Glamping
Glamping

聖誕好去處 ! 嘆住靚景 Glamping 玩足兩日+ 暖笠笠燒烤 @ Travel佳

旅遊

廣告

冬天一到,節日多節目多,梗係想一大班朋友食到暖笠笠,嘆住靚景玩返晚!不過,邊有咁多假出國去旅行喎……我Travel佳就話,香港旅行都一樣得!趁住周末,不妨去試下外國流行 Glamping (豪華露營)啦! 對住靚沙灘食住燒烤大餐,一大班朋友歎住暖氣豪華營屋,夜晚開埋漫天星星燈談心,氣氛夠晒warm,幾凍都唔怕!

住邊?大型野營屋 豪華配套設暖氣

主要提供露營服務嘅浪高長岸,有不同大細嘅野營屋。野營屋內設床褥(可另要求鋪床鋪),有分4人6人及8人營屋,野外開Party、玩通宵都一流。營幕除咗可以打開同大自然全接觸,怕凍怕蚊嘅話亦可以拉低帳篷,享受營內豪華設備 – 睡墊、吊燈、冷暖氣,有埋充電頭,玩兩日身心同手機都充爆電!設備咁齊全,露營時唔會汗流浹背,唔怕寒風刺骨,更加唔怕手忙腳亂。適逢聖誕,野營屋仲有聖誕佈置,加埋藍白色嘅星星燈,有節日感覺之外,夜晚談心更溫馨!

營屋空間大,室內傾計有暖氣,唔怕寒風。
營屋空間大,室內傾計有暖氣,唔怕寒風。
5a1f4099-9267-48c0-9fc5-35e95b8aa73d
一大班朋友開聖誕Night Party,開埋星星燈,特別歡愉。
11
冷暖氣四季供不停。
12
獨立洗手間都走園林風格。
19
營地內亦附吊床,午睡一流。

 

小朋友亦可親親大自然。
小朋友亦可親親大自然。

營地範圍大,散步亦可。

有咩食?暖胃燒烤慢慢歎!

套票包食包住包玩,燒烤由店主為你提供豐富燒烤晚餐。食材包括: 法式麵包、凱撒沙律、雞翼、德國大肉腸、豬排骨、厚切鹽燒牛扒、魷魚、魚蛋、紅腸、粟米以及金菇等,又食又玩,兩手fing fing就可以輕鬆玩兩日,勁抵!

燒雞翼,人人鐘意食!
燒雞翼,人人鐘意食!
6
套餐各款食物齊備。

點比錢?兩日一夜抵過出面任食燒烤 !

講咗咁耐,究竟燒烤加Glamping收費點計?最近冬日套票做緊優惠,同朋友除開每人收費$380 – 624,價錢隨營屋大小而定。呢個價錢已包括燒烤同當晚住宿及任玩中心遊樂設施,計計吓,兩日一夜仲抵過出面幾百蚊任食燒烤幾個鐘啦,性價比高!

7
聚餐加露營體驗,實屬大人小朋友旅行之選。

仲可以玩啲咩?桌球耍樂+ 長沙泳灘水上活動

營地嘅服務中心新增遊樂設施,一大班朋友可以去桌球枱上一決高下,爭做桌球天王!另外,營區設有滑梯、彈床,唔怕凍既朋友們仲可以進行水上活動,So Easy!除咗滑浪板、人體沖浪板,仲有印第安獨木舟和滑浪風帆等!更有現時非常流行嘅巨型Monster SUP(7人單槳直立板)及沙板,玩到黃昏睇埋日落,美景呀!冬天凍到震,營地仲貼心設有熱水淋浴設施,唔洗擔心玩完海水之後身體又凍又「立黐黐」。

4
服務中心內設桌球設施。
8
園內亦有兒童遊樂設施。
9
彈床夠大,大小朋友都玩得!
JENG
冬天係凍,但無阻玩水上活動!
SS
睇埋日落仲得!

同場加映:營區附近配套多!士多+異國風情餐廳樣樣齊

其實長沙泳灘有各式嘅餐廳、士多、特色小食店,極具異國風情,除左有各式日用品賣之外,仲有唔同嘅零食,買定夜晚充飢都好方便。Glamping一早起身食咩好?可以去營地嘅服務中心旁,充滿地中海風情嘅Long Coast CAFE歎個美式早餐!唔啱口味?港式早餐,公仔麵、三文冶、各色小食樣樣有! 而近長沙泳灘咁多間餐廳之中,小記就覺得Lantana by Brian最有特色,食物水準頗高之餘,仲可以對住個沙灘嘆返個午餐又或sunset dinner,簡直置身外國一樣!

Long Coast CAFE,美國風情!
Long Coast CAFE,美國風情!
美式早餐,對住個海食勁好feel!
美式早餐,對住個海食勁好feel!
Lantana by Brian ,對住海景食意菜。
Lantana by Brian ,對住海景食意菜。

 

任揀一間餐廳,行兩步就係靚沙灘,美景美食加埋無得彈。
任揀一間餐廳,行兩步就係靚沙灘,美景美食加埋無得彈。
15
附近士多各式貨物齊備,入定貨,深宵肚餓都唔怕。

 

d


浪高長岸
地址:香港大嶼山長沙下村29號
營業時間:星期一至五:上午十時至日落;星期六、日及公眾假期:上午九時半至日落
價錢: $380-624/每人
預定電話:2980 3222/ 8104 6222 預定電郵 :[email protected]
網上預定:http://bit.ly/2h4VwFi
網址:http://longcoast.hk/?lang=zh-hant