帶住BB肌去旅行！去外遊必跟4大護膚法則＠Miss Sunny

Dec 19 2016

超期待的聖誕新年年假is coming！只要請3日，就連放10日假！又係旅行好時候，你plan咗去邊？去日本賞雪？去首爾shopping定係去東南亞、澳洲過個熱辣辣聖誕？無論去邊度旅行，都要跟足旅行護膚4個法則，等肌膚保持幼嫩如BB！

Presented by：Barrier Repair (部分圖片來源：Instagram、Pinterest)

1.多飲水

去旅行梗係瘋狂飲飲食食，去台灣要飲奶茶、凍茶，去日本勁試古靈精怪便利店飲料，去Bangkok就要啤啤佢！水？邊得閒飲！其實水係肌膚健康嘅最佳養分，有充足水分去滋潤身體器官，保持身體排毒運作正常，打好個皮膚底子！

2.徹底潔面

去旅行由早玩到晚，長途跋涉、攀山涉水，景點排得密密麻麻，皮膚自然會不知不覺間滿佈污垢灰塵，所以返到酒店記得要徹底清潔肌膚，將每個毛孔清潔乾淨，先可以吸收之後塗抹嘅護膚品養分，保持住肌膚健康細緻！可以嘅話，搵個小瓶子，帶啲面部磨砂來個大清潔，將污垢徹底清除。

3.勤敷面膜

要有BB肌就唔可以懶，唔好以為面膜「周圍有」，去到目的地才掃貨，要知道機艙內環境超乾燥，稍一不慎，較易敏感嘅肌膚有可能因乾燥而引起痕癢！所以喺航程中補水，是旅行護膚嘅重點。由於保濕噴霧唔可以帶埋上機，一片保濕度強嘅面膜就是你嘅救星，上機時最好唔好化妝，稍加清潔後便敷一敷，既可紓緩肌膚，又能補水，一舉兩得！Barrier Repair嘅水凝啫喱保濕面膜系列與升級版嘅高滲透補濕面膜就係旅行嘅保濕孖寶，帶多幾片去交替使用，實行帶住BB肌去旅行！