台灣大旱要制水 邊個最高興?!@杜遊珍

博客

廣告

每年3月尾4月頭,台灣機票都會大劈價,幾間航空公司互相競逐最低價位,做Booking 嘅朋友仲忙過轉茶市嘅快餐店員工,阿珍最入腦嗰個「$689出走價」轉眼就畀人斬咗個頭,截稿前華航報價$550仲可以Open Jaw,台灣粉絲就最開心!

4月實施 局部制水

由於本文出街時多數優惠已經到水尾,所以阿珍就寫下落地後嘅話題。月頭阿珍去咗一轉台灣,睇到「乾掙掙」嘅日月潭,媒體不斷討論話題就係「大旱、缺水」,4月1日開始,甚至要實施十一年以來首度「民生限水令」,好在主要制水地區未算係遊客熱門地,集中在新北市以南: 板新、桃園、林口等地區,五日停兩日供水,都好陰公,尤其係區內餐廳飯店就最頭痕,有火鍋老闆都話要唞唞。

極端天氣 陸續有嚟

阿珍問過喺台北、台中都有開平價旅館嘅新驛高層魏先生,佢忽然化身氣象專家,好宏觀咁話近年台灣地區降雨量好唔平均,乾旱只係前奏,最慘係「強降雨」集中喺某幾個地區同月份,翻譯成廣東話即係「一係唔落、一落就落到路浸爛」!

節約用水 慳啲啦你

作為酒店業,魏先生就表示旗下旅館已經透過獎勵措施呼籲住客節約用水,例如「續住毛巾不換洗可提供住房折扣優惠」,又或者送贈小禮品。幸運嘅係最近落咗幾場春雨,旅客肯定唔會無涼沖,不過大家都要節約資源啦!

pic
撲到5、6月平機票嘅朋 友,唔好睇見旱情新聞就諗 住曬到龜裂,極端天氣唔係 講笑,落起暴雨上嚟,又會 係另一個困局。