邪惡！放縱食！ 龍蝦芝士包 ＋抺茶炸雞 ｜尖沙咀食乜好｜

&feature=youtu.be

韓式 龍蝦芝士包 ：聖誕限定放縱食！

一向諗頭多多的韓國 The Joomak，推出一系列聖誕限定菜式。其中這盤 龍蝦芝士包 ，邪惡度爆燈！成磅重波士頓龍蝦，霸氣爬上聖誕樹，旁邊堆滿十串韓國炸物，一整盤上，吸睛度已爆錶。吃法也好玩，皆因有個4吋高厚多士，釀入熔岩芝士漿，吃時用炸串蘸來吃，濃郁芝士令口感滿足。

上有迷你聖誕樹是風乾4小時炸得薄脆的羽衣甘藍，以紅石榴子點綴扮小燈飾。炸串有肉汁豐富的雞髀肉、煙韌的年糕條、爽甜的翠肉瓜和洋葱圈。

四吋半高的厚多士，內裡釀滿車打、水牛芝士和忌廉，用炸物蘸來食夠滿足邪惡。

龍蝦不作調味，只簡單白烚，上桌前先塗上泡菜和水牛芝士焗香，泡菜的微辣、芝士的鹹香，食落更惹味。

抺茶炸雞＋玩味Shake shake cocktail

餐廳走Fusion 路線，所以不少菜式味道配搭，都只此一家，最出名有卡邦尼年糕和炸雞。本月就推抹茶炸雞，外脆內嫩，一咬肉汁爆瀉，配抹茶酸甜蛋黃醬，入口似微甜的抹茶朱古力，出奇地配搭！此外，還有黑蒜炸雞、DIY 藜麥拌紫菜飯，連木盒上的原個雪耳都有，真的可以過一個奇妙聖誕節！

炸雞肉質腍滑，肉汁豐富，炸皮厚薄適中，加了麥片碎更香口。配上甜酸微稠的抹茶醬，味道酸甜，醒胃。

原盤送上。底層是白飯加紅、黑兩色藜麥，再以醃蘿蔔和紫菜碎鋪面。每碗可搓到八至十個乒乓波大的飯糰。

不想搓飯糰，亦可簡單匙羹拌勻來吃。

上桌時柚子汁、橙汁、甜酒會跟梳打水分開上。

自己將果汁和甜酒倒入搖酒器，然後搖搖搖，自製Cocktail。

把調好的Cocktail倒入酒杯，一飲，富香濃柚子和橙香，酒味清淡，適合女士飲用。

木枱、鐵凳，走工業風路線，還有大玻璃窗，可看聖誕燈飾。
推介菜式（2人份量）
龍蝦熔岩芝士包拼盤 $588
抹茶炸雞 $138
藜麥拌紫菜飯 $78
柚子•韓Shake $128
Total：$932，平均$466/位

The Joomak
地址：尖沙咀海港城海運大廈三樓LCX 34號舖（顯示地圖）
電話：2111 0851
營業時間： 12nn-10:30pm
備註：設加一，收信用卡
延伸閱讀：
暖笠笠！甜甜地！ 紅豆沙火鍋 |尖沙咀食乜好|