還附上藍天白雲背景，搞怪趣味。
設開放式壽司吧枱，可看到師傅工作情況。
弘 CHIRASHI
地址：灣仔灣仔道221A地下（顯示地圖）
電話：2861 3001 / 6170 7774
營業時間：星期一至日12nn-3pm、6pm-11pm
備註：供應期即日起至１月中；設加一，收信用卡
香港18區美食有甚麼推介？
新假期編輯已經為你整合了香港18區美食指，其中包括尖沙咀、旺角、銅鑼灣等……即睇更多詳情。
