沖涼豆知識
沖涼豆知識

日本制霸︰冬天唔爆拆4招美肌 日本妹 沖涼豆知識

旅遊

廣告

皮膚乾燥爆拆到身痕未?入冬後,油脂分泌少,唔止塊面甩皮,全身都太乾燥,痕到爆。原來皮膚乾燥 ,好多時係因為你唔識沖涼!一向要靚唔要命的日本妹,沖涼保養做足功夫,咁啱邊沖涼邊睇到《世界一受けたい授業》日本冷知識節目,搵來温泉療法専門醫師早坂信哉,講冬天 沖涼豆知識 ,聽完發現一直以來,大家沖涼的方法都係錯!

温泉療法専門醫師早坂信哉教路︰4招入浴美肌法

#01 飲杯綠茶先沖涼

綠茶所含的茶單寧有美肌效果,有實驗證明飲完杯綠茶先去沖涼浸浴,身體能吸收的茶單寧高7倍!醫師話,飲杯綠茶先沖涼,皮膚會靚好多。

#02 浸二手浴

爭先行頭慘過敗家,原來搶先浸浴乃大忌,皮膚會dry到爆。點解?因為水喉水係會加入有氯(塩 素,Chlorine)來消毒,而氯會把表層油脂洗去,皮膚唔乾到爆就奇。人體的皮脂(蛋白質及脂肪)是可以消除氯,所以首輪浸或者用花灑沖涼,皮膚會特別乾燥,原來浸二手湯先係好!不過若你怕泡二手湯唔衛生,那 加入柚子、果皮或一匙檸檬汁(維他命C)入水中,其實都有保濕的效果。

實驗證明︰浸二手浴比第一泡浸,皮膚狀態好好多! (圖片︰世界一受けたい授業)

#03 水溫40℃浸10分鐘

怕凍,好自然會把水溫調高,泡浴達人就話︰水溫42℃以上會抽乾皮膚水份,最佳水溫是38-40℃,肩頸以下泡10-15分鐘程度,嫌唔夠熱,可加入炭酸成份的入浴劑,即時提溫2℃!

#04 唔用搓布唔捽番梘

有好多人鐘意沖涼捽到成身番梘泡,原來又係皮膚大忌!捽番梘,不用捽全身,只擦頸背、屁股等污糟位置就得,冬天亦唔使用搓布、絲瓜、海棉等來洗擦沖涼,這樣才可以保留天然油脂,鎖住皮膚的水份。