地底探險記@為何斯德哥爾摩沒有譚仔三哥
地底探險記@為何斯德哥爾摩沒有譚仔三哥

地底探險記@為何斯德哥爾摩沒有譚仔三哥

▼聽講最近Stockholm鐵路開緊條新線,將於2017落成。
呢條線將會跨越Stockholm三個鐵路站,當中更有部份係喺海底㗎添。

呢個星期唔知點解咁啱有開放日,程至美係咁話今日唔睇以後冇機會睇架喇!
雖然我真係冇乜興趣,不過都陪佢去下啦。

sodratunnel2

果日下晝一點比程至美趕起身(係,又趕),因為個參觀時間去到下晝三點就完。
一出門口凍到pk,明明早兩日先風和日麗,果日無啦啦好大風,又落雨C濕,跌到得番3-4度左右。

我地搭左地鐵去最近既站再行過去排隊,點知一出地鐵站無耐就見人龍,非常壯觀,好耐都冇見過咁多人喇我。

▼呢張圖係岩岩開始係天橋果陣影,打曬蛇餅。

sodratunnel1

▲等左大概45分鐘,好多人已經頂唔順走左。
我地最後最後等到所有腳趾痺曬之後,終於到入口喇。

sodratunnel3

▲個入口真係好探險feel喎,其實我有一刻懷疑過係咪主題公園黎。

 

sodratunnel5

▲著左螢光衣同戴曬頭盔就開始行喇,著左好裝備之後,在場個個望落都好專業。
地底入面好凍好寒,而且好大陣泥土味,作為迷信港女我依然形住地底有鬼,一路行一路驚。

sodratunnel6

去到呢度見到D起緊既火車軌,個個都慨嘆好型好壯觀,我則暗地幻想如果突然有火車駛入黎就pk。

sodratunnel4

▲在場好有多展板,講解有關工程。(個路人阿叔著左營光衣同頭盔,望落真係好專業。)

sodratunnel7

▲各位觀眾!
行完一大輪終於到我最期待既一part喇!
排左隊咁耐,風吹雨打,又地底咁耐又大塵又盛,終於等到大會免費供應既熱咖啡同甜包喇!
開心曬,不枉此行,下次見喇。

延伸閱讀:三男三女北上尋歡之旅@為何斯德哥爾摩沒有譚仔三哥

最新吃喝玩樂資訊