率先試食! 西貢戲棚 10大必食攤檔推介!| 天后廟百年慶典 |周末好去處
率先試食! 西貢戲棚 10大必食攤檔推介!| 天后廟百年慶典 |周末好去處

率先試食! 西貢戲棚 10大必食攤檔推介!| 天后廟百年慶典 |周末好去處

今個周末的西貢除了海鮮,還有另一個新食點!適逢西貢墟天后廟百週年慶典,一連6日 西貢戲棚 有不少慶祝活動,最重要就係同場有近20個美食攤檔,原隻章魚小丸子、芝士玉子燒、芋圓豆腐花、台式蝶豆花蘭香子……等等,真讓人眼花撩亂!即刻等我為大家介紹6大必食推介,大家mark定check list啦!

撰文:bu | 攝影:Yee

一連6日 西貢戲棚天后廟百週年慶典

西貢戲棚 近來又於市中心搭建好,為的是慶祝天后廟建廟一百週年,一連6日的慶祝活動除了有神功戲於每晚開鑼,還有近40個攤檔,除售賣美酒、雜貨等,當中有近20檔美食攤檔,還隨著戲棚營業到晚上11時!

西貢戲棚
第一天開幕已經人頭湧湧。
記者bu帶大家試食啦!

必食1:原隻章魚小丸子+果汁梳打 $40/1款、$60/ 2款

平時我對章魚小丸子的感覺一般,因為坊間的放入口粉多過章魚。但這款原隻章魚小丸子完全沒有成口粉的問題!同場還有「油漆罐」咁大的、來自泰國的果汁梳打,味道有巨峰提子、蜜瓜、益力多等等,還有一款「選擇困難症梳打」,揀唔到就等老闆幫你揀啦!攤檔還有原條燒鰻魚一共3款食品,每款$40,$60則任選兩款。

原隻章魚小丸子,一盒3粒。
真係原隻章魚!見到已經好想食!
正宗泰國風味,一大桶有排飲!
有選擇困難症的朋友你識揀啦。

必食2:芝士玉子燒 $38

自認芝士狂迷,無「芝」不歡,這件西多咁厚、爆芝士的玉子燒,無論如何都要一試!

現場即煎,超香!
木魚多到連份玉子燒都全遮蓋!

必食3:芋圓豆腐花 $20

台灣旅行必食的芋圓,今次都有得吃,配上豆腐花,口感不俗,不過如果芋圓多一點就好了。

必食4:芒果糯米糍 $15、紫薯糯米糍 $12、爆珠荔枝糯米糍 $12

芒果糯米糍本來已經比其他大粒一倍,內裡還是真芒果肉,而不是芒果蓉,口感一流!而新推出的爆珠荔枝糯米糍及紫薯,全都是真荔枝肉、真紫薯,好食!

芒果糯米糍(左)$15、紫薯糯米糍(右)$12。
荔枝糯米糍入面是真荔枝肉及爆珠,驚喜!

必食5:柚子蜜雞翼包飯 $40

燒雞翼,我自細鍾意食~手掌咁大隻雞翼,外層塗上柚子蜜,比用一般蜜糖更清甜,而入面釀滿糯米飯,食完等於食了一餐飯,所以兩個人share就剛剛好。

必食6:安格斯巨型牛肉粒 $30

牛魔王的朋友要注意了!大大粒牛肉粒,一咬入口,肉味已經在口裡散發,亦夠juicy!

必食7:一口砵仔糕 $15/半打

除了有傳統黃糖及白糖配紅豆外,還有榴槤、綠茶、杞子桂花、楊枝甘露、椰汁西米等等新味道,杞子桂花其實即是桂花糕,它不會過甜,入口清香,所以是多款新口味中我最喜歡的。

必食8:芝士大啡菇 $20/大隻、$30/兩隻細

都說我是芝士狂迷,mozzarella芝士再加車打芝士這個超級芝士組合,完全不能抗拒,芝士跟大啡菇的味道亦很夾!

必食9:雪糕菠蘿包 $35

菠蘿包有4款口味:牛油、朱古力、竹炭、綠茶,而雪糕則有:香蕉、榴槤、朱古力,感覺像吃菠蘿油,但食到一半就開始出現油膩感,建議還是兩人分享一個好了。

必食10:蝶豆花台式蘭香子 $15

蘭香子,即是台灣常看到的「青蛙下蛋」。有柑桔檸檬及百香果兩款口味,另外還可以免費加蝶豆花醬,變成夢幻系飲品!

西貢墟天后廟百週年慶典

日期:17-22/11(12nn-11pm)

地址:西貢墟宜春街(顯示地圖

Facebook:西貢慶典

 

最新吃喝玩樂資訊