冬至
冬至

今年 冬至 食乜餸? @DINING娜

Article

廣告

(Presented by Amoy)

所謂「冬大過年」,做冬梗要食得夠豐富,所以大魚大肉、煎炸炆燉在所難免,點先可以食得健康啲? 不如跟營養師學下點樣健康做冬。

住家菜都會鹽份超標

仲有唔夠一星期就到 冬至 ,唔少人都會選擇返屋企做節食飯,菜式應有盡有,好似冬菇蠔油炆五花腩、炆豬手、臘味糯米飯、黃金蝦咁都係冬常見冬至菜,係就係惹味,不過鈉含量都唔惹少……

 

資深營養師吳耀芬(Kathy)指出,吸收過量鈉唔只容易水腫,仲會增加腎臟負擔,最嚴重係會增加患高血壓風險,甚至引致中風。

講到咁恐怖,唔通以後煮餸真係最好1粒鹽都唔落,要清一色白烚清蒸咁灰?

冬至 住家飯,點食先健康?

又唔洗咁極端嘅,揀啱食材同調味料一樣可以食得好又食得健康。雖然香港對高鈉食物並冇特別定義,但根據世衞建議,每人每日唔應該攝取多於1茶匙鹽,即是約2000毫克鈉質。每日得1茶匙咁少,一唔小心真係好易中招,唔想貪一時口腹之慾換來一身病痛可以記住以下幾招!

一、少食醃製同加工食品,多選擇新鮮食材,例如用番茄取代茄醬,或者用香草、蒜頭做調味料,都有助減少鈉嘅吸收。

二、飲足夠嘅水排出多餘鈉質同廢物;海帶、紫菜、毛豆呢類高鉀質蔬菜可以降低體內鈉含量,多食無妨。

三、多醬汁嘅菜式通常鹽量較高,出街食飯時要盡量避免,可以嘅話主動要求「少鹽」、「少汁」、「走味精」。

四、煮餸時用成份天然嘅調味料,最好冇防腐劑同人造色素。依家坊間有唔少醬油都推出減鹽配方,食起嚟會比傳統醬油更健康。

 

講咗咁耐,究竟今個冬至應該煮咩餸?依家就送個簡易健康食譜俾大家參考~

鮑魚雞鮮枝竹扎

材料:
仿鮑魚片8片、去皮雞脾肉115g、鮮冬菇(中型)4隻、鮮枝竹2條、灼熟菜芯6棵、灼軟韮菜8單條

雞肉醃料:
蠔油1茶匙、豉油1茶匙、胡椒粉少許、粟粉1/2茶匙、生油1茶匙

冬菇醃料:
蠔油1茶匙

芡汁:
蠔油1 1/2湯匙、豉油1茶匙、步驟4汁液加水共7湯匙、粟粉1茶匙

做法:

  1. 雞脾肉切成8片,加醃料拌勻。每條枝竹切成4段。
  2. 鮮冬菇用濕布抺淨,用油煎至軟身,盛起,切成8件,再加醃料拌勻。
  3. 鮑魚片、雞片、冬菇放上枝竹並捲起,用韮菜扎實,排放碟上
  4. 大火隔水蒸6分鐘,倒去碟中汁液留用。
  5. 把灼熟菜芯排放在枝竹扎旁邊,煮滾芡汁淋上即可。

 

資深營養師吳耀芬(Kathy)
Kathy是中大食物及營養科學學士、港大心理輔導學碩士、認可身心語言程式學(NLP)導師和催眠治療師,常出席電視報章營養專訪,及撰寫專欄文章。她以「身營心營」為信念,幫助城市人快樂修身。