芝士咁多款點分？一文簡單了解5大分類＋9種常見款式 ｜食是食非

撰文：Jacky｜圖片：Wyman

5大類芝士 分類你要識！

其實大家食過的芝士又豈止一兩款？原來芝士還可以根據含水量和做法分成5類！

鮮芝士

新鮮製成的芝士，沒有後期加工或陳年，水份最多，呈忌廉狀，最多只能保存一個星期。

1. Mozzarella

源自意大利南部，以水牛奶製成，滑溜煙韌，通常切片配番茄食用。加工製成的芝士條為不少Pizza及韓食所用，營造拉絲效果。

2.Mascarpone

源自意大利米蘭的西南部，呈奶白色，質地鬆散，味道帶小酸，為Tiramisu的主要材料。

3.Cream Cheese

概括統稱，混入忌廉製成的芝士，因成分比例差異，口感味道而有不同，多用來做芝士蛋糕。

軟芝士

熟成 3-4個星期， 因質地柔軟，多以盒子包裝，跟鮮芝士不同之處，在於表面附帶的外皮（Rind）。

4.Camember

以法國北部Normandy的小鎮命名，表面鋪滿白黴，外皮柔軟，質地Creamy。

半硬芝士

熟成多為3-6個月，外皮色澤較深，質地較軟芝士實，但富彈性。

5.Cheddar

英國最著名的芝士品種，源自西南部的Somerset，鹹香味突出。亦會用作加工的切片芝士。

6.Raclette

源於瑞士，慣常做法會將表面燒溶，再以刀掃上菜式或是熱狗，造成「芝士瀑布」。另外亦會配上Emmental製作芝士火鍋。

7.Emmental

經典的芝士孔卡通造型，同樣源於瑞士，曾有報道指這些圓孔，是由意外混入牛奶的乾草粒子形成。常用於芝士火鍋或夾三文治。

硬芝士

熟成6-24個月或以上，水份最少，質地堅硬，味道最濃厚。

8.Parmesan

源自意大利，鮮味為芝士中最濃厚之一， 廣泛用於意粉、薄餅、Risotto。高級版叫Parmigiano-Reggiano，多用來配紅酒。

藍芝士

芝士加入青黴發酵而成，形成獨有紋路，味道極其濃烈，是芝士中的榴槤。

9. Stilton

源於英國東部， 乃皇室御用食物， 藍綠色大理紋遍布整塊芝士，香氣刺鼻，多配以西芹或啤梨，或是塗上麵包食用。與法國Roquefort 及意大利Gorgonzola並稱三大藍芝士。

芝士5大迷思
逐一解答！

1. 所有芝士可以陳年？愈耐愈貴？

只有硬芝士才適合陳年，因需要花時間及人手打理，價錢相應提升。然而芝士的價錢亦會受材料，製作工藝以及季節等因素影響。

2. 原個跟加工芝士的分別？

原個芝士多由未經消毒的奶製成，味道質感會隨年月發酵而變化。而加工芝士則經過消毒，並加入麵粉、牛奶、色素、味精等添加劑。購買時可留意是否有已消毒（Pasteurized）的字樣及詳細成分，以作辨別。

3. 芝士外皮（Rind）食唔食得？

視乎芝士種類，如軟芝士，外皮大都經過細菌發酵或水洗等特別處理，從而造出獨有口感，必食。然而半硬、硬芝士的外皮，多由紙、蠟質製成，就不建議食用。

4. 芝士應該怎樣存放？

未經加工的芝士會持續發酵，需要「抖氣」，切忌用密實袋盛載。建議以保鮮紙包裹放入雪櫃，再放一杯水在旁，以防水份被抽乾。而加工芝士則連包裝放入雪櫃即可。

撰文：Jacky｜圖片：Wyman