Gathering 長勝攻略！5大最hit聚會餐廳

Text: Dining娜

朋友，係要見嘅！尤其嚟到年尾，Whatsapp唔少group都開始響起 Gathering 鐘聲~不過冷冷一講到去邊食飯，個group又開始靜返晒……我明，我明呀。所以，為咗大家有個Merry Christmas，我決定同大家分享一下我嘅top secret——5大最啱大家gathering嘅餐廳！

對於適合gathering嘅餐廳，我嘅宗旨係，食之餘，最好仲要有著數！最近Asia Miles同咗唔少唔錯嘅餐廳合作，累積食夠$2500，仲可以用$1賺1里數添~ 搞手們，快啲睇落去喇！

1) 靚景行先 —— Al Molo

如果同班friend撞正聖誕gathering，想睇燈飾同時食好啲？介紹返，海港城嘅Al Molo地理位置可謂無得頂，居高臨下望住維港海景同燈飾，真係靚到dum一聲呀~ 不過呢間餐廳絕對唔係剩係食景嘅，菜式一樣滿分！餐廳同紐約的意大利菜廚王Michael White合作，鍾意食意大利菜嘅你一定要朝聖！

2) 飲飽食醉 —— Beerliner German Bar & Restaurant

如果你同班friend都係麻甩系，gathering又點可以無酒！尤其係德國啤酒，一定係must-have啦！Beerliner剩係啤酒都有成十幾款，配上多款正宗德國菜，好似鹹豬手啦、腸仔啦、麵包啦……包你同班「酒肉」朋友（I mean 鍾意酒同肉咋）一定會嘻嘻哈哈咁過返晚！

3) 精緻之選 —— Classified

精緻西餐，可能大部分人都會覺得比較適合date night，Gathering好似唔駛咁fancy咁~ 但其實好似Classified咁環境靚、嘢食又靚，可以影相呃like嘅餐廳，係basically啱晒所有人口味！ Classified每間分店都有唔同主題，裝潢夠晒別緻，加上burger、意粉、all day breakfast等輕盈菜式，真係有種置身外國cafe嘅感覺呀~

4) 家庭至上 —— 隆濤院

Gathering唔一定要同friend嘅，同屋企人食飯一樣咁開心！要就晒所有人口味，最好就係食中菜~ 隆濤院最出名就係重新演繹咗傳統港式菜餚同埋各式各樣經典點心小食，高質又精緻；主廳嘅裝修仲糅合咗舊香港茶樓的獨特風貌同英國皇帝喬治四世推崇備至的中國風添，無論老人家、大人、後生仔同小朋友都一樣食得咁開心呀！

5) 識玩一定home party ——foodpanda

要玩到最顛最喪，梗係喺屋企開party啦！喺屋企都唔怕無好嘢食㗎，嗌foodpanda一樣正！仲可以同時食多種唔同菜式添~

後記

除咗呢5間餐廳，由即日起至12月31日，去亞洲萬里通夥伴餐廳累積食夠$2500，仲可以用$1賺1里數添~ 隨時儲埋儲埋，下個大假就可以飛多轉日本喇~ 我嘅gathering攻略，係咪好有用呢！