【自助餐放蛇起底組】尖沙咀$158 香辣雞煲 +火鍋任食 送點心+紅棗糕+自家煲涼茶

天氣凍凍哋,又蠢蠢欲動想食雞煲啦!今次記者帶大家來到尖沙咀嘆盡 香辣雞煲 和任食火鍋, 雞煲超惹味,大件多肉,食完加湯打邊爐又有安格斯肥牛和爽彈的手打丸,還有點心和甜品拼盤,2小時內喪飲喪食都是$158,即刻去片睇下質素如何!

撰文、攝影:放蛇組

香辣雞煲 超惹味:雞件大件+濃味醬汁

$158包雞煲、火鍋、點心和甜品,任食兩小時,不限時段。首先上枱的是雞煲,會有店員在你面前加熱後再快炒,這個時候已經聞到超香的醬料味道,然後店員會把雞煲蓋上焗一會就食得。兩人約有大半隻雞,雞件大件多肉,肉質完全不嚡,而且醬汁好濃味,就連旁邊的洋葱、蒜頭等都很香口。食雞煲時送上了一籠點心,當日有鮮蝦粉果和潮州粉果,兩者外皮均很煙韌,而鮮蝦粉果的蝦肉超爽彈,而且超足料,非常有口感。

香辣雞煲

不過一坐下立即發現枱面有少少食物碎屑未清理好,略嫌有點骯髒呢!

螢幕快照-2016-11-21-下午02.28.04

雞煲上枱時店員會炒幾下,再焗一會就食得。

DSCF5699

兩個人約有大半隻雞,雞件多肉,而且肉質剛好,不會嚡。最重要的是醬汁夠香濃,應落了頗多香料。

DSCF5715

會送一份點心拼盤,當日的是鮮蝦粉果和潮州粉果,非常足料,外皮煙韌好食。

火鍋拼盤:必食手打丸

食火鍋時會送上一盤火鍋雜錦拼盤,有安格斯肥牛、中山脆肉鯇、竹串海生蝦、手打牛丸、鮮蝦丸、墨魚丸、鯪魚丸、即包餃子和菜籃,放得整齊,賣相不錯。另外亦可劃紙仔叫火鍋配料,有牛、豬、雞肉、脆鯇、手打丸、菜和麵等,選擇大路,可惜沒有海鮮呢。

DSCF5767

食完雞煲後會送上一set火鍋拼盤,有安格斯肥牛、海蝦、脆鯇和手打丸等,可惜安格斯肥牛和海蝦不能再任點,其他的都可以再落order任叫。

DSCF5801

海蝦肉質結實,幾新鮮。

DSCF5795

手打丸類有牛丸、蝦丸、墨丸和鯪魚丸,每款均爽彈,好有口感,必食!

螢幕快照-2016-12-05-下午09.44.39

有肉類、丸類、菜和麵等可任點任食。

DSCF5806

肉類除了有美國肥牛外,亦有日本黑豚肉和黑草羊肉片。

DSCF5840

肉片切得超薄,薄到透光!

DSCF5846

羊肉肉味濃郁,有咬口,如果你愛吃羊羶味的,這款一定要試。

2螢幕快照-2016-12-05-下午09.47.29

上火鍋時會附上調味架,不過店員忘了拿給我們,提醒後亦很快補回。

記住叫甜品:超煙韌紅棗糕

吃完火鍋,記得要叫店員上甜品,有其他客人無食到便結帳走了,店員亦無多加提醒。放蛇當日有凍椰汁糕和熱紅棗糕,紅棗糕超級煙韌,好難切開,帶紅棗的清甜,不錯。飲品有各款汽水任飲,還有自家煲製的雞骨草茶和羅漢果山渣,羅漢果山渣酸得來很開胃,飲得出沒有加糖!而汽水櫃旁有個大冰桶,超不起眼,但原來裡面是有罐裝啤酒,不要錯過!

DSCF5851

當晚的甜品有椰汁糕和紅棗糕,不過見到旁邊大枱有桂花糕,看來都是隨機發放。

DSCF5724

有汽水可任飲。DSCF5726

還有自家煲製的涼茶。

1螢幕快照-2016-12-05-下午09.46.54

飲品櫃旁邊有個大冰啤着啤酒,好易看漏眼呢!

DSCF5757

羅漢果山渣夠酸,帶甘甜。

總結:一共有點心、雞煲和火鍋三款食物,火鍋配料都是大路選擇,如果有海鮮就好啦!雞煲的味道不錯,香辣惹味,其他火鍋料亦有水準。只不過環境似酒樓格局,一入座枱面都未抹乾淨,有點頹;服務方面亦有小甩漏,但店員們都很有禮貌。而記者是平日去試食,約7-8pm都已經全場滿座,好受歡迎。價錢方面,$158可以任食2小時,但是夠鐘後亦無人請我們離座,可以坐多一小時……

一句到尾:係抵食嘅!

DSCF5777

DSCF5867

食力點心·雞煲專門店

地址:尖沙咀彌敦道81號喜利大廈地庫(顯示地圖
電話:2661 2638

點心‧雞煲‧火鍋供應時間:6pm-00:30am

收費:$158 (兩位起)
用餐時間:2小時

備註:收加一

 

延伸閱讀:

【自助餐放蛇起底組】荃灣限定 板長 放題!$198食90分鐘~刺身+鬆化羊架+綿滑蟹粥

最新吃喝玩樂資訊